السلام عليكم لو سمحتم عندى استفسار بسيط عن قربة المية فى الاسكودا فيفوريت بتنقص على طول بزودها كل يوم ومافيش حاجة بتنقط
عرض للطباعة
السلام عليكم لو سمحتم عندى استفسار بسيط عن قربة المية فى الاسكودا فيفوريت بتنقص على طول بزودها كل يوم ومافيش حاجة بتنقط
طيب بعد ما ترجع من مشوار اقف وافتح الكبود زود بنزين من الاكسرتير بص على قربة المية ممكن تكون هي اللى بتنفس مش بيظهر الا لما العربية تسخن وممكن تلاحظخروج ماء من حول الغطاء بتاع القربة يعنى مشكلتك تقريبا تنحصر فى القربة **
شكرا ليك بس انا فعلا عملت كدة متهيقلى القربة مافيهاش حاجة والعربية درجة حرارتها مابتزدش على النص بس انا لما بفتح القربة الاقيها بتغلى جامد
طيب تابع العادم بتاع الشكمان من الخلف لو بتطلع معاه قطرات مية يبقى جوان المانيفولد هو المشكلة***
اية علاقة المانفولد بالمياة الى بتنقص?? طيب هو ممكن تكون العربية بتسخن زيادة عن الطبيعى علشان كدة المية بتنقص
طيب راجع اصل الموضوع الزميل بيشتكى من نقصان المية مع عدم وجود تسريب واضح من خراطيم واعتقد ان علاقة المانيفولد بالمية هو نفس علاقة جوان وش السلندر بالميه ودا موضوع قتل بحثا ***
http://www.nilemotors.net/Nile/395890-25.html
طيب يا رجالة اية الحل او المشكلة فين!!!!!!!?
انت اكيد عندك غطاء القربه بايظ وهو الي بيحبس الهوا داخل القربه فبيخلي الميه تغلي وضغطها بيزيد فبتنفس من اي قفيز او خرطوم او جوان انت مش شايفه او من القربه نفسها ...
اتاكد ان الغطاء سليم وانا قصدي عن الغطاء الاصفر الاصلي الي فيه اتنين صمام او سكس بلف من جوه ...
ولو راكب عندك الصيني الازرق غيره وهات الاصلي سعره 35 جنيه ومشكلتك هتتحل ان شاء الله
وعلى فكره عم صبحي كان عامل موضوع عن غطاء القربه وهو يفيدك اكتر مني
الزميل قال فى اول الموضوع المية بتنقص والحرارة مظبوطة ودا ردى على سؤاله انما اللى اتكلم عنه فى المشاركة الثانية فمن الطبيعى المية بتغلى فى القربة عند درجة حرارة 90 واعتقد دى الحرارة المثالية لمتور الفليشيا وعلى فكرة لو قريتم اللى مكتوب على الغطاء تحذير بعدم فتح الغطاء والموتور سخن ابد اكتبهالكم انجليزى ولا تقراءوها انتم ثمةمادمت حضرتك شايف مشكلة الزميل اكثر منى ياريت تقولنا الحل لن انا شخصيا معنديش غير اللى قولت عليه***
شكرا ليك انا عندى الغطا الاصفر الاصلى بتاعها بس هو فعلا حاسس انة بيحبس الهوا علشان كدة المياة بتغلى على طول طيب هو المفروض يطلع الهوا ولا اية بالظبط
حضرتك زعلت ولا إيه ؟؟؟!!!!!!!!!!!!!
أنا أصلا معنديش فيفوريت ولا عندي فليشيا ..وما قولتش رأيي أصلا ..أنا كل اللي قلته إيه علاقة كذا بكذا ..عشان لو أنا صاحب المشكلة كنت هسأل نفس السؤال ..أنا مش داخل عشان أثبت لحضرتك إن كلامي صح وكلام حضرتك غلط ..أنا داخل بستفسر وبقول لحضرتك الزميل إشتكى من كذا ..للتوضيح مش أكتر
طيب بقى احنا اهل الفيفوريت والفليشا وكل مشكلة بتظهر مع اى عضو بتمر علينا او مرت من زمان وبنعرض تجاربنا فى حل مثل تلك المشاكل عاوز اقول لحضرتك انى معايا فيفوريت 1994 ومن عشقى ليها باعمل عليها كل تجاربى للايجابة عن اى مشكلة تطرح هنا او الجروب التى تم انشاءه يعنى كلامنا مش توقعات كلمنا نابع من تجارب قديمة وحديثة بعدين احنا اتعلمنا نمشى حاجة حاجة مهو انا ممكن ارزع مصيبة وقوله وش السلندر ودا احتمال وارد بس بعد تجاوز كل الخطواط السهلة اليسيرة اولا***
الغطاء ليه وظيفه هامة جدا وبنعتبره هو الكنترول بتاع دورة التبريد بالكامل بانضباطة تنضبط دورة التبريد ومن اى خلل فى وظائفت تختل واضيفة دورة التبريد بالكامل لابد ان يقوم بدورة وهو اخراج الضغط الزائد من دورة التبريد بواسطة الشيك بلف اللى فى الغطاء وازى تعرف انه شغال بعد مشوار افتح الكبود وحط ودنك جنب الغطاء لو بنفس فسسسسسسسسسسسسسسسسسس يبقى تمام مش يبقى تالف ويحتاج لصيانة او تبديل***
وليه كده بس ...الراجل مش قاصده اي حاجة وحشة هو بيشرح ليه بيقول كده
وياسيدي انت مرحب بيك في اي وقت والقسم هنا منور بوجودك معانا ومستحيل نقول لحد بيساعد في مشكلة ما تساعدش والف شكر على مشاركتك معانا وكل سنة وانت طيب
ياريت ما نكبرش الموضوع وكل سنة وانتم طيبين
وحدوا الله ياجماعه كلنا اخوات وعايزين نستفيد من بعض .. كل سنه وانتم طيبين ..
وانت ياعم ميزو شوف الغطاء بتاعك وان شاء الله هيكون هو سبب المشكله ودا رابط درس كان عمله الاستاذ صبحي عن طريقة تنظيفه وصيانته
http://www.nilemotors.net/Nile/417926-29.html
سؤال بقى لعم صبحي انا بسمع كتير عن الجروب الي معمول ده ومعرفش هو ع الفيس ولا فين ياريت تدلني عليه :angel10:
ده عنوان الجروب على الفيس بوك للى يحب يشرفنا
https://www.facebook.com/groups/Feli...forit/?fref=nf