عملت ايه بعد ما خطبت؟

**mody1982** · 26-06-2015 05:19 PM

بما اني مقدم علي اني اتقدم لواحده قريب و بما ان هي عاديه الشكل يعني لا وحشه و لا حلوه
بدء يتردد علي بالي سؤال
كل بنت و كل ست في الدنيا في اللي احلي منها
بعد ما ارتبطت بخطيبتك او زوجتك لما كنت بتشوف واحده احلي منها كنت بتقول ايه بينك و بين نفسك
ازاي قدرت تقاوم اي وساوس او افكار تيجي في دماغك او اي شعور انك ملثلا كنت ممكن تتجوز واحده احلي او احسن او اعلي في المستوي الاجتماعي
سؤالي يا جماعه بشكل عام مش مرتبط بيا بس اي انسان في اللي احسن منه
و الراجل عينه دايما بتشوف الجمال و تلقطه و بتبقي عايزه الاحلي اللي هو موجود فعلا
يعني حتي لو انت اتجوزت احلي واحده في مصر ممكن تلاقي واحده من بره ماشيه في الشارع جايه سياحه تخليك تحس ان مراتك غفير جنبها
هتقولي غض البصر ايوه بنغض بصرنا بس ساعات بتشوف غصب عنك من غير ما تقصد توقع عينك علي واحده
طيب ازاي البني ادم بيقاوم االافكار السلبيه اللي بتطلع في دماغه في الظروف دي
ارجو من الاخوه عدم الهجوم في الرد عليا لأن من الاخر كل اللي هتقولوه كهجوم انا عارفه و حافظه و عارفه
انا عايز الرد الموضوعي اللي بيخلي ا لبيوت مفتوحه العمر كله
يعني لسه واحد معرفه متجوز من 5 سنين معرفش عرف واحده فين و عايز يتجوزها علي مراته علشان البنت اللي شافهها حس انها اللي كان نفسه فيها من زمان كشكل و جمال
مستني رددوكم و رمضان كريم

**hesham fawzy h** · 26-06-2015 05:42 PM

الله اكرم

يا باشا الشرع محللك 4 .. عايز اييية تانى :) .. عيش يا باشا الدنيا قصيرة .. و كل سنة و انت طيب

**Mohamed Saber** · 26-06-2015 06:15 PM

لا تنخدع بالمظاهر، بمعنى ممكن تكون البنت مش حلوه ولا وحشه مقبوله يعنى وتكون محترمه ومؤدبه و بتاعه عيشه وتهتم بيك اكتر من نفسها وتحاول تسعدك وتبقى انت كل حاجه بالنسبالها فى الخطوبه والجواز بس انت اهتم بيها وم تهملهاش وتكون مخلص ليها ،
وممكن تكون البنت ملكه جمال وتبقى فى فتره الخطوبه (حبيبها ومفيش غيرك وتتمنى تبقى تحت رجلك) اجوزها بس واتفرج ولا هتهتم بيك ولا تبصلك حتى ،هيبقى كل همها الاهتمام بنفسها وبجمالها ومكياج وخروجات ولبس وتقضوها اكل جاهز م هى مش فاضيه بقى و و و..... ، انا مش بعمم بس ده اغلب الحال وشوفت من ده كتير
الخلاصه :ممكن تكون اللى فى ايدك نعمه لا تقدر بثمن وتضيعها عشان اهتميت بالمظاهر،
و لو مش عايز تبص لواحده تانيه دايما يكون فى بالك كل حاجه حلوه فى خطيبتك او زوجتك وقد ايه هى كويسه وبتحبك وبيتك اللى اكيد انت مش عايز تخربه والمشاكل اللى اكيد انت مش عايز تبقى فيها ،حاجه اخيره مفيش ست تقبل انه جوزها يتجوز عليها ، بعتذر على الاطاله وشكرا

**Ahmedo0o** · 26-06-2015 06:26 PM

الشكل ليس إلا نسبه 10 فى الميه من المرءه

والباقى فى أخلاقها وطيب معاملتها
قربها من الله وكتابه وسنه النبى محمد صلى الله عليه وسلم
وحسبها ونسبها
وحبها لأهلها و عند زواحها تحب زوجها أكثر من أهلها الصفات دى بقى 90 فى الميه الباقين مع إنهم فى نظرى مليون فى الميه

**mk3** · 26-06-2015 06:40 PM

مش هتفرق كتير الشكل
اجوز بس وانت هتعرف ان فى حاجات كتير اوى لو مش فى البنت ( طباع/صفات/اسلوب)هتفكر ساعتها فى البص بره والجواز التانى

**Bassem Youssef** · 26-06-2015 07:55 PM

طالما زوجتك او خطيبتك مش ماليه عينك يبقي هتبص بره و هتحصل مشاكل

**Adnfalcon** · 26-06-2015 08:29 PM

بلاش نكدب علي نفسنا
الجمال مهم و مهم جدا كمان .. الفكره بس انك لما "تحب" ساعتها هتشوف خطيبتك أجمل بنت

**lena jo** · 26-06-2015 09:27 PM

لسه هقول مبروك . لكن للاسف ...
بتفكر في اللي احلي من خطيبتك من قبل حتي ما تخطبها؟
بلاش احسن تظلمها معاك. لو مش شايفها مناسبة يبقي بلاش احسن . لكن زي ما قلت حتي لو اخترت باريس هيلتون برده مش هترتاح و هتشوف غيرها احلي. لو تزوجت اجمل 4 نساء في العالم، لن يقروا عينك و ستنظر الي الاقبح من باب التغيير.
عارف ليه؟ لانك لم تعقد النية انك تغض بصرك و تقصره علي زوجتك.
فيه عضو فاضل لا اذكر اسمه رد علي سؤالك في موضوع قديم ، قال انه رغم تعامله مع أجانب لكن لو رأي واحدة حلوة يري زوجته اجمل منها.، ببساطة لانها ما احل الله له .
رمضان فرصة للدعاء . ربنا يصلح حالنا جميعا

**Secret-Man** · 26-06-2015 09:37 PM

ده امر طبيعى لاغلب جواز الصالونات لانه بيحكمه العقل والشروط اكتر ما بتحكمه العواطف والحب

ادى نفسك فرصه فى فتره الخطوبه انك تفهمها وتحبها اكتر لو شايف فيها حاجه تتحب لكن متجبرش نفسك على حاجه او نظام بعد الجواز الحب بيجى لوحده الكلام ده ناس لبست وبتصبر نفسها لكن انت لسه على البر حاولو تقربو من بعض فى امور كتير اقصد تقارب الفكر والاسلوب وشوف مرتاح ولالا لو مش مرتاح شوف غيرها احسن ماتدخل فى مرحله اكبر وهتلاقى قرار الانفصال صعب جدا بالاخض فى مجتمعنا

**أبو آسر** · 26-06-2015 09:38 PM

المشاركة الأصلية كتبت بواسطة lena jo

لسه هقول مبروك . لكن للاسف ...
بتفكر في اللي احلي من خطيبتك من قبل حتي ما تخطبها؟
بلاش احسن تظلمها معاك. لو مش شايفها مناسبة يبقي بلاش احسن . لكن زي ما قلت حتي لو اخترت باريس هيلتون برده مش هترتاح و هتشوف غيرها احلي. لو تزوجت اجمل 4 نساء في العالم، لن يقروا عينك و ستنظر الي الاقبح من باب التغيير.
عارف ليه؟ لانك لم تعقد النية انك تغض بصرك و تقصره علي زوجتك.
فيه عضو فاضل لا اذكر اسمه رد علي سؤالك في موضوع قديم ، قال انه رغم تعامله مع أجانب لكن لو رأي واحدة حلوة يري زوجته اجمل منها.، ببساطة لانها ما احل الله له .
رمضان فرصة للدعاء . ربنا يصلح حالنا جميعا

أتفق مع الرأي ده تماما ما عدا حاجة واحدة بس
إن باريس هيلتون مش حلوة خالص

الموضوع: عملت ايه بعد ما خطبت؟

LinkBack

أدوات الموضوع

عرض

-

-

-

-

-

-

المواضيع المتشابهه

لو عملت عقيقه قريب ياريت تقولنا عملت ايه

عملت اية في عربيتك جديد (ركبت تكييف , كشافات ليزر ...... و لا عملت اية ؟؟؟؟)

عملت غلط

الحمد لله.... انـــا خلاص خطبت و حبطل ابص علي البنات :)

باروكولي :) خطبت !

الكلمات الدلالية لهذا الموضوع

المفضلات

المفضلات

ضوابط المشاركة