الموضوع: عملت ايه بعد ما خطبت؟

انا حاسس انك مش هتكمل في المشروع ده
واضح انك مش بتحبها

بص يا باشا ، الجواز شيء جميل
لكن خد بالك من الاتى :
لازم تكون بنت ناس محترمة ، من عائلة كويسة ومتعلمة ويشغلوا مناصب أو اعمال هامة ، عشان تبقى متربية كويس وتعرف تربى عيالك ،
وأنت خلى تعاملك مع الرجال ، عشان تقدر ترجع لهم فى حالة اى مشكلة لا قدر الله
البنت لازم تكون متعلمة ، عشان تقدر تعلم عيالك اللى هما هدفك من الدنيا ، ومتعلمة يعنى فاهمة مش واخدة شهادة
البنت مهم تكون ملتزمة دينياً ، و حافظة قرآن ، مش لازم كتيير ، ومثففة دينياً ، عشان تعرف تربى عيالك على اساس دينى
وحاول انك تاخد عليها قبل الارتباط وتروح عندها كتير ، وتكلمها كتيير ، وتاخد عليها فى الكلام شوف هى كمان حتاخد عليك وحتحس انها زوجة ليك ، ولا فى حدود بينكم
وحاول انك تصطنع مشكلة معاها فى اى موضوع ، وشوف رد فعلها ، امتصت غضبك وحاولت تراضيك وتفهمك موقفها ، ولا اديتلك الوش الخشب وردت عليك وصوتها على عليك ، حتقدر تحدد فى حالة وقوع اى مشكلة لا قدر الله حتكبر الموضوع وتعمل مشكلة ، ولا حتعيش وتحافظ على بيتها
البنت لازم تكون جميلة جداً ، وتعجبك جداً ، عشان متظلمهاش ، لأن كل الستات بعد الجواز مستوى الجمال بيقل كتيير قوى ، خصوصا بعد الحمل والولادة وشيل هم العيال ، وساعتها لو حلوة بقت وحشة ، ولو مقبولة بقت قبيحة ، ولو وحشة يبقى لبس فى حيطة ، وحتندم ندم مندمهوش حد قبلك
وكمان عشان متظلمش عيالك ، لأنها لو وحشة يبقى عيالك حيطلعوا زيها ، وخصوصاً لو جبت بنت ، حتتعقد من روحها وحتدعى عليك ، عشان انت اللى ظلمتها واختارت لها ام مش جميلة ، وساعتها حبقى حظها وحش وحتتجوز جوازة واقعة ، وحتبقى انت السبب
وخلى بالك : كل الستات ليهم حقوق واحدة ، يعنى المصاريف ، الاكل ، اللبس ، الكلمة الحلوة ، والدلع كمان
لما تعمل دة مع واحدة حلوة ، مقبول ، انما لما تعمل دة وهى وحشة الكلمة حتطلع من ورا القلب وحتوصل لحارة سد ، والمشاكل حتكتر
اما بقى فى حالة لا قدر الله حصلت مشكلة ، بردة كل الستات حقوقهم امام القانون واحدة : يعنى النفقة ، والمؤخر ، وقائمة المنقولات ، وحضانة العيال ، ومسكن الزوجة ،
يبقى الحاجات دى لازم تكون على واحدة تستاهل ، ما يبقاش موت وخراب ديار
وعلى رأى اللى قال : ما الزواج إلا دفع مهر ، وفرح شهر ، وحزن دهر
معلش انا بديلها تجربة زوج ، وبعرفك الوحش قبل الحلو
ربنا يوفقك لما فيه الخير