عملت ايه بعد ما خطبت؟

**mody1982** · 26-06-2015 09:42 PM

المشاركة الأصلية كتبت بواسطة lena jo

لسه هقول مبروك . لكن للاسف ...
بتفكر في اللي احلي من خطيبتك من قبل حتي ما تخطبها؟
بلاش احسن تظلمها معاك. لو مش شايفها مناسبة يبقي بلاش احسن . لكن زي ما قلت حتي لو اخترت باريس هيلتون برده مش هترتاح و هتشوف غيرها احلي. لو تزوجت اجمل 4 نساء في العالم، لن يقروا عينك و ستنظر الي الاقبح من باب التغيير.
عارف ليه؟ لانك لم تعقد النية انك تغض بصرك و تقصره علي زوجتك.
فيه عضو فاضل لا اذكر اسمه رد علي سؤالك في موضوع قديم ، قال انه رغم تعامله مع أجانب لكن لو رأي واحدة حلوة يري زوجته اجمل منها.، ببساطة لانها ما احل الله له .
رمضان فرصة للدعاء . ربنا يصلح حالنا جميعا

رد حضرتك نسائي بحت
حضرتك انت صريح مع نفسي و معظم الرجال بيجذبهم جمال الانثي و زي ما قولت في كلا'مي ممكن ابقي بغض بصري و برضه غصب عني عيني تقع علي واحده
الخلاصخ يا اختي الفاضله انا عايز اقاوم الموضوع ده فيا كراجل و علشان كده بسأل
لكن نظره حضرتك النسائيه للموضوع جعلتك تبدئي الهجوم و بلاش تظلمها معاك و بلاش ايه
زوج حضرتك يا اختي الفاضله هتلاقيه برضه عنده النزعه دي بس هو بيقاومها و سؤالي كان عن طرق المقاومه
و شكرا علي ردك

**طارق _عبد السلام** · 26-06-2015 09:51 PM

فكر برضوا ان مش كل واحده هتعجبك انت هتعجبها

**أحمد كمال** · 26-06-2015 10:29 PM

لو مش مالية عينك من دلوقتي ما تظلمهاش معاك

الواحد بيبقى متجوز واحدة شايفها ملكة جمال الكون

بعد سنة جواز بيبتدي يبص برة

فما بالك لو من قبل الخطوبة مش مالية عينك

و محدش يشتم و لا يضرب ..... الصراحة كده ..... و اي راجل كده ...... بلاش مثاليات فارغة

**unl0veable** · 27-06-2015 02:39 AM

المشاركة الأصلية كتبت بواسطة Dr.Karim Emam

بص يا باشا هم 24 قيراط متوزعين
عاوز تاخدهم بقى كلهم جمال او دين او طاعه او طبيخ او حب
زي ما انت عاوز تقسمهم قسمهم
ماحدش بياخد كل حاجه بس في الاول و الاخر اهم حاجه الراحة النفسية

**volociximab** · 27-06-2015 03:32 AM

المشاركة الأصلية كتبت بواسطة mody1982

بما اني مقدم علي اني اتقدم لواحده قريب و بما ان هي عاديه الشكل يعني لا وحشه و لا حلوه
بدء يتردد علي بالي سؤال
كل بنت و كل ست في الدنيا في اللي احلي منها
بعد ما ارتبطت بخطيبتك او زوجتك لما كنت بتشوف واحده احلي منها كنت بتقول ايه بينك و بين نفسك
ازاي قدرت تقاوم اي وساوس او افكار تيجي في دماغك او اي شعور انك ملثلا كنت ممكن تتجوز واحده احلي او احسن او اعلي في المستوي الاجتماعي
سؤالي يا جماعه بشكل عام مش مرتبط بيا بس اي انسان في اللي احسن منه
و الراجل عينه دايما بتشوف الجمال و تلقطه و بتبقي عايزه الاحلي اللي هو موجود فعلا
يعني حتي لو انت اتجوزت احلي واحده في مصر ممكن تلاقي واحده من بره ماشيه في الشارع جايه سياحه تخليك تحس ان مراتك غفير جنبها
هتقولي غض البصر ايوه بنغض بصرنا بس ساعات بتشوف غصب عنك من غير ما تقصد توقع عينك علي واحده
طيب ازاي البني ادم بيقاوم االافكار السلبيه اللي بتطلع في دماغه في الظروف دي
ارجو من الاخوه عدم الهجوم في الرد عليا لأن من الاخر كل اللي هتقولوه كهجوم انا عارفه و حافظه و عارفه
انا عايز الرد الموضوعي اللي بيخلي ا لبيوت مفتوحه العمر كله
يعني لسه واحد معرفه متجوز من 5 سنين معرفش عرف واحده فين و عايز يتجوزها علي مراته علشان البنت اللي شافهها حس انها اللي كان نفسه فيها من زمان كشكل و جمال
مستني رددوكم و رمضان كريم

اولا:الشيطان يأتى اليك يسوء لك البنية الى خطبتها و يقبحها فى نظرك
ثانيا:طبع الرجل ان ينظر الى ما ليس فى يده(عينه فارغه)
يبص على كلبه جربانه فى التليفزيون و عنده ملكة جمال فى البيت
يبص على زميلته
يبص على جارته
لكن دينه يضعه عند حدوده
بصراحة الدين هو الى عامل لينا زمام و الا كنا طحنا فى الحريم يمين و شمال--المرأة الاوربية اضطرت تجارى الرجل
من الاخر استعيذ بالله من الشيطان هتلاقى بنت الحلال الى اودامك هى ست الستات و الباقى خس

**إنسانة** · 27-06-2015 04:55 AM

مفيش حد كامل على رأي محمد عبده " العين بحر "

**فتح الباب** · 27-06-2015 05:08 AM

المشاركة الأصلية كتبت بواسطة hesham fawzy h

الله اكرم

يا باشا الشرع محللك 4 .. عايز اييية تانى :) .. عيش يا باشا الدنيا قصيرة .. و كل سنة و انت طيب

ههههههههههههننهه الراجل ده يا جماعه جاب من الاخر لكن للاسف بردو لاتزال جمله شهيره وهى بنى ادم ما يملاش عينه الا ٠٠٠٠٠ كل عام والكل بخير

**volociximab** · 27-06-2015 05:43 AM

المشاركة الأصلية كتبت بواسطة mody1982

رد حضرتك نسائي بحت
حضرتك انت صريح مع نفسي و معظم الرجال بيجذبهم جمال الانثي و زي ما قولت في كلا'مي ممكن ابقي بغض بصري و برضه غصب عني عيني تقع علي واحده
الخلاصخ يا اختي الفاضله انا عايز اقاوم الموضوع ده فيا كراجل و علشان كده بسأل
لكن نظره حضرتك النسائيه للموضوع جعلتك تبدئي الهجوم و بلاش تظلمها معاك و بلاش ايه
زوج حضرتك يا اختي الفاضله هتلاقيه برضه عنده النزعه دي بس هو بيقاومها و سؤالي كان عن طرق المقاومه
و شكرا علي ردك

بمنتهى البساطة باقفل نفسي من ناحيتها
لو فتحت الباب ستفتن بها
و ابعد
و استخدم الوش الخشب معاها
مش مجرد تبعد جسديا بل فكريا
ممكن تفتن بواحده عمرك ما شفتها لمجرد انك فكرت فيها و سمحت لنفسك الاسترسال فى التفكير
ثم تاتى زوجتك
إنَّ المرأةَ إذا أقبَلَت أقبَلَت في صورةِ شيطانٍ ، فإذا رأى أحدُكم امرَأةً فأعجبَتهُ ، فليأتِ أَهلَه ، فإنَّ معَها مِثلَ الَّذي معَها

الراوي : جابر بن عبدالله | المحدث : الألباني | المصدر : صحيح الترمذي
الصفحة أو الرقم: 1158 | خلاصة حكم المحدث : صحيح

-

-

الموضوع: عملت ايه بعد ما خطبت؟

LinkBack

أدوات الموضوع

عرض

-

-

-

-

المواضيع المتشابهه

لو عملت عقيقه قريب ياريت تقولنا عملت ايه

عملت اية في عربيتك جديد (ركبت تكييف , كشافات ليزر ...... و لا عملت اية ؟؟؟؟)

عملت غلط

الحمد لله.... انـــا خلاص خطبت و حبطل ابص علي البنات :)

باروكولي :) خطبت !

الكلمات الدلالية لهذا الموضوع

المفضلات

المفضلات

ضوابط المشاركة