افتراضي تنك المياه اعلى الشقة فهل المياه تبقي ضعيفه

**abou-yahia** · 27-06-2015 11:23 AM

المشاركة الأصلية كتبت بواسطة john youssef

هو انت فى حالتك حظك حلو لان عندك فوقك 3 ادوار كاملين يعنى حوالى 10 متر و دا بيعمل 1 بار
خد بالك هييجى وقت ضغط العمومى هيتساوى مع ضغط التانك و مع الزيادة السكانية هيصبح ضغط التنك دايما اعلى من ضغط العمومى.
بالنسبة لموتور الغسالة ... هو فيه حد جربه قبل كدة
بس موتور الغسالة مش موتور رفع يعنى مابيعملش بووستينج boosting ... و الحكاية مش حكاية موتور الحكاية حكاية ايمبيلر جوا الكاسينج هو دا اللى بيرفع الضغط بينما موتور الغسالة مش من نفس النوع.

هو انا فوفيا دورين

وطبعا عشان كده انا عايز اركب موتور

موتور الغساله يركب علي النازل من الخزان للشقه

واعتقد انا مفهمش هو اساسه طرد مع ةلجاذبيه حيؤدي الغرض

بسيط ومش حيستهلك مكان او كهرباء

ايه رايك

**JOHN YOUSSEF** · 27-06-2015 11:45 AM

اخ ابو يحيى
هو استهلاكه للكهرباء اقل بالتأكيد و كمان صغير بس مش هيفيد بالغرض لانه مش هيدى ضغط
موتور الميا بايمبيلر متصل بالموتور مباشرة جوا كايسينج دا اللى بيعمل رفع للضغط
و لعلمك لازم يكون معاه بالونة بكات اوت عشان مايفضلش شغال
و لو خايف من استهلاك الكهرباء هات اصغر حاجة فى السوق
و البالونة بتخزن ضغط لعلمك يعنى ضرورية عشان تقليل فترة عمل الموتور .. البالونة مش عشان تخزين مياه كما يعتقد البعض

اما موتور الغسالة الايمبيلر بتاعه بلاستيك

**JOHN YOUSSEF** · 27-06-2015 12:00 PM

المشاركة الأصلية كتبت بواسطة abokoko

الموتور نصف حصان كفاية ؟
ولو صينى يمشي باعتبار انه بيضغط لاسفل يعنى مفيش اجهاد ؟؟ ولا لازم ايطالى ؟؟؟

مش فاهم ال تى الثانية ليه ؟
ويار ريت تفصيل وشرح للمقصود بال باى باص ؟

سؤال مهم لى
الموتور الضاغط للمياه للشقة هيشتغل طول الوقت
ولا لما احتاجه للسخان والغسالة ؟؟

حتة الموتور نص حصان دى المقصود بيها قدرة الموتور عند مخرج المياه يعنى كمية مياه كذا مضروبة فى الضغط عند مخرج الطلمبة يديك القدرة بالواط او الحصان اللى هيا نص حصان بس دا مالوش دعوة بالضغط قبل الطلمبة اللى انت لازم تحققه عشان الطلمبة ماتبوظش
بالبلدى يعنى مثلا تدينى دخول خمس البار الطلمبة تخرجهولك مثلا 2 بار بنفس كمية المياه يبقى رفعته 10 اضعاف
اللى انا اقصده ان لازم يكون فيه ضغط كافى للمياه قبل الدخول و لو ضغط ضئيل.. و اعتقد ان دا متحقق و موجود مادمت هتاخد من تانك انا بس كنت حابب اتأكد منك .. و للامانة لازم تتأكد من ضغط الدخول المطلوب على مدخل الطلمبة عشان لو قليل الطلمبة عمرها هيبقى قصير عشان الضغط القليل عند المدخل بيدخل هواء و يعمل كافيتيشن cavitation

اما بالنسبة للباى باص فدا لازم تعمله عشان الصيانة اولا و كمان عشان لو ناوى تاخد من التانك مباشرة بدون الموتور

سؤال بس هو التانك دا ليك وحدك و لا للعمارة كلها لو للعمارة كلها يبقى لازم تعمل باى باص ليك انت وحدك عشان تستفيد انت وحدك بالموتور

شرح الباى باص هو انك تعمل تفريعة من الخط الرئيسى و ترجعله تانى بتيه .. تحط فى التفريعة دى الموتور بتاعك قبله بلف عادى و بعده سكس بالف اولاً ثم بالف عادى

الموتور بيشتغل طالما وصلاله كهرباء و الكات اوت فاتح و مش بيقفل غير عند ضغط عالى معين و بالتالى لازم برده تجيبله بالونة عشان البالونة بتخزن ضغط و بتبعت للكات اوت يفصل الكهرباء عن الموتور
لكن هو مش يقفل و يفتح من نفسه لما تشغل الغسالة او السخان هو مايفهمش انت هتستخدم الميا فى ايه

**JOHN YOUSSEF** · 27-06-2015 12:07 PM

عاوز اقولك حاجة اخيرة
ان الموتور لما ياخد م التانك لازم تضمن ان التانك نليان لانه لو اشتغل و التانك فاضى او فيه ارتفاع قليل 10 سم ولا حاجة ممكن الموتور يتحرق او عمره يقل
عشان كدة انا عاوزك تتأكد من الضغط عند الدخول للطلمبة و دا بيبقى مكتوب على الطلمبة

**abokoko** · 27-06-2015 05:14 PM

شاكر جدا لحضرتك

التانك خاص بي فقط
معلوماتى الللى اعرفها
ان موتور المياه بيشتغل ببالونة او مفتاح اتوماتيك للفصل لانى ساكن حاليا فى شقة راكب فيها موتور واحد حصان وبالونة تيوبلس --لكن الشقة اللى انا فيها حاجة مختلفة لانى باسحب المياه من اسفل لشقتى -- وانا عامل مفتاح فصل كهرباء لما بنخرج او بنسافر بنفصل المفتاح علشان لو المياه خلصت فى التانك الموتور بيتشغل على طول وممكن يتحرق

حاليا التانك اعلى شقتى وبيغذى شقتى لوحدى
وحاليا التانك بيتملى بمعرفة صاحب العقار عن طريق موتور بيرفع بيه لكل التانكات على السطح ( جايز مستقبلا يطالبنا بتركيب موتور مستقل لكل شقة بس غالبا مش بيحصل اللى بيحصل موتور رفع للكل ولو باظ الكل يساهم فى اصلاحه او تغييره )

الموتور هيبقي مستقل لتانك خاص بي
ليرفع
او ليزيد اندفاع المياه الداخلة للشقة
لان المياه مش هتنزل مندفع وجايز من غير موتور السخان ميشتغلش

حاليا اللى استفدته من حضرتك

يتم تركيب موتور لانه احسن
تركيب موتور ببالونة للفصل
تركيب موتور على خط مع وجود تفريعه لنفس الخط
وده هيفيدنى عن طريق مفتاح فصل اشغل الموتور ليزيد اندفاع المياه فى حالة تشغيل السخان و الغساله
وافصل المفتاح واخد مياه ( قليله الاندفاع ) فى حالة استخدام الحنفيات مثل غسل الايدى و خلافة

صح ولا غلط

**JOHN YOUSSEF** · 27-06-2015 06:11 PM

المشاركة الأصلية كتبت بواسطة abokoko

شاكر جدا لحضرتك

التانك خاص بي فقط
معلوماتى الللى اعرفها
ان موتور المياه بيشتغل ببالونة او مفتاح اتوماتيك للفصل لانى ساكن حاليا فى شقة راكب فيها موتور واحد حصان وبالونة تيوبلس --لكن الشقة اللى انا فيها حاجة مختلفة لانى باسحب المياه من اسفل لشقتى -- وانا عامل مفتاح فصل كهرباء لما بنخرج او بنسافر بنفصل المفتاح علشان لو المياه خلصت فى التانك الموتور بيتشغل على طول وممكن يتحرق

حاليا التانك اعلى شقتى وبيغذى شقتى لوحدى
وحاليا التانك بيتملى بمعرفة صاحب العقار عن طريق موتور بيرفع بيه لكل التانكات على السطح ( جايز مستقبلا يطالبنا بتركيب موتور مستقل لكل شقة بس غالبا مش بيحصل اللى بيحصل موتور رفع للكل ولو باظ الكل يساهم فى اصلاحه او تغييره )

الموتور هيبقي مستقل لتانك خاص بي
ليرفع
او ليزيد اندفاع المياه الداخلة للشقة
لان المياه مش هتنزل مندفع وجايز من غير موتور السخان ميشتغلش

حاليا اللى استفدته من حضرتك

يتم تركيب موتور لانه احسن
تركيب موتور ببالونة للفصل
تركيب موتور على خط مع وجود تفريعه لنفس الخط
وده هيفيدنى عن طريق مفتاح فصل اشغل الموتور ليزيد اندفاع المياه فى حالة تشغيل السخان و الغساله
وافصل المفتاح واخد مياه ( قليله الاندفاع ) فى حالة استخدام الحنفيات مثل غسل الايدى و خلافة

صح ولا غلط

تمام

بص بقة هقولك على حل مجنون مايكلفكش ولا مليم بس عاوز جرأة فى الفكرة
اعمل تحت غطا التانك غطا تانى تقيل اوى بنفس قطر التانك و حطه على سطح الميا هيعملك وزن ابن لذينة

و يحقق الضغط المطلوب بس يكون تقيل تقيل
بس لو عرفت تعمله سيلينج بكاوتش على المحيط هتبقى تمام عشان تضمن عدم التسريب

هى فكرة مجنونة و معمولة بيها فى مجالات تانية غير مياه الشرب
انا بهرج اوعى تحاول تعملها عشان مش عملية

اهم حاجة النظافة الشهرية للتانك
و الباى باص ضرورى حتى لو السباك قالك لا
الباى باص هيخليك تعمل صيانة للموتور من غير ما تفصل الميا عنك
يعنى السباك يعمل صيانة عادى و انت الميا واصلالك