بأختصار ياسادة أنا طالب مشورة الأخوة المتزوجين المخضرمين:
ما هو الحل في أم الزوجة المتسلطة الني تصر على التدخل في حباة بنتها في أمور وقرارات تخص الزوج والزوجة. مع وجود شخصيةالبنت منقادة للأم& شخصية الى مكبر دماغة لأبو البنت.
عرض للطباعة
بأختصار ياسادة أنا طالب مشورة الأخوة المتزوجين المخضرمين:
ما هو الحل في أم الزوجة المتسلطة الني تصر على التدخل في حباة بنتها في أمور وقرارات تخص الزوج والزوجة. مع وجود شخصيةالبنت منقادة للأم& شخصية الى مكبر دماغة لأبو البنت.
الله يكون في عونك اولا .... عموما الحل بسيط وممكن نجرب اللي هاعرضة عليك وترتاح باذن الله
...اتوضئ وصل ركعتين واتبعهم بالدعاء علي حماتك عسي ان يتغمدها المولي في فسيح دار الحق بكل خير وتمنيات بدخول جنة الرضوان .......باهزر معاك بص ياسيدي مهم جدا ان مراتك ما تعرفش انك واخد موقف من حماتك لان بمنطقها اهلها هم الضمان وانت العدو وهتبيعها وتتجوز عليها في اقرب فرصة وبالتالي كلام الاهل مصدق وهي مغمضة عنيها وما تحاولش تكسر القاعدة دي لان دماغك هي الخسائر ....ثانيا حاول التقرب من حماتك بشتي الطرق والهدايا ليها مفعول السحر والكلام معاها بصدق حاول تعاملها كانها ماما وتتكلم معاها اشي المصاريف كتير ...وزمايلي بيضايقوني في شغلي وناشي نفسي ربنا يديني وابسطك يا حماتي ... علي نكتة علي تهزر معاها علي خفيف ...خليك صبور وما تزهقش وديما انت الكبير تحمل ...... تاكد ان بعد فترة هتلاقي حماتك زي الحاجة بالضبط بتخاف عليك وبتوصي بنتها عليك كما وهتلاقي الاحوال اتصلحت باذن الله ...نصيحة اوعي مراتك تشم انك متضايق من حماتك واوعي تغلط في اهلها حتي لو ....... ربنا يصلحلك احوالك ويهديهالك
للسفر سبع فوائد و دى واحدة منهم , دور على عقد عمل بالخليج مثلا منه مكسب مادى و منه راحة البال غير كده مفيش حل لأن دى مشكلة ازلية غير قابلة للحلول الوسطية (compromise) لازم تقطع العرق و تسيح الدم و هنا طبعا البعد بالسفر, ربنا يوفقك للخير
المواجهه وش لوش. يعنى مراتك عملت حاجه وانت متأكد ان حماتك ورا الموضوع ده يبقى تروح عندهم وقصاد حماك تكلم حماتك وتقولها حصل منك كذا وكذا وانا كل مره بفوت واقول معلش. انا مش هسمح تانى بحاجه زى كده ياما بنتك هتبقى عندك وانا هتجوز عليها. وتطلع تجرى :)
لو فهمتك صح انت تقصد الكلمه كلمه امها وابوها لمؤخذه يعنى مفيش راجل تتفاهم معاه ويتحاسب
لا يوجد سوى حلين ان تصبح شبهه رجل او يحدث صدام
لو حدث صدام يا المدام ممكن تخاف عليك والمركب تمشى او المدام عايزاك زى بباها (شخشيخه)الدنيا تدمر لانك اخترت تبقى راجل
حماتك ست
خد دماغها بكلمتين على هدايا
طنش مراتك و خليك مع حماتك هدايا و كلام الابن لامه و انت امى التانيه و استحمل شوية
تلحس دماغها تبقى فى صفك ضد بنتها او تدعو بنتها لبرك و حسن معاملتك
بلاش صدام هتستخدم معاك كيد النسا مع الغيره و مش هتشوف اودامها غير انها تدوش دماغك حتى لو دمرت بيت بنتها
اكسبها فى صفك
الحل اللي دايماً بسمعه من كل العقلاء.. اكسب حماتك بأي طريقة غير كده مفيش.