مشكلة غريبة سينا 2003

**magedmega** · 23-06-2015 04:55 PM

السلام عليكم

انا اشتريت سينا موديل 2003 بقالى 6 شهور العربية جميلة جدا ومكنش فيها اى مشكلة لمدة 3 شهور انا من الاسكندرية وشغلى فى شرم الشيخ اول مرة مرضيتش اسافر بيها شحنتها لحد شرم لحد مقررت انزل بيها عشان اظبطها شوية قبل متحرك تممت على كل حاجة واتكلت على الله مفيش 10 دقايق حسيت ان العربية مبتسحبش زى الطبيعى ابقى دايس بنزين والسرعة بتقل وحسيت ان العربية مكتومة المهم كمات بيها وقلت يمكن الترنبة بتاعت البنزين نزلت غيرتها بوحده استعمال وبردو المشكلة متحلتش غيرت فلتر بنزين بردو نفس الحكاية روحت البنزينة حطيط مع البنزين الى بينضف دورة البنزين وبرد محصلش اى تقدم بس لحظت حاجة اول مبتعمل معايا كدة ببطل العربية وانا ماشى وادور بتسحب كويس جدا بس بعد ربع ساعة ترجع تانى الميكانيكى مش عارف يفدنى اخر مرة قلى حط بنزين 95 مرة وحدة حيظبط معاك ولا حصل حاجة لو حد حصل معاة الموضوع دة يفدنى حبقا شاكر جدا عشان الميكانيكية هنا فى شرم تقلو على العيب يعملوا غير كدة مبيعرفوش يشخصو حاجة

اعتزر على الاطالة

**shake** · 23-06-2015 06:12 PM

متا بع

**magedmega** · 23-06-2015 07:13 PM

حد يعرف اية الجزء دة ؟؟؟

**eng_amg** · 23-06-2015 09:18 PM

سيبك من موضوع 95 دا ومفيش ميكانيكي حيعرف العربية دي فيها ايه إلا بالكشف بكمبيوتر التوكيل.
بس حسب الي انا فاهمه من كلام حضرتك ممكن تكون المشكلة في حاجة من 2
1) الايديال الي حضرتك مصوره دا.
2) حساس الشكمان أو الأكسجين.
ياريت لو نزلت القاهرة تجيب اللتنين دول استيراد حتلاقي أسعارهم لزيزة. وبعد ما تركبهم لازم تعمل ريسيت للكمبيوتر بتاع العربية علشان حيكون مكيش الايرور -كود الخطأ- ولازم يتمسح.

**magedmega** · 23-06-2015 11:17 PM

المشاركة الأصلية كتبت بواسطة eng_amg

سيبك من موضوع 95 دا ومفيش ميكانيكي حيعرف العربية دي فيها ايه إلا بالكشف بكمبيوتر التوكيل.
بس حسب الي انا فاهمه من كلام حضرتك ممكن تكون المشكلة في حاجة من 2
1) الايديال الي حضرتك مصوره دا.
2) حساس الشكمان أو الأكسجين.
ياريت لو نزلت القاهرة تجيب اللتنين دول استيراد حتلاقي أسعارهم لزيزة. وبعد ما تركبهم لازم تعمل ريسيت للكمبيوتر بتاع العربية علشان حيكون مكيش الايرور -كود الخطأ- ولازم يتمسح.

شكرا على الرد الايديال دة فى خرطوم واصل لية الميكانيكى بيقول انو خرطوم هوا لقيتو سايح بس معليش هوه دة لزميتو اية

**eng_amg** · 24-06-2015 06:47 PM

لا والله مش متذكر...

**محمد دسوقى72** · 24-06-2015 10:10 PM

السلام عليكم ورحمة الله وبركاتة زميلى العزيز باءختصار عن تجربة فك علبت شكمان البيئة وجرب والله المستعان

**magedmega** · 26-06-2015 02:39 PM

المشاركة الأصلية كتبت بواسطة محمد دسوقى72

السلام عليكم ورحمة الله وبركاتة زميلى العزيز باءختصار عن تجربة فك علبت شكمان البيئة وجرب والله المستعان

شكرا على الرد

هجرب ويارب تنفع :)

**magedmega** · 08-07-2015 03:29 PM

المشاركة الأصلية كتبت بواسطة محمد دسوقى72

السلام عليكم ورحمة الله وبركاتة زميلى العزيز باءختصار عن تجربة فك علبت شكمان البيئة وجرب والله المستعان

انا روحت افك علبة البيئة طلعت فضية فالراجل فتحلى العلبة بتاعت الشكمان الى فى الاخر خالص ونضفهالى
وغيرت طقم بوجية وطقم اسلاك بوجية ولسة برضو المشكلة موجودة

اعملة اية بعد كدة

و لو عاويز اكشف على العربية بالكمبيوتر حد يعرف فين فالاسكندرية والتكلفة حتبقى كام بالتقريب