الموضوع: الكلام ده موجود في محافظة القاهره برضه ..ولا في إسكندرية فقط

السلام عليكم ورحمة الله وبركاته،،،

في الطريق الدائري طبعاً

بس الصوره مش ببساطة إسكندريه وده لطبيعة شكل مدينة القاهره نفسها.

الإسكندريه خريطتها عباره عن شريط ضيق نسبياً مواز للبحر، وبالتالي أي طريق حوالين المدينه مش هايكون بعيد أوي عن أي حته موازيه ليه جوه المدينه

لكن القاهره مش عباره عن شريط. القاهره عباره عن حاجه مكعبره :) يعني لو المكان اللي إنت عاوزه مكانه بالظبط في نص الدائره يبقى هايكون بطبيعة الحال بعيد أوي عن حدود الدايره نفسها اللي هي الطريق الدائري . ده غير إن الطريق الدائري في كتير من الأحوال الوصول إليه أصلاً بيكون مشوار لوحده.

المشاركة الأصلية كتبت بواسطة marsguy

السلام عليكم ورحمة الله وبركاته،،،

في الطريق الدائري طبعاً

بس الصوره مش ببساطة إسكندريه وده لطبيعة شكل مدينة القاهره نفسها.

الإسكندريه خريطتها عباره عن شريط ضيق نسبياً مواز للبحر، وبالتالي أي طريق حوالين المدينه مش هايكون بعيد أوي عن أي حته موازيه ليه جوه المدينه

لكن القاهره مش عباره عن شريط. القاهره عباره عن حاجه مكعبره :) يعني لو المكان اللي إنت عاوزه مكانه بالظبط في نص الدائره يبقى هايكون بطبيعة الحال بعيد أوي عن حدود الدايره نفسها اللي هي الطريق الدائري . ده غير إن الطريق الدائري في كتير من الأحوال الوصول إليه أصلاً بيكون مشوار لوحده.

اللي خلاني أسأل السؤال ده إني عارف إن طرق القاهره بتبقى جحيم بسبب الإشارات والطرق اللي واقفه ونادرا ما تمشي ..وفي نفس الوقت كنت عاوز آخد العيال وأنزل أعمل يوم في القاهره ..زي ما قلت كده ..بالكتير قوي حديقة الحيوان وحديقة الأزهر ..بس خايف اليوم كله يروح في إشارة أو يروح في سؤالي أمشي إزاي وأطلع منين ..وخصوصا إن الجي بي إس ما ينفعش جوه المدن نتيجة التحولات اللحظية اللي ممكن تحصل في الطريق ..زي مثلا إن ممكن طريق يعطل فجأة ..ده أنا حتى بقرا هنا مشاركات لناس بيقولوا إن ممكن اليوم يضيع عشان خاطر يروح من الهرم للحرفيين ..يعني يوم كامل بيضيع عشان خاطر يروح مشوار واحد بس

انا مبسوط اني لقيت حد بيخطط لرحلته. دي ثقافة تنقص مجتمعنا بصراحة
محتاج تحدد رايح فين في القاهرة و امتى بالظبط خلال اليوم. و تقول المعلومات دي لناس ساكنة او شغالة في المناطق اللي انت رايحها تحديدا. لان القاهرة واسعة و اهلها نفسهم كتير منهم مش حافظينها كلها. و لا بأس من الاستعانة بنظام ملاحي جي بي اس. و ده كاضافة مفيدة و ميكونش اساسي. لانك قلت ان معاك الاسرة. و بلاش وقتك يضيع في الزحمة و التوهان.

رحلة موفقة ...