حد جرب طريق الجيش اللي بدايته حلوان وبيعدي على أسيوط

بتكلم مع واحد قريبي من أسيوط ..فبيقولي في طريق جديد إتعمل ..إسمه طريق الجيش ..ده بيوصل ما بين القاهرة وأسيوط ..هو بيتكلم عن محافظته على الأقل .إن هو عارف إن الطريق ده بيوصل لغاية أسيوط ..لكن هو ما يعرفش بقى واصل لقنا ولا لأ ...بيقولي الطريق ده إختزل الوقت ما بين القاهرة وأسيوط لمدة 3 ساعات بس ..قلتله ده غير الطريق الصحراوي الغربي والشرقي ..قالي غير الطريق الصحراوي الشرقي والغربي ..قالي الطريق ده بدايته من أول حلوان وبعدين بتعدي على الكريمات وهكذا

حد جرب الطريق ده يقولنا إيه ظروفه ..يعني لو واحد هيسافر بعربية 128 مثلا ..ممكن يسافر عليه عادي ..فيه مشاكل ..في أكمنة كتير على أساس تعمل نوع من الأمان برضه للي مسافر ..ياريت اللي جرب الطريق ده ما يبخلش علينا بتجربته ..أنا عارف الصحراوي الغربي والصحراوي الشرقي ..أنا بتكلم عن طريق إسمه طريق الجيش

الصحرواي الشرقي هو طريق الجيش وفعلا بتخش من 15 مايو وتبدا من الكريمات
طريق كويس جدا لو عايز تجري والنقل قليل عليه ونادرا انك تلاقي ردار بس انت ورزقك
تقريبا السرعة محددة 120 كم/س
عند اسيوط بيخلص وبيكمل بطريق مزدوج رايح جاي لغاية قنا والبحر الاحمر

اقتباس:

---

المشاركة الأصلية كتبت بواسطة ahmednaeem

الصحرواي الشرقي هو طريق الجيش وفعلا بتخش من 15 مايو وتبدا من الكريمات
طريق كويس جدا لو عايز تجري والنقل قليل عليه ونادرا انك تلاقي ردار بس انت ورزقك
تقريبا السرعة محددة 120 كم/س
عند اسيوط بيخلص وبيكمل بطريق مزدوج رايح جاي لغاية قنا والبحر الاحمر

---

بس هو بيقولي ده طريق جديد غير الصحراوي الشرقي والصحراوي الغربي ..طيب معلش المسافة من القاهرة لأسيوط على الطريق اللي حضرتك بتقول عليه ده ..اللي هو الصحراوي الشرقي ..بتاخدها في قد إيه ؟؟؟

دي مسالة نسبيه انت ماشي علي سرعة كام لان الطريق مفيهوش كماين فبتجري برحتك
يعني ممكن 2:30 او 3 ساعات

الطريق دا من 3 سنين .. اسمه الصحراوي الشرقي او طريق الجيش
من الكريمات ﻷسيوط و في وصله لحد قنا من نهايته
انا بمشي عليه من 160 _ 180 ﻷنه طريق تحفه بس حاليا في رادارات اشهر مكان عند البستان
و فيه كماين بردو
عموما دا أفضل طريق ف مصر

اقتباس:

---

المشاركة الأصلية كتبت بواسطة ahmednaeem

دي مسالة نسبيه انت ماشي علي سرعة كام لان الطريق مفيهوش كماين فبتجري برحتك
يعني ممكن 2:30 او 3 ساعات

---

يبقى أكيد قريبي اللي كان بيكلمني يقصد الصحراوي الشرقي ..بس الصحراوي الشرقي ده قديم ؟؟؟؟؟

اقتباس:

---

المشاركة الأصلية كتبت بواسطة adnfalcon

الطريق دا من 3 سنين .. اسمه الصحراوي الشرقي او طريق الجيش
من الكريمات ﻷسيوط و في وصله لحد قنا من نهايته
انا بمشي عليه من 160 _ 180 ﻷنه طريق تحفه بس حاليا في رادارات اشهر مكان عند البستان
و فيه كماين بردو
عموما دا أفضل طريق ف مصر

---

واسع يا باشا زي طريق مصر إسكندرية الصحراوي؟؟ ..وأخبار الخدمات عليه إيه؟؟ ..يعني مثلا لازم أكون مفول قبل ما أطلع من حلوان؟؟ ..ولو التنك عندي مثلا كله على بعضه 35 لتر ..ممكن أحتاس في السكه عشان الاقي بنزينه؟؟ ..على فكره أنا العربية عندي بتعمل 17 كيلو في اللتر ..يعني لو فولت من حلوان ممكن الحق اوصل محطة بنزين قبل التنك ما يخلص ؟؟

http://i.imgur.com/NEiUpzB.jpgاستخدم جوجل ايرث .. في طريق غربي مزدوج اللي بيطلع متفرع من طريق الفيوم وفيه بوابات دفع رسوم ولكن عليه كثافة مرور عالية والسرعة فيه 90

في طريق شرقي قديم مش مزدوج وكله داخل البلاد على طول الخط وبطيء

وفي طريق الجيش الى الشرق من الطرق الشرقي وهو مزدوج وله رسوم لحد اسيبوط 15 جنيه للسيارة والسرعة قانوني فيه 120 وبنمشي فيه على 160 - وطالع وهو طريق هاي واي رائع
مافيهوش خدمات يعني تملى عربيتك بنزين اول الطريق ..
ما تستخدموش ب 128 هتفيص منك مع الحر وطول المسافة

بص يا باشا.
طريق الجيش, اللى هو طريق الكريمات, تطلعه من الاوتوستراد.
تاخد الاوتوستراد لأخره ولا شمال ولا يمين, و تعدي شق التعبان و حلوان و كل الدول دي هتلاقى نفسك علي الطريق.
فى كذا بنزينه قبل الطريق و فى اوله, بعد كده فى مدخل كل محافظه هتلاقى بنزينه.
فى استراحه واحده بس هى اللى تعتبر محترمه, بين المنيا و بنى سويف, بس فى اتجاه اللى رايح القاهره.
سرعته 120 و في نفس نظافة طريق القاهره - العين السخنه.
اخره اسيوط, و بعد كده وصلة سفاجا, دى ممكن تاخدها و توصل سوهاج.
تقريباً مافيش خدمات, صحرا فعلاً, ما عدا مدخل كل محافظه هتلاقى بنزينة وطنيه و اعتقد ماركت صغير, الصراحه ماوقفتش عشان بجيب كل حاجه قبل ماطلع الطريق.
توصل بالسلامه ان شاء الله

اقتباس:

---

المشاركة الأصلية كتبت بواسطة د.محمود صلاح

http://i.imgur.com/neiupzb.jpgاستخدم جوجل ايرث .. في طريق غربي مزدوج اللي بيطلع متفرع من طريق الفيوم وفيه بوابات دفع رسوم ولكن عليه كثافة مرور عالية والسرعة فيه 90

في طريق شرقي قديم مش مزدوج وكله داخل البلاد على طول الخط وبطيء

وفي طريق الجيش الى الشرق من الطرق الشرقي وهو مزدوج وله رسوم لحد اسيبوط 15 جنيه للسيارة والسرعة قانوني فيه 120 وبنمشي فيه على 160 - وطالع وهو طريق هاي واي رائع
مافيهوش خدمات يعني تملى عربيتك بنزين اول الطريق ..
ما تستخدموش ب 128 هتفيص منك مع الحر وطول المسافة

---

صح كده يا دكتور ..يعني الطريق ده حاجه غير الصحراوي الشرقي وغير الصحراوي الغربي ...

فيه اتنين طريق شرقي…
الطريق القديم و ده بتاخده من اخر طريق الاوتوستراد بدال ما تطلع الكوبري و تاخد الطريق الشرقي بتاع الجيش بتكمل علي طول .. بس عيبه انه مليان بلاد كتير و زحمة جدا لحد ما توصل اطفيح بعد كده بيكون كويس لكن فردة واحدة و هليه خدمات كتير…

اما طريق الجيش هتطلع الكوبري و ده بقي طريق 4 حارات رايح و زيهم جاي و جزيرة كبيرة في النص .. بس الخدمات قليلة جدا و مش موجودة غير عند البوابات…
هتلاقي 4 محطات بنزين و كافيتيريات بين مصر و بني سويف… لكن لحد المنيا مفيش غير عند بوابة المنيا و منها لحد اسيوط مفيش غير عند بوابة اسيوط…
لو مسافر ب 128 احسن وقت تمشي فيه من لمغرب عشان الحرارة و العربية. و تعمل حسابك في جركنين بنزين 20 لنر كل واحد لو هتقعد هناك اسبوع عشان مفيش بنزين في الصعيد و حاول متستخدمش العربية هناك علي قد ما تقدر عشان متبهدلش نفسك في البنزين المضروب هناك و الخناقات عليه بالسلاح .. او بالمعارف ..

وانت عند اول بوابة قوله رايح اسيوط عشان كل محافظة ب 5 جنيه ..
بني سويف 5
المنيا 10
اسيوط 15 ( غالبا لاني مرحتش منه انا بروح بني سويف وانقل للشرقي القديم لان عليه خدمات و امان اكتر )

من القاهره ﻷسيوط 10 جنيه

اقتباس:

---

المشاركة الأصلية كتبت بواسطة MaZaGAngeE

و الخناقات عليه بالسلاح .. او بالمعارف ..

---

أحيه ... :E_braces[1]:

طيب ممكن اعرف أوصل الطريق ده ازاى من العجوزة