أصوم ولا لا ، محتاج رأي الأطباء

**ali ashraf** · 21-06-2015 06:30 PM

المشاركة الأصلية كتبت بواسطة Abo_Mazen

يا سيدي الفاضل الموضوع خطير ومش سهل ..أنا مقصدش خطير يعني إنفجارات وبتاع ..لأ ..أنا أقصد مهم ..الراجل بيتكلم عن إنه عايش بكلية واحده ..وعايز يعرف يصوم ولا لأ ..يبقى أكيد اللي هيفتي في الموضوع ده ..أو الطبيب ا للي يفتي في الموضوع ده لازم يكون معاه داتا أو بيانات يتكلم على أساسها ..دي صحه وده بني آدم برضه ..آسف في الكلمة ..أصل ده مش محرك سيارة هنقوله جرب ..شوف ..لو ظبطت معاك ماشي ..ما ضبطتش خلاص ..لأ ..دي صحة إنسان ..وبعدين إقتراحي مش صعب يعني ..شوية تحاليل عشان يؤخذ بناء عليهم قرار حاجه مش صعبه ولا حاجه ..وأهو يبقى إجراء دوري كل سنة عشان يقدر يعرف هيصوم ولا لأ ..عادي يعني .. وكل سنة وحضرتك بخير ويدينا ويديك الصحه وطولة العمر في الخير وما يرضي الله

جزاكم الله خيرا على 3 اشياء جميلة الاولى خوفك على صحة الاخ الكريم السائل والثانية ابداء النصح و الغيرة على الدين و الثالثة العاء لى بالخير و الصحة وطول العمر و انت صائم فجزاك الله خير الجزاء و بالنسبه للاخ السائل فقد وضحت فى ردى الاول وجوب عمل وظائف الكلى واكيد هى معلومة عنده بحكم ان الموضع مزمن شفاه الله و عموما البولينا و الكرياتينين blood urea and creatinineىكفيان ولازم ادعليك و انا صائم ربنا يعطيك الصحة و السعادة و الرضا وبركة فى المال و الاهل و البدن و العمر

**د.محمود صلاح** · 21-06-2015 06:34 PM

بالنسبة للحالة عندك عافاك الله من كل سوء :-

تقدر تعيش طبيعي زي اي انسان طبيعي بشرط متابعة :-

1- ضغط الدم
2-وظائف الكلى
3-نسبة البروتين في البول الميكرسكوبي
4- اشعة على الكليتين بصفة دورية لأن في بعض الحالات قد تحتاج ازالة الكلية الضامرة لا قدر الله
5- علاج اي التهابات في الجهاز البولي قد تحدث,, بصورة مكثفة دون ابطاء
------------------------
الصيام لا يوجد ضرر منه مباشر عليك ولكن لك ان تتخذ احتياطاتك الوقائية نظرا لحالة كليتيك وتفطر وتعوض عن ذلك بإفطار صائم ،، ويفضل استشارة طبيبك المعالج ليعطيك القرار الحاسم ,, لأن رأي الدين في هذه المسألة هو رأي الطبيب المعالج ...