الموضوع: اروووح موفينبيك 6 اكتووبر ازاااااااى؟؟

بصي يا نهي انا مش فاكر موفينبيك فيه موفينبيك جوة في أكتوبر بالزبط ولا لأ .. بس تقريباَ هوا واحد جنب دريم لاند .. لو حد أكد علي المكان ده .. خدي الطريق اللي هقولك عليه هو أسهل طريق و أكتر واحد دايركت بدل ما تطلعي الدائري و تتوهي و الدائري وحش أوي و الطريق مفصلاته مكسرة و السيراتو هتضايق جامد .

إنتي هتطلعي الكورنيش .. تعدي التحرير .. و تعدي التليفزيون .. و تطلعي كوبري 15 مايو من اليمين .. علي طوووووووووووووووووووووووو ول .. هتلاقي نزلات و حاجات كتير هتعدي عليها لا هتخشي يمين ولا شمال .. الكوبري هيخلص و تنزلي في وصلة بين الكوبري اللي بيطلع المحور و كوبري 15 مايو (في ميت عقبة) .. علي طول إنتي برضه .. المحور .. علي طوووووووووووووووول و هتعدي علي الصحراوي و هايبر وان .. ولا يهزك إنتي طريقك خط مستقيم .. لحااااااااد ميدان جهينة .. تعرفيه إزاي؟ مبدئياَ واضح من إسمه .. ميدان .. و فيه صينية في النص .. و فيه أول مطب هتقابليه من ساعة ما تطلعي الكوبري من بعد التليفزيون .. أول ما توصلي المطب ده .. هتلفي مع الصينية شمال و تخشي في الشمال اللي في النص (متلفيش و ترجعي يعني) .. هيبقي علي شمالك الطريق الراجع و علي يمينك بنزينة موبيل و اون ذا ران .. و مرة أخري .. علي طوووووووووووووووووول .. الطريق هيحود بيكي يمين و إنتي معاه .. هيقابلك مطب تاني و هتلاقي نفسك في طريق سريع .. هوا ده اللي عليه موفينبيك .. هتقطعي الطريق لأن إنتي هتطلعي في فتحة قدامة فتحة يو تيرن في نص الطريق .. الطريق يفضي (بيبقي فاضي بالليل) تقطعيه و تخشي في الناحية التانية .. تمشي شوية هتلاقي موفينبيك علي اليمين .

الطريق ده أسلك من طريق الفيوم لأن الرماية علي طول واقف و ده مفيهوش حركات كتير فا ميتوهشش.

المشاركة الأصلية كتبت بواسطة aif

هو عموما اكتوبر لها طريقين ....
المحور .... وده امتداد كوبري 15 مايو ... طواااالي ... مرورا بميدان سفنكس .... ثم ميدان لبنان .... ثم منزل الطريق الصحراوي ... وبعدين الشيخ زايد ... وبعدين تلاقي نفسك عند دار الفؤاد و الجامعة اللي جنبة ... وح تلاقي قدامها تمثال للسادة الحاصلين علي نوبل والسادات ومحفوظ و زويل .. الي جانب القائد الزعيم طبعا .... ( التمثال اتعمل قبل البرادعي ما ياخد نوبل )
وبعدين تلاقي نفسك عند جهاز مدينة 6 اكتوبر ثم مسجد الحصري و جامعة 6 اكتوبر
....ده الطريق اللي باروح منه

فيه طريق تاني الهرم او فيصل .... ميدان الرماية .... طريق الفيوم .... ثم يمين الي 6 اكتوبر مرورا بدريم لاند و هيلتون و مدينة الانتاج الاعلامي و بعدين بندخل يمين ....نلاقي نفسنا عند جهاز مدينة 6 اكتوبر من الاتجاة العكسي للطريق الاول
المهم طالما اول مرة تروحي بلاش تروحي بالليل .... ولو ح تروحي بالليل يبقي روحي الاول بالنهار لأستكشاف الطريق
ربنا معاكي ...
وما تنسيش تاخدي معاكي قطن لسد الأذنين ..... انا لسة كنت في فرح في كفر الشيخ ووداني بتصفر لغاية دلوقت .... ال D J ده اختراع فااااااشل .... والله بقيت خايف علي ودان العيال من الصوت الغبي ده
الناس كلها ما حدش سامع حاجة من اي حاجة .... وكلهم بيبتسمو بغباء بدون فهم اي حاجة من كلام بعضهم ....
جربي كدة .... في عز الدوشة روحي لواحدة تكوني مضايقة منها .... و قوليلها ( والله انا مش طايقة حضرتك ) ... ح تبتسم وتقولك .... الله يبارك فيكي يا اوختشييييي

ههههههههههههههههههههههههه ههه

يا اوختشيييييي ايوه عارفاااااااهم شفتهم في كذا فيلم عربي برده

لا الحمد لله يا ابراهيم دة فرح reception و مفهوش رقص ولا DJ ولا دوشة يعني من الاخر هنروح نهجم على البوفيه :k31: و نظبط و نحبس بكوباية الشاى المتينة و حتت الجاتوة و نروح و نتصور صورتين اثبات حضور و السلام عليكم

بس يا رب ماما توافق اروح لان الموضوع لو بعيد و مرعب مش هتوديني و دى صاحبتي الانتيخ لو مروحتش ممكن تقاطعني فيها :k30:

المشاركة الأصلية كتبت بواسطة MoToRiZeR

بصي يا نهي انا مش فاكر موفينبيك فيه موفينبيك جوة في أكتوبر بالزبط ولا لأ .. بس تقريباَ هوا واحد جنب دريم لاند .. لو حد أكد علي المكان ده .. خدي الطريق اللي هقولك عليه هو أسهل طريق و أكتر واحد دايركت بدل ما تطلعي الدائري و تتوهي و الدائري وحش أوي و الطريق مفصلاته مكسرة و السيراتو هتضايق جامد .

إنتي هتطلعي الكورنيش .. تعدي التحرير .. و تعدي التليفزيون .. و تطلعي كوبري 15 مايو من اليمين .. علي طوووووووووووووووووووووووو ول .. هتلاقي نزلات و حاجات كتير هتعدي عليها لا هتخشي يمين ولا شمال .. الكوبري هيخلص و تنزلي في وصلة بين الكوبري اللي بيطلع المحور و كوبري 15 مايو (في ميت عقبة) .. علي طول إنتي برضه .. المحور .. علي طوووووووووووووووول و هتعدي علي الصحراوي و هايبر وان .. ولا يهزك إنتي طريقك خط مستقيم .. لحااااااااد ميدان جهينة .. تعرفيه إزاي؟ مبدئياَ واضح من إسمه .. ميدان .. و فيه صينية في النص .. و فيه أول مطب هتقابليه من ساعة ما تطلعي الكوبري من بعد التليفزيون .. أول ما توصلي المطب ده .. هتلفي مع الصينية شمال و تخشي في الشمال اللي في النص (متلفيش و ترجعي يعني) .. هيبقي علي شمالك الطريق الراجع و علي يمينك بنزينة موبيل و اون ذا ران .. و مرة أخري .. علي طوووووووووووووووووول .. الطريق هيحود بيكي يمين و إنتي معاه .. هيقابلك مطب تاني و هتلاقي نفسك في طريق سريع .. هوا ده اللي عليه موفينبيك .. هتقطعي الطريق لأن إنتي هتطلعي في فتحة قدامة فتحة يو تيرن في نص الطريق .. الطريق يفضي (بيبقي فاضي بالليل) تقطعيه و تخشي في الناحية التانية .. تمشي شوية هتلاقي موفينبيك علي اليمين .

الطريق ده أسلك من طريق الفيوم لأن الرماية علي طول واقف و ده مفيهوش حركات كتير فا ميتوهشش.

بجد انا عملت PRINT لوصفك و هاخدها معايا اكيييد

بس انت متأكد برده من مكان موفينبيك عشان ميطلعش اوتيل تانى ولا حاجة

ميرسييييي يا موتوووووو على وصفك بجد سهل و ميتوهش خالص

فعلا انا مكنتش عاوزة اخد الرماية لان اخر مرة خدت المريوطية اتبهدلت لان كان فيه شغل و بيعملو كبري و حاجات كدة فبجد كان مقلب عمرى و اتبهدلت فخايفة يكون الشغل لسه مخلصش و اقضي الفرح كله فى الرماية

ميرسيي يا موتووو مرة تانية على المساعدة :k10:
منجيلاكش في ضيقة ابدااا