انا زعلان من المنتدى

**ali ashraf** · 19-06-2015 04:47 AM

النهارة اول يوم فى رمضان فطرت فى البيت لوحدى انا وزجتى لوحدنا لانى ظهرى قيام على ومش قادر اقوم من السرير هو الحقيقة انا فارش فرش على الارض لانى مش قادر انام على السرير من الم فقرات الظهر اللعينة و طبعا الاولاد و العلية فطروا فى بيت العلية مع بعض و كنت زعلان شوية و طبعا الصلاة فى البيت لانى مقدرش انزل المسجد ما علينا قلت ادخل على المنتدى اسئل الزملاء الافاضل عن المراتب الطبية قلت الم معلومات لحد ما ربنا يسهل و اقدر انزل اعمل جولة المهم و لا رد واحد من المنتدى طبعا الكل معذور الناس اول يوم صيام و الكل مشغول بس الحقيقة صعب على شوية و الظروف عموما كانت بالنسبة لى النهاردة مش تمام و رمضان كريم

**ESO101** · 19-06-2015 04:59 AM

المرتبة الناشفة .. أفضل أنواع المراتب للظهر .. فيه أنواع كتير .. بيفرق في الإرتفاع والكثافة .. بس المهم تكون ناشفة
هل حضرتك عايز اسم ماركة معينة .. عندك .. مرتبة الهابيتات أو يانسن

ألف سلامة

**ESO101** · 19-06-2015 05:04 AM

لما تنزل تشوف المراتب بالمرة دور على مسند للظهر

مفيد لو بتقعد فترات طويلة وبنفس أهمية المرتبة الطبية

**ali ashraf** · 19-06-2015 05:44 AM

المشاركة الأصلية كتبت بواسطة eso101

لما تنزل تشوف المراتب بالمرة دور على مسند للظهر

مفيد لو بتقعد فترات طويلة وبنفس أهمية المرتبة الطبية

شكرا على ردكم الكريم بالنسبة لمسند الظهر ممكن تجيب واحد مخصوص للسيارة غبر اللى فى المكتب يعنى ينفع مع السيارة ؟

**ESO101** · 19-06-2015 10:05 AM

المشاركة الأصلية كتبت بواسطة ali ashraf

شكرا على ردكم الكريم بالنسبة لمسند الظهر ممكن تجيب واحد مخصوص للسيارة غبر اللى فى المكتب يعنى ينفع مع السيارة ؟

الشكر لله أخي الكريم ... أه ينفع
أنا مش بعاني من آلام في الظهر الحمدلله بس في زيارتي الأخيرة للدكتور
شاف إن إبتدى يطلع كرش
قالي لازم تجيب كرسي طبي واحد للشغل وواحد للبيت ومسند في السيارة
( أنا الكرسي في السيارة عندي بياخد نفس شكل المسند )
أو 3 مساند واحد في كرسي الشغل وللسيارة وللبيت ..
حضرتك لازم تخلي كل قعدتك ظهرك ياخد إنحنائاته الطبيعية فجيب 3
وطول مانتا قاعد بدون مسند حاول تقعد بنفس الطريقة شد ظهرك وأشفط بطنك
أسبوع وعضلات ظهرك هترجع لوضعها الطبيعي وهتبقى دي قعدت بدون أي مجهود

شفاك المولى الرحيم

**tasaka** · 19-06-2015 03:32 PM

اى محل مراتب تسأل عن مرتبه طبيه .. بتكون مره و نصف السعر العادى لنفس المقاس يعنى حوالى 1000 جم للمقاس متر على ما اتذكر

**أبو آسر** · 19-06-2015 03:41 PM

على فكرة المسند الشبك ده بيتباع في أي محل اكسسوار سيارات وفي الهايبر ماركتس برده وغالبية استخدامه أصلا للسيارات أنا علطول كنت بستخدمه في السيارة لحد من كام يوم بس اشتريت مسند مبطن من هايبر وان وفيه مساج وكويس برده مش وحش

بخصوص ألم الفقرات حضرتك جرب جهاز اسمه Ceragem وهتدعيلي
في مراكز بتعمل جلسات مجانية بالجهاز وفيه مراكز بتعمل جلسات بأسعار رمزية ولو حضرتك حبيت تشتريه سعره في حدود 18 ألف جنيه بس جهاز رائع بمعنى الكلمة وحمايا كان عنده عرق النسا ومكنش بيعرف يتحرك من الألم ولف على دكاترة كتير معملوش حاجة ولما جاب الجهاز ده دلوقتي بيجري بدون مبالغة ما شاء الله
الجهاز مش علاج جذري للمشكلة لكنه بيخفف الألم لنسبة كبيرة جدا ومع الاستمرار عليه هتنسى ألم الفقرات تماما وكأنك شفيت
بس ابقى هات الأوتوماتيك منه أفضل من المانيوال ودي صورته

**أبو آسر** · 19-06-2015 05:17 PM

المشاركة الأصلية كتبت بواسطة ali ashraf

شكر يا ابو آسر بس الجهاز غالى قوى هقضيها بالعلاج الطبيعى الممل لأن ده شئ مزمن بس اللى مضيقينى انه جهه فر رمضان وكنت متعود رمضان يعنى جامع عمرو و كل عام و انت بخير

وحضرتك طيب يا دكتور علي
الجهاز ده أفضل من العلاج الطبيعي اللي هتعمله ومش هتعمل أي مجهود وكمان نتيجته أسرع
مش لازم تشتريه ممكن تروح مركز مجاني من المراكز اللي موجودة في الصفحة دي
https://www.facebook.com/pages/%D8%B...64695713640229

**بحار** · 19-06-2015 05:41 PM

الف سلامه على حضرتك .. وربنا يمن عليك بالشفاء ان شاء الله ..

الموضوع: انا زعلان من المنتدى

LinkBack

أدوات الموضوع

عرض

-

-

-

-

-

المواضيع المتشابهه

انا زعلان :(

زعلان

زعلان قوي :(

بجد زعلان

الكلمات الدلالية لهذا الموضوع

المفضلات

المفضلات

ضوابط المشاركة