عرض للطباعة
السلام عليكم ورحمة الله وبركاته
الى كل مالكي الميجان, كنت عايز اعرف رأيكم في حاجة ، انا عجباني قوي الميجان خصوصا 2006 ودخلت وشوفت في المنتدى هنا مميزتها وعيوبها وكلام الناس عنها وخصوصا الامان،انا معايا فولفو81 والعربية كويسة جدا معايا بس حابب اني اغير وخايف لما انزل من الفولفو احس بفرق كبيرفي المتانة وقوة التحمل لأن مشاويري كتيروانا ساكن في المريوطية وشغلي في مصر الجديدة فباخد مشوار ميه ميه كل يوم ياريت تفيدوني. وشكرا
متقلقش منها يا باشا العربية ما شاء الله جميلة جدا بس نقى حاجة حالتها نضيفة و اكشف عليها فى التوكيل و شوف صاحبها كان بيعملها صيانة ولا لأ و لو كلة تمام يبقى توكل على الله
الف شكر يا فهد باشا الله يطمنك
بص ياباشا انا كان طول عمري باركب فولفو وكانت أخر حاجة معايا فولفو 740 مو 90
بعتها مجبت ميجان 2008 زيرو متحطش الفولفو في مقارنة مع أي عربية علشان هتتعب
لأن مفيش عربية في قوة الفولفو يعني انا وانا معايا الفولفو كنت بأمشي بيها ميهمنيش ولا مطب ولا عربية وكلو كان بيخاف منها انما الميجان بمش بيها وأنا خايف والكلام ده لأي عربية زيرو وجديدة لأن الخبطة فيها بجون فانا لما قررت أجيب عربية غير الفولفو شلتها من دماغي خالص وابتديت أدور في كل الجديد لقيت أنسب حاجة الميجان
بالنسبة لأي ميجان مستعملة لازم تكشف عليها في التوكيل
شكرا يا Megane_man انت فعلا ريحتني لأن فعلا انا بقالي فترة كبيرة مش عارف اقرر علسان انا بارضه راكب فولفو من زمان انزل من فولفو اركب فولفو واللي تعبني فعلا في تغيير العربية اني حاطط الفولفو دايما في مقارنة فبتعب في الأخر واصرف نظر عن تغيير العربية بس انت كده ريحتني فعلا . شكرا ليك
ألف شكر وأبقي طمني عملت أيه