السلام عليكم ورحمة الله وبركاته
يا رجالة والدي معاه سيراتو 2015 و بنفكر نبدلها بلانسر شارك ... يا ترى هل الموضوع مستاهل ولا خسارة عالفاضي ؟
عرض للطباعة
السلام عليكم ورحمة الله وبركاته
يا رجالة والدي معاه سيراتو 2015 و بنفكر نبدلها بلانسر شارك ... يا ترى هل الموضوع مستاهل ولا خسارة عالفاضي ؟
زى ما قلت كلام على الفاضى والقرار قرارك
ممكن اعرف السبب ؟
اللانسر شكلها شبابي أكتر
بس السيراتو شكلها اشيك و كماليات احسن
بس برضو دخلت جروب ملاك الشارك انبهرت بيها مع ان الشكاوي زادت منها مؤخرا
ف نبدل بشارك خصوصا علشان موضوع الثبات و لا لو بدلنا الجنوط ال16 ب 17 يبقى ده كفيل انه يخلي الثبات زي الشراك )حساب ما انا فاهم من جروب الشارك ان ثباتها وهمي وانه احسن من السيراتو بكتير(
الشارك جميله بس تكنولوجي قديمه شويه و سعرها كويس جدا و السيراتو الجديده افضل منها بس سعرها غالي شويه لكن بشكل عام من تحربتي للعربيتين شهر كامل السيراتو افضل
يعني نكمل بالسيراتو
اعتقد ان السيراتو الجديدة افضل
السيراتو ثباتها مش وحش علي فكرة و لحد 180 معقول بس و انت ماشي straight forward مش manoeuvring و الشارك ثباتها مش وهمي (مش BMW يعني) ... لو بعت سيراتو و جبت شارك هتبقي خسرت سحب أحسن و كماليات و فلوس كمان ... السيراتو شكلها أحلي من الشارك اللي شكلها من 7 سنين
انت اكيد بتهزر
بص ...
من سواقتي للشارك .. انت سايق مطمن .. علي السرعة والملفات والفرامل رائعة وعارف انك حتقف في الوقت المناسب. من الاخر .. كانك سايق الماني.
بس. الصراحة عيوب المتسوبيشي الايدية هي ان تكنولوجيا العربية قديمة.
يعني البومة 2007 معايا مثلا تكنولوجيا 1999
وايضا الشارك تكنولوجي 2005 مثلا.
لكن الكوري بتشتري موديل 2015 بتكنولوجيا 2016 هاها.
دا العيب الوحيد في رأيي مقارنتا بالكوري.
خلاصة رايي. الخسارة المادية اكبر من انك تبدل. اللهم الا لو انت زي حالاتي بتبص علي الاساسيات زي الاتزان والفرامل قبل الكماليات زي البلوتوث وسخانات الكراسي :)
فرامل السيراتو sx قويه جدا و افضل من فرامل الشارك حاجه بسيطه
باور السيراتو ناعم جدا و مريح جدا جدا مقارنتا بباور الشارك
فتيس السيراتو ٦ سرعات انعم بكتير من فتيس الشارك و مش حتحس بالنقلات نهائي
صوت الماتور في السيراتو انعم بكتتير و مش مسموع مقارنتا بالشارك
العزل في السيراتو افضل بكتتير
التسارع السيراتو افضل حاجه بسيطه و الشارك تسارعها برده حلو و مش بطيئه ذي الفكره المتاخده عنها
التكييف الاتنين ممتازيين
الشنطه افضل بكتتير في السيراتو
الاوبشن افضل بكتتير في السيراتو بالذات لو فئه sx
الثبات الاتنين متقاربين جدا و السيراتو افضل شويه سواء في الطرق المستقيمه او الملفات لكن في فواصل الكباري الوضع حيتعكس و السيراتو بتخوف بصراحه و حتلاقي الشارك افضل منها
رنه العربيتين في المطبات كويسه بس الشارك افضل شويه
العفشه المالتي لينك في الشارك افضل طبعا مت السيراتو
الكلام ده من تجربه كل عربيه شهر كامل ايجار سيراتو sx فتحه سقف و شارك اول فئه بجنوط و طبعا السيراتو عجبتني اكتر علشان اوبشن اكتر بكتيير و دلع ذي فتحه سقف و سنسور امامي و خلفي و مفتاح بصمه و بلوتوث و مثبت سرعه و مريات ضم كهربا و فوانيس ليدات امامي و خلفي و باور كهرباء تحفه sport - comfort - normal ، ....
الخلاصه لو بتقارن سيراتو sx مع شارك يبقي السيراتو افضل في معظم النواحي لكن لو بتدور علي افضل سياره سعرا في فئه ١٣٠ - ١٤٠ الف يبقي شارك بدون تردد
لكن لو معاك ١٨٠ الف و عايز تدلع نفسك هات سيراتو sx و انسي الشارك
فرق الحجم لوحده يخليك ما تفكرش أصلا في الموصوع ده.. خصوصا لو متعود يكون معاك ناس بتركب ورا...
الوسع الخلفي في السيراتو (والإيلانترا) مش موجود في أي عربية تانية في نفس الفئة.
...
تمام
خير إن شاء الله
انا عندى سيراتو 2015 اعلا فئه 201 الف جنيهه من ابورواش بسم الله ما شاءالله الله واكبر العربيه كويسه جدا وتمام التمام والحمدلله
انت بتهذر
إذا لم تكن قد اشتريت، كان هذا الكلام سيكون في محله! فلربما ساعتها كنتُ قد نصحتك بالشارك الفئة الثانية أو الثالثة توفيرا للمال، والقيل والقال!
أما وإنك قد اشتريت فعلا، زيرو وموديل السنة، من الجميلة الواسعة الناعمة سيراتو، فلا تغيّر ولا تبدّل ولا تناقش ولا تجادل يا أخ علي!
وعندها أدرك شهر زاد الصباح، وسكتت عن الكلام المباح!
شكرا يا رجالة :)
خسارة عالفاضي