الموضوع: أوكرة الباب اللى جوه باظت !

السلام عليكم
كل سنه وانتم طيبين ورمضان كريم

انا يا جماعه يوم الجمعه تانى يوم رمضان عيشت مأساه بجد :( نزلت بالعربيه مشوار وركنتها وانا مكنتش مطمن ففتحت الكبوت وفصلت البطاريه وفصلت فيشه تانيه الفيشه دى لو مفصوله العربيه متدورش ابدا تقعد تسمع صوت المرش ومتدوش لما بركن فى مكان وخايف العربيه تتسرق بفصل الاتنين دول

نزلت وروحت قضيت المشوار ورجعت وصلت البطاريه والفيشه دخلت العربيه طبعا سخنه جدا لانى كنت راكن فى الشمس الظهر جيت افتح الازاز كانت المأساه الاولى ان الازاز مبيفتحش فيوز الكهرباء تقريبا ضرب كالعاده " بتحصل كتير عندى " الاربع ببان الازاز مبيفتحش لانه كله كهرباء وفضلت سايق وانا بموت من الحر فى عز الصيام :( قاعد فى سونه جوه :( وبعد ما وصلت واخيرا جت اللحظه اللى هفتح باب العربيه واشم الهوا هنا بقى المأساه التانيه وهيا انى لقيت الباب مبيفتحش -_- ايوووووون مش بيفتح الاكره سايبه خالص ومش بتفتح وطبعا الازاز معلق فمش هينفع انزل الازاز وافتح من بره :( فى الاخر خرجت من الباب اللى جنب السواق وانا فى قمة غيظى

متعرفوش يا جماعه حوار الاكره ده مين اللى يصلحه ميكانيكى ولا سمكرى ولا ايه ؟

المشاركة الأصلية كتبت بواسطة abo_mazen

أي حد بتاع أبواب بس يكون نضيف يشتغل فيها ..سهلة بإذن الله ..بيني وبينك ..وما تزعلش مني ..هو موقف كوميدي أصلا ..أنا متخيل وحضرتك سايق في عز الحر وقافل عليك إزازك وماشي ..وتلاقي الناس مفكراك قاعد في عز التلج جوه عشان مشغل التكييف ..وكمان الباب مكانش عاوز يفتح ..بجد ربنا معاك في الموقف ده

شكرا يا باشا عالرد والاهتمام ان شاء الله هشوف حد بتاع ابواب يعملها
هوه فعلا كان موقف قمة فى الكوميديا اعتقد لو اتعمل مشهد فى فيلم الناس هتموت من الضحك عليه :)