ياريت حد يساعدني ارجوكوا

عربيتي بونتو كلاسيك 2012

المشكلة اني بعد ما بوصل لسرعه 90 بسمع صوت طالع من الموتور زي صوت الغسالة الاوتوماتيك كده ..ألصوت ده احيانا يظهر واحيانا لأ واحيانا لما يظهر يستمر وقت طويل واحيانا يختفي بسرعه... ده غير اني دايما حاسس بكركبة تحت رجلي وانا سايق ومش عارف من ايه...قبل ما اروح التوكيل غيرت مساعدين قدام وسير كاتينا وسير خارجي...الجميل بئي اني لما روحت التوكيل طلع معايا فني من عندهم نجرب ولا الصوت ظهر ولا الكركبة اللي تحت رجلي دي ظهرت لما بقيت هتجنن..وبالتالي معملوش اي حاجة غير اني غيرت فلتر التكييف...بس الصوت برده عمال يظهر معايا ... والعربية مش مضبوطة خالص لدرجة اني بقيت خايف اتحرك بيها مشاوير طويلة..حد يقلي العيب ده ممكن يكون ايه واتصرف فيه ازاي
انا ساكن في الشيخ زايد ..لو حد يعرف ميكانيكي يكون كويس قريب مني
ياريت تفيدوني ارجوكوا