موتور لادا سمارا بالفتيس

السلام عليكم يا جماعه و كل سنه وانتو طيبين بمناسبه شهر رمضان المبارك انا صديق جديد لاسره الادا السمارا. انا معايا لادا سمارا مو 97 لسه شاريها جديد بقالى حوالى اسبوعين, بصراحه العربيه جميله جدا وعجبانى اوى وكنت شاريها حالتها متوسطه . يعنى المتور بتعها جميل جدا وناعم وفبريكه جوه بس كانت عايزه شويه تظبيط فى العفشه والفرامل والصالون وبدات فعلا اعمل كده ظبط حاجات كتير فيها بس للاسف العربيه عملت معايا حاجه مكنت متوقعها نهائى. العربيه وانا ماشى بيها ع طريق مصر الفيوم مره واحده لقيت المتور ( بيرزع) مع انى مغيرلها زيت وعينى ع عداد الحراره والحراره كانت كويسه جدا بس الواضح ان كان فى مشكله فى طرمبه الزيت وانا مخدتش بالى لان السلك بتاع لمبه الزيت مكنش راكب وفظلت ماشى عليها المهم باختصار العربيه جابت متور فى اول اسبوعين ليها معايا.
السؤال بقى لاصحاب الخبره انا عايز اجيب متور استيراد بالفتيس علشان اريح دماغى لان واضح كده ان المتور القديم فى مشكله كبيره. عايز نصايحكو اجيب المتور منين وبكام وازاى ميتضحكش عليا فيه وهل فى حد من الاعضاء عنده متور كويس او يعرف حد ممكن يكون عنده متور مع العلم انا ساكن فى اكتوبر بس مش شرط انى اشتريه من اكتوبر المهم تكون حاله المتور كويسه وده رقمى للى عنده اى حل ربنا يجزيكم خير : 01227761000

يا جماعه محتاج مساعده باسرع وقت بالله عليكم انا الشغل بتاعى ف حته مقطوعه وبروح كل يوم بتاكسى ب 30 ج
جزاكم الله خير اللى يعرف معلومه يساعدنى بيها

ادخل على جروبات الادا فى الفيس بوك واسالهم ،الناس هناك بترد على طول ومتعاونه جدا،فيه كذا تاجر موجودين فى الجروبات دى هيردوا عليك ويفيدوك وممكن تلاقى عندهم كمان،انما هنا فى المنتدى ممكن يردوا عليك بعد اسبوع ان شاء الله

ياباشا تسلملى
بس مفيش لينكات اخش عليا وتم جميلك معايا

انزل عزبة شلبي في المطرية ...اكتر من واحد بيبيع مواتير لادا ..واكيد هتلاقي طلبك

اسال على حد معين ف عزبه شلبى

فعلا عزبه شلبي هتلاقي فيها
في واحد هناك اسمه ابو ملك حاجته كويسه بس غاليه شويه بس
وتحت اي ظرف لازم تاخد مكانيكي موثوق فيه معام

يا اما تيجي امبابه للمهندس محمد طلبه
والله المستعان وابقي قلنا عملت ايه