عرض للطباعة
السلام عليكم ورحمه الله وبركاته...
رمضان كريم و كل سنه و حضراتكم بالف خير ان شاء الله!
الموضوع شاغل تفكيرى بقالى مده ومش عارف اخد فيه قرار.
انا الحمد لله ربنا رزقنى بولد وبنت... الولد عنده 5 سنين ونص والبنت 2 ونص ومتردد جدا انى اخلف عيال تانى خصوصا فى الزمن اللى احنا فيه ده .
كنت عاوز اعرف هوا انا بس اللى بفكر بالطريقه دى ولا فيه ناس تانيه برضه شاغلها الموضوع ده.
ياريت كل واحد يكتب ويناقش الموضوع من وجهه نظه عشان الكل يستفيد.....
في رأيي العدد 2 هو العدد المثالي للأطفال, و كونهم كمان ولد و بنت و فرق السن بينهم معقول فكدة حلو اوي..
ربنا رزقك بولد وبنت حتي لا تكون محروم من شيء. فرايي الشخصي كفاية.
أنا رأيى إن كده كفايه قوى فى ظل الوضع الراهن للبلد
2 عدد معقول جداً والحمد لله ولد وبنت وفرق السن بينهم مناسب قوى
ربنا يباركلك فيهم يارب ويحفظهملك
والله كده زى الفل وربنا يباركلك فيهم
كفايه كده
انا الحمد لله معايا ٣ ذكور ومش ناوي تاني مع ان كان نفسنا في بنوتة تساعد امها لكن الحمد لله على ما رزق حلو اوي كده خاصة ان ستات اليومين دول عمرهم الافتراضي اقل من ستات زمان وبعد اتنين او تلاتة بيفيصوا :)
عند ي 4
بس اﻻفضل 3
انا بميل لرأيك برضهاقتباس:
المشاركة الأصلية كتبت بواسطة dede_dodo88
الله يباركلك انت كمان ويحفظكاقتباس:
المشاركة الأصلية كتبت بواسطة engineer_amr
ربنا يباركلك فيهم!!اقتباس:
المشاركة الأصلية كتبت بواسطة أبو آسر
بس صدقنى البنات فيهم حنيه اكتر من الولاد بالف مره
انت تريد و انا اريد و الله يفعل ما يريد
لو بالأخذ بالأسباب. يبقى اتنين معقول جدا. انا كنت ناوي على كده بس ربنا رزقني بالثالث. الموضوع مرهق شوية لكن الحمد لله على نعمه و فضله
انا لو عندي ولدين هروح انتحر.. لأ تربية الولاد مبتبقاش سهلة خالص و محتاجة مجهود خارق..اقتباس:
المشاركة الأصلية كتبت بواسطة farouk84
بنتين وولد والحمد لله.
العدد المثالي 2 أو 3 بالكثير قوي
العدد 2 هو العدد المثالي للأطفال
لو بالأماني الواحد يتمنى يكون عنده 20 ولد و20 بنت
لكن في الزمن إلي إحنا فيه تمام كده وزي الفل وربنا يقدرك وتعلمهم كويس وتوفرلهم حياة كريمة
+111111111111111اقتباس:
المشاركة الأصلية كتبت بواسطة dr. Assem
كفاية ياصديقى واعتنى بيهم وربيهم كويس جدا
على الاقل اربعه
الفكره مش فى الكم الفكره فى الكيف
بمعنى لو حضرتك مقتدر وحتقدر تربي اكتر من طفلين تربيه قويمه بالمعنى المادى والادبي يعنى تقدر تصرف عليهم ومتخلهمش محتاجين حاجه وادبيا بمعنى انك متسبهمش للتلفزيون والشارع وصحابهم يربوهم علشان تشتغل 3 شغلانات علشان تسد الجانب المادى وبالتالى تضيعهم يبقى خلف اكتر زى متحب
رأيي الشخصى اول 9 شهور لسنه تكون بدون خلفه علشان تقدر تشوف الشخص اللى بتتعامل معاه "سواء زوج او زوجه" حتقدر تكمل المشوار معاه وترتبط بيه اكتر عن طريق الاولاد ولا تنفصلوا وتفضل علاقتكم فى حدود الادب وبدون تعقيدات فى الانفصال
بعد الفتره دى لقيت نفسي حابب اكمل يبقى نخلف مره ونشوف الوضع المادى والنفسي والضغوطات على الاسره شكلها ايه والله تقبلنا الوضع وربنا موسع على الواحد ويقدر يخلف تانى يبقى نجيب كمان طفل وكده يبقى الواحد عنده العدد المثالى للاطفال ويكتفى بهذا القدر
الخلفه مسؤليه وسبب بوظان المجتمع ان اللى بيخلف بيخلف للخلفه بدون حساب للمسؤليه فبقى عندنا كم اطفال هائل بدون كيف او بدون نوابغ فى اى مجالات لاننا بنجيب اطفال وغصب عننا نهملهم بدون قصد .
ربنا يبارك لصاحب الموضوع فى اولاده ويهديه للقرار الصحيح
ويكرمنا احنا كمان ونتزوج فى وقت ما بالرغم ان الموضوع بقى صعب جدا فى ظل ظروف البلد خاصه قبل ال30
تحياتى .