سلاماً ....
سلاماً ....
هى فين الفضايح و فين الفنكوش مش عارف
ريس ناجح و و مشروعات ناجحة
وان كان فيه بعض الاخفاقات ف اللى عنده خبرة و فاهم عارف ان دا طبيعى
انا مهندس فى شركة كبيرة
ممكن تعمل تعاقدات ب 10 مشاريع و اللى يكمل 100 % حوالى 2 او 3 و الباقى بيبقى فيه مشاكل... دا عادى مش بنمسك بقة المدير و نقعد نتريق عليه ونقوله فنكوش
و بعدين مش فاهم كل ماتقولهم ايه المشاريع الفاشلة يقولك مشروع الكفتة .. انتوا مش لاقيين حاجة تقولوها ولا ايه
هو اصلا مشروع جهاز الايدز دا مكانش ايام الرئيس الحالى ولا ايام الحكومة دى اصلا ... ايه بقة الربط مابين الاتنين مش عارف.. لكن تقول ايه الغرض بيخلى الانسان يغلط
دا مشروع للجيش
ولو فشلوا مرة مش هنفضل طول عمرنا نتريق
اللي احنا بصدده ده ميعتبرش فشل ؟؟؟!!!! حتي لو لسة فيه مناقشات. هل مقبول دولة وحكومة ينشروا خبر وبروباجاندا وفالاخر يبقي لسة فيه مناقشات ؟؟؟؟
اللي اعرفه ان لما حكومة ( محترمة ) تنشر خبر تبقي هنبدء فالتنفيذ مس لسة هتتناقش.
لو عايز فشل تاني. اخبار المليون وحدة ايه ؟؟؟ عايز كمان ؟؟؟ اخبار جهاز الايدز وفيروس سي ايه ؟؟؟ هل مقبول مؤسسة كبيرة تعلن عن شيء وتعشم ناس ومرضي وفالاخر متطلعش توضح الموقف من الموضوع وتعتمد علي ان الناس هتنسي ؟؟؟؟
هل مقبول يبقي غلاء في كل شيء وشيل دعم عن كل شيء في مقابل لا زيادة فالمرتبات غير لفئات معينة فقط ؟؟؟؟
جاوبني حضرتك بقي عن هذه النقاط المحددة.
مش عارف فشل ايه اللى بتتكلموا عليه
برده هيقولى مشروع الكفتة و جهاز الايدز
يا عم الكلام دا كان فى 2013 قبل الرئيس الحالى و حكومته خااااالص ... متفضلش بقة تقوله كل شوية...
اما مشروع العاصمة الجديدة فدا حلم كبير و لسة فى حيز المناقشات زى اللينك اللى انا حاططها فوق ممكن ترجعلها و تعرف ان لسة المشروع موجود وان بس عليه خلافات فى طريقة التمويل ....
اما مشروع المليون وحدة بتاع ارابتك لسة ماتلغاش و انه برده لسه فيه مراحل للصياغة النهائية خد اللينك دى عشان تعرف انها مسألة وقت
[url=http://www.almasryalyoum.com/news/details/696558]الحكومة تخطر
خد عندك بقة فى المقابل هذه الانجازات
http://www.elwatannews.com/hotfile/details/1081
الوطن | ملفات تفاعلية | "الوطن" تنشر الجزء الثاني من تقرير "إنجازات السيسي"
الوطن | ملفات تفاعلية | الجزء الثالث من تقرير إنجازات السيسي
أي رئيس لا يهتم بالمجالات الآتية يبقى رئيس فاشل هو والحكومة بتاعته:
1- التعليم: لازم يبقى نقطة التركيز الأولى عشان التعليم هو المستقبل.
2- الصحة: أظن مش محتاجة كلام.
3- السياحة: المفروض تعتبر مصدر الدخل الرئيسي للبلد، والمفروض كل حاجة تانية تخدم عليها..تعمل صناعة سياحة زي الدول اللى برا اللى معندهمش عشر اللى عندنا.
4- نظام سياسي حقيقي وفصل بين السلطات (بضم السين :E_braces[1]:): ده هو أساس الأمن القومي..أي كلام فتي تاني وإرهاب والحوارات دي هتودينا في داهية أكتر..انسى إن أي كيان منظم هيقدر يواجه كيان عشوائي غير منظم والأمثلة لا حصر لها. الأمن القومي الحقيقي إنك تحسس الناس إنهم مواطنين حقيقيين ليهم حقوق وعليهم واجبات والقانون يكفل ليهم الكلام ده..يبقى في مساواة وعدل..هتلاقي الناس كلها حبت البلد وبتعمل لمصلحتها وليس لمصلحتهم الشخصية.
قيس بقى على ذلك اللى بيحصل دلوقتي..هتلاقي التعليم صفر، الصحة تحت الصفر، السياحة ماشية بتعرج..هتعرف إن النظام الحالي فاشل.. نظام رايح يودي الفلوس كلها في تفريعة لقناة السويس ملهاش 30 لازمة قصاد ما كانوا اتصرفوا على السياحة كانوا هيجيبو أضعاف أضعاف الحوار بتاع قناة السويس.. وكذلك العاصمة الجديدة والكلام الفارغ ده..
المشكلة اننا عندنا عند وكبر.
حتي لو شايفين بنفسنا الفشل واصل للودان ومغطيها كمان هنبرر باي كلام عشان ميبقاش شكلنا وحش اننا كنا منجرين ورا اوهام وفشل.
ااااااااه لو صارحنا نفسنا مررررررة بس. مكنش الحال علي دا الحال.
ونكتفي بقي عشان الصيام ومش ناقصة مجادلة ومناهدة.
اعتذر عن تدخلى و انما اريد الاستفسار عن موضوع الكهرباء
هو فى حد من اول رمضان او قبلها بشويه لسه النور بيقطع عنه (قطع تبادلى ) يعنى تخفيف احمال , مش لعطل ما
اصل بصراحه انا و كل عائلتى و اصحابى مفيش حد اشتكى من موضوع الكهرباء دى خالص الى الان