اولا ضريبة السيارتين دي كلام فارغ مش هي دي المعضلة خالص، مش عارف 150 جنيه باين والا ايه، كلام فاضي، الحاجة التانية قطع غيار الالفا روميو متوفرة تماما و المستورد ممكن يجيبهالك dhl كمان لو مستعجل، غير ده كله عندك الوكيل كمان رجع فتح تاني، مفيش اي مشكلة، العربية دي مرطرطة في اوروبا فقطع غيارها منتشرة جدا.
ثانيا موضوع الميكانيكي العربية التانية تحل لك الموضوع ده سيب الاولانية مع الميكانيكي و امشي بالتانية على ما الاولانية تجهز.
ثالثا لو انت بتفهم و منتظم في الصيانة وبتعمل احلال اول باول يبقى احتمال عطل العربية القديمة مش فارق عن الجديدة كتير لان الجديدة بتبقى فيها مشاكل غير متوقعة و ممكن كمان اسمع ان فيه موديلات بيغيروا الموتور مرة و مرتين كمان في الضمان.
رابعا اكيد لو مش بتفهم في الصيانة و معندكش ميكانيكية ثقة يبقى طبعا خليك في الجديد و كبر دماغك. الموضوع لازم يبقى فيه جزء هواية. في المقابل راحة الدماغ حتاخد عربية اقل بكتير قوي من اللي بتدفعه فيها.