عرض للطباعة
يا جماعه انا لسه جايب العربيه ومحتاج مساعده منكي في شويه مشاكل عندي :
اولا : المرايا تعتيم واصل فيها زي كابلين او سلكين من ورا في واحد فاكك منهم ده بيتلزق عادي ولا ليه طريقه معينه
ثانيا: الكاسيت البكر بتاع الصوت ناعم جدا تقريبا بيلف علي الفاضي ده اعمله فين علشان البكر بضبط
ثالثا : زيت الفتيس بتاع العربيه بيتغير امتي
العربيه كوورولا موديل 2009 وشكرا ليكم
تم تعديل العنوان
م.ع 7
ولا رد واحد محدش عنده اي معلومه عن ولا نقطه من ال 3
اولا الف مبروك على الكورولا وربنا يرزقك خيرها ويكفيك شرها
ثانيا هى اى فئة
عداد العربية كام
علشان اقدر ارد عليك
وعلى العموم
1. انت ممكن تغير زيت وفلتر طالما انت شاريها مستعملة علشان تبقى مأمن نفسك
2. ان امكن صور السلكين اللى ورا المراية علشان اعرف ارد عليك (من الواضح ان العربية جنوب افريقى فجرب تشغل الاوتو بتاع المراية وشوف اللمبة اللى جنب زرار الاوتو هينور والا لا وبالمناسبة هو لونه بعد الاضاءة اخضر)
3. بخصوص بكر الكاسيت هتعمله عند اى حد بتاع صيانة كاسيتات وفى الاغلب يا بيتنضف او ان كانت المقاومة سايبة بيلحمها
ارجو انى اكون افدتك
اخوك
م/ أحمد غريب
انا اسف انى اختلط عليا موضوع الزيت
بخصوص زيت الفتيس ده بيتغير عند صيانة الفتيس بسس للاسف مش متذكر امتى او على كام الف
ويفضل يتغير فى التوكيل طالما الفتيس MMT والعربية طبعا جنوب افريقى
وهو بيتغير بزيت موبيل 75w والمفروض انه موجود فى التوكيل فقط ومش بيبيعوه هو بيتغير فقط فى ميعاد صيانة الفتيس
ممكن ان كانت العربية لسه مغيرتش الفتيس تروح تغيره فى التوكيل وهم هيغيروا الزيت كمان وهيقعد فترة محترمة قبل ما تفكر تقرب منه
عذرا للخطأ
م/ أحمد غريب
شكرا لحضرتك علي الردود العربيه ماشيه 41000 والفئه قبل الاخيره جنوط واستارت
بالنسبه للماريا هي في كابل واحد واصل والمرايا فعلا منوره اخضر
اوعى المفتاح يضيع منك ولو معاك واحد بس حاول تعمل مفتاح تاني
انامفتاح عربيتي ضاع ومحتاس حوسة السنين وربنا يحلها من عنده
الجنوط اللى هو 10 اذرع والستارت فى الهاى لاين اللى هى 9 ايرباج وكاسيت تاتش وتكييف تاتش وطارة مالتى فنكشناقتباس:
المشاركة الأصلية كتبت بواسطة shark12345
الصورة هنا هتوضح المطلوب من الكابل التانىاقتباس:
المشاركة الأصلية كتبت بواسطة shark12345
ممكن الكابل التانى يكون بتاع السنسورز خصوصا بتاع الامطار
ربنا يعينكاقتباس:
المشاركة الأصلية كتبت بواسطة mashaly
ممكن تروح التوكيل يعملوا لك مفتاح تانى
بس السؤال اللى ضاع منك المفتاح المعدن والا الريموت والا لا قدر الله الاتنين
لا معايا المفتاحين واحد معايا والتاني شايله في البيت وربنا يعينك وتتحل علي خير
اسف علي التأخير يا غالي بس علي الرغم من اني جوا العربية يوميا وممكن اكتر من مرة بس مكنتش مركز
بس يا غالي المرايا مفيش لها اسلاك
الكابل اللي قصدك عليه ده زي ما قلت لك كابل السنسور بتاع الامطار والنور وده واصل علي علبة صغيرة بتتثبت في مكان لها علي الزجاج جوا الحتة اللي هي عليها لون اسود
وطبعا بعد تثبيتها علي الزجاج هتحط ذراع النور علي الاوتو وهو اوتوماتيك هيشتغل مع ضعف النور وهيشغل النور العادي بتاعك
وكمان هتحط ذراع المساحات علي الاوتو وهتلاقي المساحات بتشتغل مع الامطار وطبعا علي حسب كثافة الامطار وسرعه العربية المساحات هتشتغل
ارجو اني اكون افدتك وان شاء الله هحاول اصورهالك عندي واعرض لك الصورة
اخوك
م/ أحمد غريب
شكرا لحضرتك وربنا يباركلك علي المعلومات الحلوه ديه
فى الخدمه
واى سؤال بخصوص العروسة عرفنا واصبر علينا شوية وربنا يسهل وتلاقى الرد اللى يخدمك