استلام النترا جديدة

**mohamed_berlit** · 23-06-2015 10:54 AM

السلام عليكم جميعا:

استلم اخى بحمد الله سيارة النترا جديدة (اول فئة) ويوجد بعض الاسئلة التى تحتاج اجابة من زملائى الخبراء وهى كالأتى:

1- هل يوجد مثبت سرعة ام لا ؟ (مع العلم باننا لم نجد زر Cruise او Set او Cancel)
2- هل يوجد ايموبلايزر ام لا ؟ ( مع العلم باننا لم نلاحظ اى مؤشر يدل على ذلك بداخل العدادات او كمبيوتر الرحلة)
3- بالنسبة للفتيس فى الكتالوج بيقولوا اننا بنستخدم زر الفتيس عند الانتقال من P الى R فقط ، وبنستخدم الفرامل عند الانتقال من N الى R الى P فقط ، اما باقى الانتقالات كلها بننقل علطول من ذراع الفتيس بدون الضغط على الزر سواء من N الى D او العكس ، R الى N الى D ، هل هذا صحيح ام يجب استخدام زر الفتيس عند تحريك عصا الفتيس لأى جهة؟
4- يوجد زر بجانب الفتيس يسمى ( Shift Lock-Release) ، ماذا يفعل و متى يستخدم ؟
5- عند الـ D لوحظ ان الفتيس ينتقل من سرعة الى اخرى عند مستوى 2000 Rpm ، طبعا احنا لسا ماخلصناش 1000 كيلو ، واالى اعرفة ان مرحلة تليين ال 1000 يفضل ان يصل ال Rpm الى 3000 حتى يتم تطبيع البساتم مظبوط ، فهل يجب ان نستخدم الستيبترونيك للتحكم فى ال Rpm ام ماذا نفعل؟
6- عاداً لا نستخدم P عند ركن السيارة ، حيث تكون على N مع سحب فرامل اليد ، هل يجب عند ركن السيارة ان تكون على P؟
7- نريد ان نضع 4 سماعات بيضاوى فى الخلف ولكن وجدنا صعوبة فى وضعها نظرا لوجود اللوك بتاع الشنطة بعرض شنطة السيارة ، هل يوجد حل لذلك؟

انا اسف جدا يا جماعة على الاطالة وكثرة الاسئلة ولكن لم اجد مايدعمنى اكثر من خبراء نايل موتورز.

ولكم جزيل الشكر مقدما

**aymanshebl** · 23-06-2015 03:31 PM

متابع

**mohamed_berlit** · 24-06-2015 03:03 AM

متابع

**mohamed_berlit** · 24-06-2015 09:56 AM

ايه يا جماعة. 109 مشاهدة من غير ولاتعليق. فين خبراء هيونداى فين خبراء نايل موتورز.

**adorehearts** · 24-06-2015 11:01 AM

بص انا هكلمك عن تجربتى وكان معايا 2013
1- مفيش مثبت سرعة فى الفئة الاولى
2- كل الفئات دلوقتى بقا فيها ايمبولايزر وده من موديل 2013 لفوق ,الفئة الأولى بيكون فى إيمبولايزر " بتتأكد هتلاقى علامة كدة لونها اصفر وجواها مفتاح صغير " ودى صورة للتوضيح

3-استخدم زر الفتيس عند الانتقال لأى سرعة وكمان معاهم الفرامل , زيادة امان مش اكتر وبتحافظ على الفتيس

4-هذا الزر لوقفل عليك الفتيس ورفض يتحرك او قفل والسيارة تمشي لاي سبب عطل فني او غيره هيتحرك الزر من مكانه لاعلى او يرجع للخلف على حسب تصميمه بسيارتك وتضغطه ويرجع مكانه ويشبك الفتيس تانى

5- اسأل التوكيل لما تروح تعمل صيانة او كلمهم على الخط السريع

6- لازم السيارة لما تكون راكنة تكون على الوضع P وترفع الهاند لعدم تأثيرها بأى تحركات وزيادة امان ان العربية متتحركش , إلا إذا راكنها فى جراج والسايس بيحتاج يحركها كل شوية بتعملها على ال N

7- تقدر تسأل فيها التوكيل برده عشان هما عارفين مقاسات العربية والأفضل لها .

إن أحسنت فمن الله، وإن أسأت أو أخطأت فمن نفسي والشيطان

**mohamed_berlit** · 24-06-2015 11:22 PM

شكرا جدا على مجهودك ووقتك:
بالنسببة للبند 3 : انا كنت قراءت فى الكتالوج اننا بنستخدم زر الفتيس بس لما نكون بننقل من p الى r والباقى كفاية فرامل. انا خايف كتر استخدام زر الفتيس يعمل مشاكل.
معلش بقى اخر سؤال اصل انا جديد فى حكاية الاوتوماتيك دية. هو لو نقلت من اوتوماتيك الى استيبترونيك والعكس لازم العربية تكون واقفة ولا ممكن تكون ماشية عادى واحول.
ولما اكون على الاستيبترونيك واجى انقل من غيار الى غيار هل لازم اشيل رجلى من على البنزين ولا ممكن انقل عادى وانا دايس بنزين.
اسف على الاطالة وشكرا مقدما

**adorehearts** · 25-06-2015 05:21 AM

تمام مدام ده كلام الكتالوج امشى عليه لضمان عمر طويل للفتيس

بالنسبة لموضوع السيبترونيك ده بيخلى العربية كأنها مانيوال وبكون ميزة حلوة خصوصا على الطرق السريعة علشان بتخلى العربية تسحب جامد ، علشان تستخدمه لازم تجيب الفتيس على اليمين وهو على ال D وعلشان تنقل السرعة بترفعه لفوق عند علامة + ال هتلاقيها مرسومة على الفتيس وبتدوس على فرامل مع كل غيار او نقلة وده فيديو توضيحى من داخل العربية
https://m.youtube.com/watch?v=inDoY0vziaY

اسأل زى ما انت عايز وانا مجبر اديك كل معلوماتى
إخفاء العلم على العامة ملعنة، قال تعالى:بسم الله الرحمن الرحيم {إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون}. صدق الله العظيم

واخيرآ إن احسنت فمن الله ، وإن اسأت او اخطأت فمن نفسى والشيطان.