سيراتو ولا ليبرتي

**romioromio** · 21-06-2015 01:04 AM

السلام عليكم
لو معايا 120 الف
كيا سيراتو موديل 2012 كامله
ولا جيب ليبرتي موديل 2002 او 2003 كده

انا عافر فئه غير التانيه

بس مقارنه عموما كاستخدام وقطع غيار واعتادية وصيانه

انا بحب السيدان اكتر
وعمري ما ركبت جيب لكن الجيب برستيج حلو وشكلها حلو
مشاوير داخل المدينة معظمها مفيش سفر كتير
مدينة معزوقه مطبات طبعا ( مش القاهره )
استخدام لطبيب زي ما بيقولو

**J A G U A R** · 21-06-2015 01:26 AM

فرق 10 سنين مش شويه
سيراتو طبعا

**Omar Sarray** · 21-06-2015 04:17 AM

سيراتو طبعاً فرق شاسع جدا

**romioromio** · 21-06-2015 07:04 AM

طب ممكن اعرف فرق شاسع من ناحية ايه
انا فعلا بدور علي سيراتو بنسبة 90 في الميه
بس شفت ليبرتي سودا ومعششه في دماغي حاسس انها برستيج تاني
بس معرفش اي معلومات عنها ولا ركوبتها ولا صيانتها
اللي عاجبني شكلها كبرستيج بس (( مظهره يعني ))
طبعا السيراتو غنية عن التعريف

بس اليبرتي شكلها حلو
الصوره من النت لموديل اعلي تقريبا

رايكم

**Abo_Mazen** · 21-06-2015 09:35 AM

هو اللي لفت نظري في كلام حضرتك ..إن المدينة بتاعة حضرتك معزوقة مطبات ..طيب هي السيراتو ياكل معاها موضوع المطبات ده ؟؟؟؟

**ENG.MaRk** · 21-06-2015 10:00 AM

لو بتمشي علي طرق كلها مطبات يبقي خليك في الليبرتي

**mr_green** · 21-06-2015 12:35 PM

الجيب - بنزين و قطع غيار أغلى
السيراتو عمرها أجدد و قطع غيارها أرخص و بنزين أكيد أقل

**romioromio** · 21-06-2015 02:03 PM

المدينه دمنهور للتوضيح
يعني مدينة مش قريه

بس فعلا الشوارع بقي معظمها مطبات
والسفر الوحيد اللي بسافره اسكندريه
وطريق مصر اسكندرية الزراعي بقي عبارة عن مطبات يتخللها مطبات

تاني حاجه انا كان معايا كورولا 2012 و 2011 بعدها وبعنهم
بس كانو مقرفين جامد في المطبات
والله مره علقت في نص مطب والعتب باظ من تحت

والحكه بتحك كل بطن العربيه بتحس ان قلبك بيطلع

اللي لفتني في الجبات
صاحبي اشتري تريوس العادية مش جراند
بس مرييييحه بس متحسش ولا مطب

بس عيبها صغيره وضيقه وموتورها صغير وسحبها وثباتها تعبانين
ومش منظر اوي
عكس الجيب هيبه جدا بس سمعت عن حوار قطعها غاليه ومرهقه كصيانه واستعمال
يعني منظر بس

ولا ايه.؟؟؟

سؤال جانبي
انا عمري ما ركبت سيراتو
لكن مضطر لها حاليا عشان الميزانيه حاليا
هل ححس بفرق جامد عن الكورولا
كنعومه وتكييف واعتماديه رهيبه وثبات مرضي ليا

**speranz** · 21-06-2015 02:03 PM

لو حفر ومجاري كنت هقلك ليبرتي
انما المطبات امرها سهل مش مستاهلة 4*4
الجيب ضخمة صحيح بس في الاضخم منها شوف الدودج رام هتحس انك راكب علبة كبريت
قطع غيار نار بس موجودة وصيانتها عند بتوع الامريكاني عادي بس عايزة بنزينة وراك
السيراتو كويسة ولو اني افضل الالنترا عنها
عربية تحفة وماتور ممتاز ونعومة ورفاهية قول زي ماتحب اكيد اختيار مناسب