الموضوع: لعشاق الممثل توم كروز

المشاركة الأصلية كتبت بواسطة imhotep

اولا بس استدراك صغير عشان ده مهم فى مجتمعاتنا الجميلة


اولا توم كروز مش ابن عمى عشان ادافع عنه
بس السيد توم كروز ينتمى لديانة اسمها scientology. . . ايون ديانة اسمها كده و معترف بها كديانة مستقلة فى بلده و بلاد اخرى و دى معلومات عنها للى يحب يقرأ:
https://en.m.wikipedia.org/wiki/scientology

و دى ديانة اخترعها واحد اسمه رون هابرد القرن الماضى و تأسست على نوع من الفلسفة الدينية و علم النفس و ضرب شوية حاجات فى الخلاط و طلع الكوكتيل الجميل ده

ثانيا السيد توم كروز عمل ايه فى التصريحات المنسوبة اليه بفرض صحتها
وصف مجموعة عرقية اسمها العرب بأنها مصدر الارهاب و هو حتى الان تهمة سياسية و طلب من دولة معادية لهم انها تبيدهم
منجيش احنا بذكاوتنا المعروفة عننا نحول الموضوع الى موضوع دينى يضرب فى وشنا فى الاخر كالعادة و يبين ان احنا اللى متطرفين و متعصبين. . . و يصبح الجانى ضحية و الضحية جانيا بسبب رعونته. . . و هى اللعبة التى تجيدها اسرائيل بسبب رعونتنا

طيب لو عايزين نرد على السيد توم كروز نقول ايه

هل نقوله . . . طيب. . . بكره نوريك يا مسيحى (و هو ليس مسيحيا) يا كافر (و كل الاديان و حتى طوائفها و مذاهبها فيما بينها ترى الاديان الاخرى و طوائفها و مذاهبها كفارا) و بكره داعش توصل بلدك و توريك
و لا نقوله. . . روح العب بعيد يا عم الحاج و شوف حلول للعنصرية اللى مالية بلادكم و كل شوية قتل للسود و شوف بلادكم اللى لو استمرت كده ممكن متفضلش متحدة و الدليل علم الجنوب الانفصالى اللى اترفع فى ولاية الاباما

انهى التعليقين اوقع. . . و امتى هنعرف قواعد اللعبة و نتعلم نلعبها بدل ما برعونتنا نطلع احنا اللى متطرفين و متعصبين ادام العالم زى كل مرة

انا فاهم كويس الغرض الحقيقى من كلام زى ده و نشره فى المنتديات العربية. . . بس ياريت ما نقعش زى كل مرة ضحية لرعونتنا السياسية و نعمل مواقف و نبنى افكار نرجع ندفع احنا و دولنا تمنها بعد كده. . . و يفلتوا هم زى الشعرة من العجين برغم جرائمهم . . . عشان هم شاطرين و فاهمين قواعد اللعبة و احنا اللى بلداء

ثالثا و اخيرا الاخ صاحب الموضوع ينطبق عيه مقولة ان ناقل الكفر ليس بكافر مع اختلاف القياس طبعا. . . انا بس حبيت انقل و جهة نظر مغايرة و عكس التيار السائد لكنى اعتقد انها الاصح و الانسب

الله ينور عليك يا جميل
اسجل اعجابى بطريقة تفكيرك
المشكلة ان الناس لما بتحول الموضوع لشجار دينى بيخطأوا خطأ رهيب
ليه ؟؟؟؟
لأن الغير مسلمين معندهومش حتة الغيرة النارية على دينهم
يعنى لو قعدت تشتم فيه فى دينه مليون مرة هو مش هيتأذى و لا هيتضايق ... بينما لو شتمته هو نفسه هيقاضيك
فى المقابل هنا فى مصر المسلم بيستفز من كلمة على دينه و عشان يثأر لدينه بيغلط غلطات رهيبة.
انا لا اقصد التقليل من قيمة الغيرة على الدين و لكن الذكاء فى الطريقة اللى تاخد بيها حقك زى ما قال الاخ