رخصة العربية هتنتهي بكرا. هل أقدر أمشي واسافر بيها خلال ال ١٥ يوم الجايين؟

**W.eltayeb** · 26-06-2015 12:54 PM

السلام عليكم ورحمة الله وبركاته

شباب رخصة العربية هتنتهي بكرا يوم
٢٧

وانا محتاج أسافر يوم ٢٩ اللي جي ان شاء الله

هل أقدر أسافر بالعربيه عادي ولما ارجع ابدأ في إجراءات تجديد الرخصه؟ ولا ممنوع وممكن تحصل رخامه عليا ف الطريق ؟

ياريت كلام موثوق منه يا جماعه عشان بُناءا علي كلامكم أنا همشي إن شاء الله

**shahed133** · 26-06-2015 02:49 PM

المشاركة الأصلية كتبت بواسطة w.eltayeb

السلام عليكم ورحمة الله وبركاته

شباب رخصة العربية هتنتهي بكرا يوم
٢٧

وانا محتاج أسافر يوم ٢٩ اللي جي ان شاء الله

هل أقدر أسافر بالعربيه عادي ولما ارجع ابدأ في إجراءات تجديد الرخصه؟ ولا ممنوع وممكن تحصل رخامه عليا ف الطريق ؟

ياريت كلام موثوق منه يا جماعه عشان بُناءا علي كلامكم أنا همشي إن شاء الله

وعليكم السلام ..
لا طبعا لازم تجدد الرخصه عشان تعرف تسافر وتكون ماشي قانوني ... لكن لما بتروح المرور تجدد الرخصه بيكون عندك فترة سماح شهر من تاريخ انتهاء الرخصه عشان تجدد من غير ما العربيه تدخل فحص .... وبعدين رخصه العربيه لو باسمك بتروح تجدد في عشر دقايق وتاخد الرخصه الجديده

**Ahmedo0o** · 26-06-2015 03:19 PM

طبعاً غلط تمشى
لو كمين وقفك هاتبقى كأنك محمل مخدارات

**abokoko** · 26-06-2015 03:28 PM

لو سافرت ممكن تعدى وممكن محدش ياخد باله
لكن
انت هتكون فى قلق طول الوقت

اشترى راحة بالك وجدد الترخيص قبل السفر

**hesham fawzy h** · 26-06-2015 04:22 PM

كلة بالحب :)

لا اقصد الرشوة

**Abo_Mazen** · 26-06-2015 07:09 PM

المشاركة الأصلية كتبت بواسطة w.eltayeb

ممنوع وممكن تحصل رخامه عليا ف الطريق ؟

ممنوع وممكن تحصل رخامه عليك في الطريق

على فكره حكاية الشهر السماح ده عشان خاطر بس ما تلبسش في ضريبة وتلت

**W.eltayeb** · 26-06-2015 08:44 PM

يا شباب الفكرة في أن العربية كان عليها حظر بيع

ولسه دافع آخر قسط يوم الاتنين اللي فات ، والبنك قالي انتظر ١٠ ايام عشان استلم ورقة رفع الحظر عشان اقدر اجدد الرخصة

وموظف البنك قالي معاك فترة سماح ٣٠ يوم تقدر تمشي بالعربية فيهم

وسألت لغاية دلوقتي ٥ عساكر مرور ، كل اللي اقابله في طريقي اسأله واشرحله وضعي

يقولي ما دام مكتوبه في الرخصة ( نهاية الرخصة ) يبقي معاك شهر سماح تمشي فيه

لكن إذا مكتوب ( نهاية التصريح ) يبقي ممنوع تمشي بالعربية ولا يوم زياده وتتسحب فوراً

دلوقتي أنا محتار.. ومحتاج أسافر قبل ما ورق رفع الحظر يوصلني

كلام عساكر المرور دا صح ولا ايه يا جدعان ؟؟؟!

**W.eltayeb** · 27-06-2015 12:55 AM

يا شباب انا لسه سائل حالاً ضابط ب٣ نجوم وواحد جنبه بنسر وقالولي الرخصة لها شهر مهله، لكن التصريح اللي ملهوش. أنتوا ماشيين بتصاريح ولا ايه يا جماعه؟ ولا في قانون جديد بيقول في مهله سير شهر عادي؟!!

**Abo_Mazen** · 27-06-2015 09:14 AM

المشاركة الأصلية كتبت بواسطة w.eltayeb

يا شباب انا لسه سائل حالاً ضابط ب٣ نجوم وواحد جنبه بنسر وقالولي الرخصة لها شهر مهله، لكن التصريح اللي ملهوش. أنتوا ماشيين بتصاريح ولا ايه يا جماعه؟ ولا في قانون جديد بيقول في مهله سير شهر عادي؟!!

هما يقولوا اللي يقولوه ...لكن وقت الجد ..بتلاقي نفسك واقع ضحية إبتزاز أي ضابط من الضباط عشان يطلع منك بأي فلوس ..أو يهفك أي مخالفة عشان يثبت إنه شغال صح ..خلاص ..إتكل على الله وسافر ..ولو إتمسكت إبقى قلهم أنا سألت وهما قالولي ..

**W.eltayeb** · 27-06-2015 10:26 AM

المشاركة الأصلية كتبت بواسطة Abo_Mazen

هما يقولوا اللي يقولوه ...لكن وقت الجد ..بتلاقي نفسك واقع ضحية إبتزاز أي ضابط من الضباط عشان يطلع منك بأي فلوس ..أو يهفك أي مخالفة عشان يثبت إنه شغال صح ..خلاص ..إتكل على الله وسافر ..ولو إتمسكت إبقى قلهم أنا سألت وهما قالولي ..

والله عندك حق يابو مازن ، فعلا في ضباط بيتلككوا علي لون التي شيرت اللي انت لابسه أصلا.

بس هتوكل علي الله وأسافر والله المستعان، انا مشواري لغاية أسيوط وراجع الاقصر تاني ان شاء الله. ربنا يسهل وميكنش في ضباط ولا عساكر رخمه ف الطريق

الموضوع: رخصة العربية هتنتهي بكرا. هل أقدر أمشي واسافر بيها خلال ال ١٥ يوم الجايين؟

LinkBack

أدوات الموضوع

عرض

رخصة العربية هتنتهي بكرا. هل أقدر أمشي واسافر بيها خلال ال ١٥ يوم الجايين؟ - انشر الموضوع فى :

-

-

-

-

-

-

-

المواضيع المتشابهه

بفكر في السفر الي السودان خلال الكام شهر الجايين ... ايه رأيكم ؟؟؟

ازاي أقدر أقيم سحب العربية؟

ماشي بدون تغيير الزيت 2260 كيلو زياده ينفع أمشي بيها تاني - زيت توتالk10

ماشي بدون تغيير الزيت 2260 كيلو زياده ينفع أمشي بيها تاني و لا هيبقى في مشكله

معايا رخصة خاصة .... اشتغل بيها فى اية ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة