لرد ظلم وجشع عز العرب وجميع توكيلات السيارات

انا اشتريت عربيه زيرو من معرض أباظه أوتو تريد التجمع الخامس وطلعت كسر زيرو

و عزالعرب رفض تغيير العربيه ورحت حمايه المستهلك وبعد تقرير الفحص الفنى لكليه الهندسه الثابت به كل عيوب العربيه
صدر قرار جهاز حمايه المستهلك بتغيير العربيه او استرداد الفلوس ولكن عزالعرب رفض وللماطله وعدم تغيير السياره قدموا تظلم و التظلم اترفض من جهاز حمايه المستهلك
ساعدوا نعمل حمله ضد ظلم وجشع التوكيلات واولهم عز العرب ومعرض اباظه اوتو تريد
يا ريت الكل يعمل شير للموضوع عشان ناخد حقنا

http://nileup.com/up/watermark.php?s...533472.jpg&p=c

طيب وبعدين. حصل إيه؟

http://nileup.com/up/uploads/nilemotors_14353533472.jpg

ده صورة قرار جهاز حمايه المستهلك
ورفض عز العرب تغيير العربيه
واتحول الموضوع نيابه
وفى ناس كتير اخدوا قرارات
بس قرار جهاز حمايه المستهلك غير ملزم
وللاسف فى ناس كتير فاكره انها لما تروح حمايه المستهلك هتاخد حقها على طول
عشان كده لازم نعمل شير عشان التوكيلات تبطل ظلم وجشع

وحترفع قضية؟

و الله قولنا نوقف شراء الزيرو سنه واحده

التوكيلات و التجار هيمشوا زي الالف بعد كده

و هيظبطوا الاسعار و المعامله

هو حضرتك اشتريت من اباظة
الحكم ضد عز العرب
يعني عز العرب باعها كدة لاباظة برده وهما معرفوش ؟

متابع جدا

ربنا يعين حضرتك و متابعين مع حضرتك آخر التطورات

بالنسبة للسؤال "الحل الامثل لرد ظلم وجشع توكيلات السيارات"

فالحل الامثل و الأساسى هو تفعيل الدور المجتمعى و التضامن للدفاع عن حقوقنا, مافيش دولة فى العالم تطور القانون فيها و تطورت مؤسستها الرقابية إلى بعد الناس ماتضامنت مع بعضها و طالبوا بحقوقهم. و عشان ده يحصل لازم الناس تعلم نفسها الوقوف جانب الحق قبل مايبصوا على مصالحهم الفردية, يعنى اللى عربيته سليمة يتضامن مع أصحاب المشاكل, عشان لو لا قدر الله إتعرض لنفس الموقف يلاقى ناس تقف جنبه و مايبقاش لوحده "أكلت يوم أكل الثور الأبيض". بالتوفيق إن شاء الله و متابعين.

حاجة أخيرة, منتدى نايل موتورز غنى بأعضائه من مختلف التخصصات (رجال قانون - مهندسين و فنيين سيارات - إعلاميين - و غيرهم) , فإيه المانع يتم عمل قسم مخصص لمساندة أصحاب المشاكل و مساندتهم فى قضاياهم و توجيهم للخطوات السليمة للدفاع عن حقهم من النواحى الفنية و القانونية؟ و القسم ده يساعدهم إزاى يرتبوا أوراقهم لما يلجؤا لحماية المستهلك و للنيابة, و يتم تعريفهم بالإجراءات الفنية لما هايتعمل كشف فنى على عربياتهم فى كليات الهندسة, ياريت يكون فى تحرك جماعى تطوعى زى ده, غير كدا هانفضل عايشين فى المعاناة دى إحنا و أولادنا و أحفادنا و هانفضل طول عمرنا نقول "فى كوكب اليابان / ألمانيا" و كإننا من طينه و هما من طينة تانية, و الله مافيه حاجه تنقصنا غير التضامن و الخوف على بعض و مساندة بعض و التغاضى عن خلافاتنا اللى لا تكاد تحمل قيمة مقارنة بحقوقنا الضائعة بسبب فرقتنا.

اقتراح ممتاز

يعني و انت بتستلمي العربية ما رجعتيش على العداد

اولا اشتريت عربيه بروتون برسونا من اباظه اوتو تريد التجمع الخامس
ولما جه وقت استلام العربيه أباظه ادانى معاد وقالى لا بكره وتانى يوم اصل العربيه ف فرع مدينه نصر وبعدين اصل الكساحه وديتها انشاص قتله انا عايزه استلمها الصبح وف النور وكان المفروض اروح استلمها الساعه 12 ظهراا وقعد يضع ف الوقت كل ده عشان يسلمهالى بليل ولما قلتله العربيه متربه كده ليه بره وجوه قالى ده من التخزين واعتبرت ان ده من الركنه وقعد يقولى مفيش غير دى ومفيش ف السوق برسونا والحقي خديها مش موجودة تانى واخدت العربيه ركنتها تحت البيت لحد يوم الترخيص عشان خفت امشى بيها عشان اجربها تتخبط وهيا لسه مرخصتش وبعد الترخيص سافرت بيها عشان اجربها وظهر الاتى
1-العربيه بتحدف يمين 2- الدركسيون متهالك فى علامات صوابع عليه من الاستخدام 3-العربيه مبتسحبش على الطريق ولو فى مطلع ازود بنزين والrpm ثابت والسرعه متزيدش ونقل الفتيس 4-الفرامل بها مشكله سايبه وبتهرب تحت رجلى 5- المساحات متهالكه مقطعه 6- الزجاج الكهرباء بيعلق 7- تانك البنزين بيعلق8- علامه العربيه قدام وورا متهالكه 9- الطنابير متهالكه ومصديه
• ولما رحت اعز العرب قلتله االعربيه فيها كذا وكذا ومكنتش مستوعبه ان انا اشترى عربيه من مكان المفروض موثوق فيه لايخطر حتى بخيالى انه يعمل معايا كده وقابلت امير سابا وامر كوافى المسئول عن الصيانه قالى طيب هنشوف العربيه وفضلت 8 ساعات منتظره بيغير فيها على قد ميقدر وغير الاتى
-تغيي الدسكات اماميه وخلفيه (الطنابير) 2- تغيير طاره الدركسيون المالتى 3- تغيير علامات بروتون اماميه وخلفيه 4- تيل الفرامل
وامر كوافى قالى كل العربيات دى بتحدف يمين اصل الدركسيون عندهم يمين وطبعا ده كلام خاطئ وعلى فكره على ل5000 هتظهر مشاكل وعلى ال10000 وال 15000
وبعد خروجى من الوكيل مشاكل تانيه بانت ف العربيه حتى عوامه البنزين اتلعب فيها لما قلتله استهلاك البنزين غير طبيعي وكل ده اثبت بتقرير كليه هندسه

وطلبت من الوكيل تغيير العربيه وقالى عشان تغيرى العربيه ادفعى 15000 ( خمسه عشر الف جنيه) وانا اغيرهالك عشان يعجزنى لانه عارف انى دفعت الفلوس الى معايا مقدم والعربيه جايه بالتقسيط واتحجج بخدوش ف العربيه نتيجه العيب الموجود ان العربيه بتحدف يمين وده المثبت بتقرير لجنه الفحص الفنى بكليه الهندسه جامعه عين شمس
وتوجهت لحمايه المستهلك وتم تحويل العربيه للفحص الفنى بكليه الهندسه ودفعت الف جنيه قيمه الفحص واحنا واقفين بكليه الهندسه واقف أمر كوافى ممثل عزالعرب والمسئول عن الصيانه بفرع ابو رواش يقولى انا فاضى انتى مش فاضيه
وصدر قرار جهاز حمايه المستهلك باستبدال السيارة او استرداد قيمتها وأصر عز العرب على عدم تغيير السيارة وقدمت شركه عز العرب تظلم وتم صدور قرار برفض التظلم ومرفق صورة القرار ورفض التظلم وانذرت عز العرب عن طريق تلغراف مسجل بتمسكى بحقى برد السيارة واستمر عز العرب بظلمه برفض الالتزام بقرار حمايه المستهلك وتم تحويل القضيه للنيابه

هو حضرتك ليه مدخلتيش اباظة فى الموضوع لانه نصب عليكى

والله حاجة تحرق الدم فعلاً

حتي المهندس امر كنا فاكرينه كويس للاسف طلع غير ما كنا فاكرين حسبي الله ونعم الوكيل فيهم .. لو الموضوع اتحل ان شاء الله ياريت تاخدي فلوسك احسن وبلاش يبدلو العربية لانك متضمنيش العربية الجديدة ممكن يكونو عملو فيها ايه بالعند فيكي

لو مصممة تجيبي برسونا يبقي هاتيها من معرض محترم زي الملك مثلاً وياريت تستلميها الصبح ويكون في حد فاهم كويس معاكي