الدولار و الجنية المصرى للمرة الثالثة

**Bassem Youssef** · 24-06-2015 08:38 PM

الدولار اثلا حرام -_-

**hon** · 24-06-2015 08:51 PM

البلد بتتبع سياسة الى زهقان يفارق
لا حول ولا قوة الا بالله

**أبو آسر** · 24-06-2015 11:52 PM

لا تتعجب فأنت في بلاد الموز وكل شيء الآن فيها مباح
إن شاء الله قريبا هيلغوا التعامل بالأوراق النقدية كلها ويرجعونا لعصور المقايضة بالبيض والعيش والمواشي

**أبو آسر** · 25-06-2015 02:17 AM

المشاركة الأصلية كتبت بواسطة wawamoha

ههههههههههههه
ياباشا بعت شقه لاخويا بتوكيل .... و قبضت الثمن ..اخويا جاي بعد 20 يوم - ان شاء الله - و ماعندوش حساب مصري ...قلت ايه احطهم في حسابي في اتش اس بي سي .....
و انا بودع الفلوس ..الموظقه سالتني ايه مصدر الفلوس - 250 الف - مش 3 مليون يعني - ثمن شقه في مساكن اليومين دول
قلتلها بعت شقه !!!!!!!! قالتلي طب ممكن العقد ؟؟؟
بصراحه نالت مني ماتستحقه هيا و البنك - مع اني بحترمهم جداااااااا
ولما زنقت عليها قالتلي دي اجراءات مننا احنا مش البنك المركزي ...طبعا رحت جاي مزود و مكمل ...
بصراحه صعبت عليا و قلتلها ده حقي احط اشيل براحتي مالكوش دعوه انتم
المبلغ مصري يا اخواننا مش دولار

والله العظيم مسخرة
صدق الشيخ حازم لما قال سنصبح أضحوكة العالم
وابقى سلملي على الاستثمار
كويس انك عرفتني ان حتى الجنيه بيعملوا فيه كده علشان لما اقبض مرتبي الشهري النص مليون جنيه ابقى احطه في البنك على دفعات كل دفعة لا تزيد عن ألف جنيه علشان محدش يسألني من أين لك هذا

**أبو آسر** · 25-06-2015 02:20 AM

مفروض بقى يعملوا مكتب لمباحث الأموال العامة في كل بنك وأي حد يعمل إيداع بمبلغ يزيد عن ال100 ألف جنيه يعدي عليهم الأول يستجوبوه ويعلقوه في الفلكة ويكهربوه ولو قدم ما يثبت إنه جابهم بطرق مشروعة ياخد منهم ورقة مختومة يروح يديها لموظفة البنك !
يارب توب علينا من دولة الموز دي بقى

**ramymechanics** · 25-06-2015 11:05 AM

المشاركة الأصلية كتبت بواسطة الاستاذ

هو الموضوع له اسباب كتيلر بس احنا شعب بيحب يعمل نفسه ناصح شوية
لكن لو مسافر امريكا واتبهدل تفتيش فى مطاراو اتسال عن مكان الىهيسكن فى فى امريكا ولا هيتكلم
ولا بقول هما مالهم
تانى نقطه بتاعه سؤالهم عن من اين لك هذا على فكره كل يوم بيتهرب دولارات جوه مصر
ومتعرفش لمين وبيتعمل بيها ايه فى مفيش مانع لما تقدملهم مايثبت جبت منين الدورلات

الراجل بيقولك 250 الف جنيه مصرى عملوله عليهم تحقيق اللى هم ثمن اوضة و صالة فى حتة شعبية

**sherifahmed** · 25-06-2015 12:13 PM

المشاركة الأصلية كتبت بواسطة ramymechanics

الراجل بيقولك 250 الف جنيه مصرى عملوله عليهم تحقيق اللى هم ثمن اوضة و صالة فى حتة شعبية

بعيدا عن التريقة و الهزار
البنك لازم يعرف مدى شرعية الاموال اللى داخلاله و فى عوامل كتير بتخلى البنك يسأل فى حالات كتير
يعنى مثلا حركة الحساب فى الشهور الاخيرة و حجم الحركة نفسها
مثلا حساب جارى بتحوله كل كام شهر مبالغ ضئيلة و فجأه جيت احط فيه 250 الف دى حاجة تثير الشك على طول
انما مثلا حساب شركة و لا مصلحة حكومية داخل طالع منه ملايين يوميا المبلغ دا و لا حاجة فى حركة الحساب