الموضوع: تشحيم السيارات الحديثة

المقصود بتشحيم العربيه هو بيض العفشه لكن البيض الاصلى بيكون من غير مشاحم يعنى غير قابل للتشحيم الى ان يتلف ويتم تغييره وعند تغييره يكون النوع الجديد به مشاحم اقصد طبعا فتحه للتغذيه بالشحم وفى هذه الحاله ينفع اقول انا عندى بيضه واحده بس هشحمها او انا مغير طقم البيض كله وبالتالى هيتشحم كله والتشحيم بيكون كل شهر مثلا او شهرين تلاته او كل غسله لكن مش كل سنه يعنى لان دى فتره كبيره على بيض به مشاحم اما عن البيض الاصلى فهناك من يكتشف ان الكاوتشه الخاصه بحجز الشحم تقطعت فيتم فكها وغسلها جيدا من التراب او المياه المتسرب من خلال الكاوتشه التالفه ثم بعد ذلك يتم تشحيمها يدويا بواسطة المتخصص لمره واحده ايضا ثم استبدال الكاوتشه بواحده جديده ولا يتم تشحيمها مره اخرى الا اذا حبيت تشحمها يدوى كل كام شهر فلا مانع يعنى ٠٠٠٠اما بخصوص البيض الاصلى عندما يتم اكتشاف قطع الكاوتشه فى وقت متاخر لدرجة سماع تزييق من البيضه انها فقدت الشحم بها واكلت فى بعضها من الداخل فتغييرها ضرورى جدا جدا حتى لو شحمناها صحيح مش هتزيق لكن جوهرها داخليا اكل فى بعضه ولا يصح تشغيلها مره اخرى ٠٠٠ قبل ما انسى هتسمع كتير من الصنايعيه عن حاجه اسمها كبس البيضه وهو عباره عن الطرق عليها من فوق او الكبس بكوريك مخصص وذلك لتضييق الاطار الذى تتحرك فيه البيضه وهذا الحل يجعل البيضه تعمل لفتره قد تكون طويله او قصيره فارجو وانصح بالابتعاد عن هذا الاختراع المصرى العجيب فلا يصح الا الصحيح ارجو ان اكون اجبت على مالا يخطر فى ذهنك ايضا من اسئله ٠ تحياتى