المياه بتترفع الى السطح بموتور وكل شقه لها تنكها
وتنك الشقة اعلى منى مباشره بمعنى فوق السقف الخاص بي
السباك بيقول المياه هتبقي ضعيفه فى المواسير
وانه بينصح بتركيب ماتور لزيادة ضخ المياه فى المواسر
فهل الكلام ده صح ؟
__________
المياه بتترفع الى السطح بموتور وكل شقه لها تنكها
وتنك الشقة اعلى منى مباشره بمعنى فوق السقف الخاص بي
السباك بيقول المياه هتبقي ضعيفه فى المواسير
وانه بينصح بتركيب ماتور لزيادة ضخ المياه فى المواسر
فهل الكلام ده صح ؟
__________
فوق السقف مباشرتا حيكون الضغط ضعيف فعلا.
انا جربت الطريقة دي بوضع تانك 100 لتر تقريبا للطوارئ ورفعته بعواميد ولصقته في السقف فعليا. كان الضغط ضعيف لكنه يشغل الحنفيات والحمام ولكن لا يشغل السخان.
التانك الي حضرتك بتقول عليه أكثر ارتفاع من الي عندي بحوالي نصف متر وهي لا تمثل فارق.
و الحل
هل يتم تركيب موتور داخل الشقة
وللشقة كلها ولا لخط السخان والغسالة ؟؟
ولا بيركب عند التنك فوق السطح
مستقبلا لو باظ موتور السحب من الخط لاعلى لملاء التانك
هل الموتور الداخلى ينفع يشتغل فى الحالتين يعنى سحب من الخط العمومى للتانك ثم سحب من التانك لداخل الشقة
؟؟؟
فى الغالب ها تبقى ضعيفه الا اذا عملت صندوق حديد ارتفاعه متر ونص او اكتر تحط التنك عليه والتنك كل ما كان
اكبر بيزيد من ضغط الميه
وفى الحاله دى ممكن تعمل الماتور ويشتغل مع الاستحمام بس عشان الكهربا
انا عندى خزان 1500 لتر ورافعه حوالى متر وربع
وشغال معقول من غير ماتور وبيضعف لما الميه بتقطع
بس عندى الواسير شبه مباشره يعنى ما فيهاش انحنآت
التنك على قوالب طوب مسافة صغيرة من اسفل لفتح محبس من اسفل فى حالة غسل التنك وتنزيل المياه
يعنى ارتفاع اقل من 40 سم من السقف
الانحناء فى المواسير موجودة بس تاثيرها هيكون ايه الله اعلم
الشقة لسه فى التشطيب
لسه محارة وسيراميك ونقاشة وهيجى يركب بعد كده قبل وش النقاشة الاخير
وهو من دلوقتى بيسال هركب موتور من عدمه
علشان كده انا بسال
فيه حل كنت سمعت عنه
انك تركب موتور مياه بتاع غساله
وده اكثر من كافي لزياده الصغط
اقتباس:
المشاركة الأصلية كتبت بواسطة abokoko
خلى السباك يعمل حساب الماتور ومتركبوش الا لما تتاكد ان انت محتاجه ولا لا اما مكان الماتور ممكن يتحط فى المنور عند حضرتك او فوق السطح وفى الحاله دى ها يدى الشقه كلها وبتعمل له مفتاح كهربا شتغل وقت الحاجه طبعا الماتور ها يبقى ببلونه عشان لما تفتح الحنفيه يشتغل اتوماتك
اما فى حالة ان يشتغل كبديل للماتور اللى تحت فا اعتقد ها يبقى صعب شويه على حسب ارتفاع الدور اللى فيه الماتور اللى ها تركبه والماتور لازم يركب فى الماسوره اللى داخله الشقه كلها وها يبقى تحته شيك بلف يمنع رجوع الميه من التنك عند حضرتك لتحت وها يبقى فيه محبس فوق الماتور جاى من الخزان فى حالة عطل الماتور اللى تحت هاتقفل المحبس عشان الماتور يسحب من تحت وما يخدش هوى وفى الحاله دى الاعتماد الكلى على الماتور يعنى مش ها يملى الخزان عند حضرتك والسباك يفيد حضرتك اكتر لانه ها يبقى شايف على الطبيعه
لو السخان كهرباء حايبقى ضغط المياه كافي جداً
لو سخان غاز فعلاَ لازم موتور (اصغر موتور تلاقيه لأنه حايزود ضخ المياه لأسفل)
خد القواعد الهندسية دى مبدأ و فكر على اساسه:
الضغوط بتزيد عندك بارتفاع منسوب التنك و مستواه فوق مخارج الحنفيات و ليس بحجم التنك
الفيتينج اللى هى ال كيعان و الريديوسر و التيهات بتعمل فقد فى الضغط بالتأكيد و لكن ليس بقدر كبير
الافضل عمل تانك كبير فوق المبنى يتم تخزين المياه فيه و لكن عيبه احتياجه لنظافة مستمرة
معاك مهندس باور
اقتباس:
المشاركة الأصلية كتبت بواسطة john youssef
البحر الاحمر المياه تاتى للمدينة بمواسير
ويتم فتح المياه للمناطق بالتناوب وفى ايام معينه غالبا مرتان او ثلاث مرات فى الاسبوع
وكل مرة فتح للمياه بتكون فى حدود الساعه او اقل
كل عمارة او منزل بتعمل خط بموتور يغذى اما خزان ارضى كبير - يتم رفع المياه منه للشقق لاحقا
او يتم سحب مياه الضخ من الماسورة بموتور الى تنكات اعلى سقف المبنى وبيكون لكل شقة تنك واحد او 2 طن
فى حالة الخزان الارضى كل شقة لها موتور مستقل لسحب المياه للشقة + موتور كبير لسحب المياه من الخط فى حالة الضخ للخزان الارضى
فى حالة التنكات اعلى المبنى اما كل شقة لها موتور لرفع مياه الضخ للشقة او موتور كبير لرفع المياه لجميع التناك
التنكات بتكون على السطح ولو تم تعلية المبنى بدور بيتم ترحيل التنكات لاعلى
فى حالات بسيطة بيتم عمل عمدان و سقف مصبوب بيتم وضع عدد من التكات تغذى جميع الشقق -- بس ده بيكون فى المبانى التى تم الانتهاء من الارتفاع الاقصى لها يعنى مش لسه هيزود ادوار كمان بيكون استهلاك المياه مشترك ما بين الشقق وغالبا بيكون فى انقطاع للمياه متكرر بسبب انتهاء عبوة الخزانات
---
فى حالتى التنك اعلى الشقة مباشرة
السخان كهرباء
السباك لم يعمل حساب وصله للموتور من البداية لكن افتكرها الان ههههههههه
لو كان اخبرنى من البداية كنت طلبت من الكهربائي عمل تجهيز لوصله مستقله للموتور
حاليا لسه بافكر اركب موتور ولا مش مستاهله ومش قادر اقرر لانى لسه بشطب ومش عارف ضغط المياه هيكون ايه
ممكن تفهمنى هو الموتور الخاص دا بيركب فين؟؟ يعنى فى الدور بتاعك ولا فى الدور الارضى خدها قاعدة : الموتور يركب مباشرة بعد مصدر المياه يعنى فى الدور الارضى لو ركبته على ارتفاع مش هيشتغل فيه ناس فى القرى بيركبوا الموتور فى نفس الدور بتاعهم معتقدين انهم كدة بيحافظوا عليه من السرقة ... لكنه عمره ما هيديهم ضغط ياريت تقولى العمارة كام دور و انت فى الدور الكام فى حالتك لازم يكون فيه تانك تخزين لان الميا عندكوا مش موجودة كل يوم و التنك عند كل شقة دا هيكون اكيد ارتفاعه قليل و سعته صغيرة لو عاوز ضغط اعلى بالارتفاع يعنى خليه تانك طويل بدل عريض بص كل 10 متر ارتفاع فوق الحنفية بتاعتك بيعمل 1 بار و دا ضغط كويس على فكرة فلو انت فى الدور التالت و التنك فوق السطح فى الدور السادس هيبقى فوقك تلات ادوار ب 9 متر تقريبا قول 10 متر عشان لسة ارتفاع التانك يبقى انت كدة عندك ضغط جامد جدا و دا على مستوى كل الحنفيات فى نفس الدور
انا عندي نفس الحالة دي , خزان فوق الشقة مباشرتاً , و المياه ضعيفة في الشقة و لا تشغل سخان الغاز أو غسالة الملابس
و الحل ركبت موتور نصف حصان ايطالي (250ج)+جهاز فصل اوتوماتيك(140ج) و تم تركيب الموتور بجوار الخزان في السطح
و الموتور يعمل اوتوماتيك و ممكن يفصل بمفتاح خاص ,
و مهمه الموتور سحب المياه من الخزان للشقة ككل و لكن لا يعمل مكان الموتور الاساسي في العمارة و الذي يسحب المياه من وصلة المياه العمومية الي كل العمارة.
غالبا حالتى مشابهة جدا لحالة حضرتكاقتباس:
المشاركة الأصلية كتبت بواسطة akram
مفتاح الفصل هل هو مساوى للبالونة
مفتاح الفصل الخاص تقصد لما اسافر افصلة الكهرباء عن الموتور
الشقة فى الثالثاقتباس:
المشاركة الأصلية كتبت بواسطة john youssef
تنك الشقة على السطح مباشره بالتالى لايوجد ارتفاع للتنك الا ارتفاع 2 طوبة لعمل فراغ بين التنك و السقف يعنى 30 سم اكثر او اقل قليلا
فى الفترة الحالية صاحب العمارة مش هينى ادوار اعلى فالتنك مستقر اعلى السقف مباشرة فى المستقبل القريب على الاقل
حط موتور صغير بعد مخرج التنك مباشرةاقتباس:
المشاركة الأصلية كتبت بواسطة abokoko
الموتور بيبقى مكتوب عليه ضغط الدخول المطلوب... اعتقد ان ارتفاع التانك كفاية
المهم ركب موتور بعد التنك اللى على السطح مباشرة بتيه ليك انت وحدك و تيه تانية بعد الموتور ليك انت وحدك برده
يعنى اعمل باى باص على مخرج التانك و حط فيه موتور
وصلتوا إلى نفس الحل اللي كان مكتوباقتباس:
المشاركة الأصلية كتبت بواسطة john youssef
لاكن محدش بيقرا كويس للأسف
اقتباس:
المشاركة الأصلية كتبت بواسطة abou-yahia
هو احنا بنعمل كونفيرم على الحل confirm
يعنى مش لازم كل المكتوب يبقى صح
يعنى احنا وصلنا للحل الاولانى مش معناها اننا بنلف حوالين بعض انما معناها التأكيد
رأيان يؤكدان افضلية الحل
ثانياً الواحد مش دايما بيقرا تعليقات كل الناس
انا شخصيا بتابع الحوار مع الشخص اللى بيكلمنى اللى هو صاحب الاستفسار و بقية الاراء ممكن اقراها او لأ
ثالثا هو ميعرفش هيوصل ازاى ممكن السباك يركبله الموتور بعد التنك و برده مايديلوش ضغط لو هو مختار الموتور غلط
عشان كدة انا قولتله يعرف ضغط الدخول على الموتور
شاكر الاهتماماقتباس:
المشاركة الأصلية كتبت بواسطة john youssef
انا مكنتش مضايق عشان التعليق بتاعي
لا بجد
كل الفكره اني لقيت ان النقاش طال اكتر من اللازم ( من وجهه نظري ) في نقطه كان ممكن النقاش يركز علي حل الموتور
نتناقش هل موتور الغساله كافي ام موتور سعه اكبر
اللي المفروض دلوقتي النقاش يكون حواليه :)
انا شخصيا عامل عندي ايه
انا في الدور يعتبر 3 و الخ ان راكب علي السطح يعتبر السادس
مادد مواسير من العمومي حتي الخزان وحاطط عليها سكس فالف وبعدين المواسير نازله لغايه الشقه
عشان لما ضغط الميه يكون عالي استفيد منه واخد دايما ميه مش متخزنه
لما الضغط بيضعف الخزان يشتغل
المواسير النازل للشقه بوصه من 3/4 و ديه فعلا مخايه السخان الغاز يشتغل طبيعي
لاكن حابب اني اركب موتور عشان ازود الضغط في المستقبل
تحياتي
هو انت فى حالتك حظك حلو لان عندك فوقك 3 ادوار كاملين يعنى حوالى 10 متر و دا بيعمل 1 باراقتباس:
المشاركة الأصلية كتبت بواسطة abou-yahia
خد بالك هييجى وقت ضغط العمومى هيتساوى مع ضغط التانك و مع الزيادة السكانية هيصبح ضغط التنك دايما اعلى من ضغط العمومى.
بالنسبة لموتور الغسالة ... هو فيه حد جربه قبل كدة
بس موتور الغسالة مش موتور رفع يعنى مابيعملش بووستينج boosting ... و الحكاية مش حكاية موتور الحكاية حكاية ايمبيلر جوا الكاسينج هو دا اللى بيرفع الضغط بينما موتور الغسالة مش من نفس النوع.
هو انا فوفيا دوريناقتباس:
المشاركة الأصلية كتبت بواسطة john youssef
وطبعا عشان كده انا عايز اركب موتور
موتور الغساله يركب علي النازل من الخزان للشقه
واعتقد انا مفهمش هو اساسه طرد مع ةلجاذبيه حيؤدي الغرض
بسيط ومش حيستهلك مكان او كهرباء
ايه رايك
اقتباس:
المشاركة الأصلية كتبت بواسطة john youssef
الموتور نصف حصان كفاية ؟
ولو صينى يمشي باعتبار انه بيضغط لاسفل يعنى مفيش اجهاد ؟؟ ولا لازم ايطالى ؟؟؟
مش فاهم ال تى الثانية ليه ؟
ويار ريت تفصيل وشرح للمقصود بال باى باص ؟
سؤال مهم لى
الموتور الضاغط للمياه للشقة هيشتغل طول الوقت
ولا لما احتاجه للسخان والغسالة ؟؟
اخ ابو يحيى
هو استهلاكه للكهرباء اقل بالتأكيد و كمان صغير بس مش هيفيد بالغرض لانه مش هيدى ضغط
موتور الميا بايمبيلر متصل بالموتور مباشرة جوا كايسينج دا اللى بيعمل رفع للضغط
و لعلمك لازم يكون معاه بالونة بكات اوت عشان مايفضلش شغال
و لو خايف من استهلاك الكهرباء هات اصغر حاجة فى السوق
و البالونة بتخزن ضغط لعلمك يعنى ضرورية عشان تقليل فترة عمل الموتور .. البالونة مش عشان تخزين مياه كما يعتقد البعض
اما موتور الغسالة الايمبيلر بتاعه بلاستيك
حتة الموتور نص حصان دى المقصود بيها قدرة الموتور عند مخرج المياه يعنى كمية مياه كذا مضروبة فى الضغط عند مخرج الطلمبة يديك القدرة بالواط او الحصان اللى هيا نص حصان بس دا مالوش دعوة بالضغط قبل الطلمبة اللى انت لازم تحققه عشان الطلمبة ماتبوظشاقتباس:
المشاركة الأصلية كتبت بواسطة abokoko
بالبلدى يعنى مثلا تدينى دخول خمس البار الطلمبة تخرجهولك مثلا 2 بار بنفس كمية المياه يبقى رفعته 10 اضعاف
اللى انا اقصده ان لازم يكون فيه ضغط كافى للمياه قبل الدخول و لو ضغط ضئيل.. و اعتقد ان دا متحقق و موجود مادمت هتاخد من تانك انا بس كنت حابب اتأكد منك .. و للامانة لازم تتأكد من ضغط الدخول المطلوب على مدخل الطلمبة عشان لو قليل الطلمبة عمرها هيبقى قصير عشان الضغط القليل عند المدخل بيدخل هواء و يعمل كافيتيشن cavitation
اما بالنسبة للباى باص فدا لازم تعمله عشان الصيانة اولا و كمان عشان لو ناوى تاخد من التانك مباشرة بدون الموتور
سؤال بس هو التانك دا ليك وحدك و لا للعمارة كلها لو للعمارة كلها يبقى لازم تعمل باى باص ليك انت وحدك عشان تستفيد انت وحدك بالموتور
شرح الباى باص هو انك تعمل تفريعة من الخط الرئيسى و ترجعله تانى بتيه .. تحط فى التفريعة دى الموتور بتاعك قبله بلف عادى و بعده سكس بالف اولاً ثم بالف عادى
الموتور بيشتغل طالما وصلاله كهرباء و الكات اوت فاتح و مش بيقفل غير عند ضغط عالى معين و بالتالى لازم برده تجيبله بالونة عشان البالونة بتخزن ضغط و بتبعت للكات اوت يفصل الكهرباء عن الموتور
لكن هو مش يقفل و يفتح من نفسه لما تشغل الغسالة او السخان هو مايفهمش انت هتستخدم الميا فى ايه
عاوز اقولك حاجة اخيرة
ان الموتور لما ياخد م التانك لازم تضمن ان التانك نليان لانه لو اشتغل و التانك فاضى او فيه ارتفاع قليل 10 سم ولا حاجة ممكن الموتور يتحرق او عمره يقل
عشان كدة انا عاوزك تتأكد من الضغط عند الدخول للطلمبة و دا بيبقى مكتوب على الطلمبة
شاكر جدا لحضرتك
التانك خاص بي فقط
معلوماتى الللى اعرفها
ان موتور المياه بيشتغل ببالونة او مفتاح اتوماتيك للفصل لانى ساكن حاليا فى شقة راكب فيها موتور واحد حصان وبالونة تيوبلس --لكن الشقة اللى انا فيها حاجة مختلفة لانى باسحب المياه من اسفل لشقتى -- وانا عامل مفتاح فصل كهرباء لما بنخرج او بنسافر بنفصل المفتاح علشان لو المياه خلصت فى التانك الموتور بيتشغل على طول وممكن يتحرق
حاليا التانك اعلى شقتى وبيغذى شقتى لوحدى
وحاليا التانك بيتملى بمعرفة صاحب العقار عن طريق موتور بيرفع بيه لكل التانكات على السطح ( جايز مستقبلا يطالبنا بتركيب موتور مستقل لكل شقة بس غالبا مش بيحصل اللى بيحصل موتور رفع للكل ولو باظ الكل يساهم فى اصلاحه او تغييره )
الموتور هيبقي مستقل لتانك خاص بي
ليرفع
او ليزيد اندفاع المياه الداخلة للشقة
لان المياه مش هتنزل مندفع وجايز من غير موتور السخان ميشتغلش
حاليا اللى استفدته من حضرتك
يتم تركيب موتور لانه احسن
تركيب موتور ببالونة للفصل
تركيب موتور على خط مع وجود تفريعه لنفس الخط
وده هيفيدنى عن طريق مفتاح فصل اشغل الموتور ليزيد اندفاع المياه فى حالة تشغيل السخان و الغساله
وافصل المفتاح واخد مياه ( قليله الاندفاع ) فى حالة استخدام الحنفيات مثل غسل الايدى و خلافة
صح ولا غلط
اقتباس:
المشاركة الأصلية كتبت بواسطة abokoko
تمام
بص بقة هقولك على حل مجنون مايكلفكش ولا مليم بس عاوز جرأة فى الفكرة
اعمل تحت غطا التانك غطا تانى تقيل اوى بنفس قطر التانك و حطه على سطح الميا هيعملك وزن ابن لذينة :E_braces[1]: و يحقق الضغط المطلوب بس يكون تقيل تقيل
بس لو عرفت تعمله سيلينج بكاوتش على المحيط هتبقى تمام عشان تضمن عدم التسريب
:3mla:
هى فكرة مجنونة و معمولة بيها فى مجالات تانية غير مياه الشرب
انا بهرج اوعى تحاول تعملها عشان مش عملية
اهم حاجة النظافة الشهرية للتانك
و الباى باص ضرورى حتى لو السباك قالك لا
الباى باص هيخليك تعمل صيانة للموتور من غير ما تفصل الميا عنك
يعنى السباك يعمل صيانة عادى و انت الميا واصلالك
حلوة الفكرة كان حد بيزق المياه لاسفل
هههههههههههه
شاكر لحضرتك