الموضوع: شاكك في العربيه اللي اشتريتها

المشاركة الأصلية كتبت بواسطة ahmedo0o

فى الحالات اللى زى دى التاجر لو عاوز يخلى مسؤليته ممكن ياخدها منك بأقل ما إشترينها منه
ودا حل وسط وربنا يهدى الظالم

التاجر عرضت عليه يرجعها ورفض وقال لي انا ورقي سليم وانا مش حرامي والعربيه كويسه والكلام دة
لسه مدخلتش معاه في مفاوضات تانيه ...لما اجرب واشوف
بس انا استعلمت عنه من ناس معرفة في المباحث قالولي انه بيشتغل بورق سليم وبيكسب فلوسه من الضحك عالزبون في الثمن ومشكلته ان محدش بلغ فيه ولا بلاغ لغايه دلوقتي بس هو معروف ليهم ومعروف منطقته اللي بيشتغلوا كلهم في موضوع تلزيق العربيات ولحام النص والكلام ده يعني راجل شمال من الاخر
انا استغربت لما هو كدة سايبينه ليه بقا يرازي في الناس ويسرقهم؟
بالمناسبة خليت ظابط مباحث كلمه في التليفون وقاله نحل الموضوع ودي بس هو طلع راجل عينه جامدة وبجح وقال له نفس البوقين : يا باشا علي عيني وراسي كلامك بس انا تاجر ومش حرامي وورقي سليم ومبشتغلش في حاجه مسروقه وانا بعت وهو اشتري وموقفي القانوني سليم الخ الخ الخ

المشاركة الأصلية كتبت بواسطة gade2

زى ما الزملا قالو امشى فالموضوع فالاخر
وطمنا وربنا ييسر الخير

أمانه عليكم تدعولي ربنا يسترها معايا
انا في نكد وحيرة بقالي 3 اسابيع
عمري ما عملت مشكله مع حد ولا دخلت قسم في مشكلة ولا قدمت بلاغ في حد ولا حد قدم بلاغ فيا
تصوروا احساس الواحد وانا رايح المرور اول مرة انقل ملكيه وهما بيعملوا استعلام امني وانا متوقع انها لو طلعت مسروقه مش هروح بيتي لعيالي
الليله اللي قبلها منمتش اساسا
ودلوقتي نفس الموقف تاني ممكن يتكرر لو روحت الدراسه عمياني من غير ما اكشف عليها الاول واطمئن
ادعولي ربنا يفك كربي يا جماعة في الشهر الفضيل والله العظيم انا استويت
وكرهت العربيات واليوم اللي قررت فيه اشتري عربية من سوق السيارات
بس اعمل ايه علي قد فلوسي ....مكانش ممكن اشتري زيرو حاليا
ربنا كريم

المشاركة الأصلية كتبت بواسطة abo_mazen

بص ...عموما هما بقالهم فتره في المرور عندهم هسهس من موضوع العربيات اللي مغيره نص ..ده أنا لما رحت أفحص في المرور الوله اللي بياخد البصمة فقع رقم الشاسيه خربوش عفي عشان يشوف في لحامات على حدود الرقم ولا لأ ..بس أنا لاحظت حاجه ..إن الوله بتاع البصمة لو إتطمن للعربية بيدي الأمان للمهندس بتلاقي المهندس متحركش من مكانه وقام ماضيلك على الورق كده عمياني ..لو الوله بتاع البصمة العربية مش جايه معاه بيقوم ملاغي المهندس تلاقي المهندس بقى قام وساب مكانه وطلعلك بقى في البخت ..يقعد بقى يقلب ويشوف اللون ويشوف مش عارف الحوض ..عشان كده أنا رأيي تروح لكذا سمكري بس يكونوا سمكريه منحرفين في الصنعه ..اللي هو ممكن يغير نص لعربية والمصنع ذات نفسه ما يعرفش ..وتسألهم وتاخد رأيهم ..وتكون العربيه معاك طبعا عشان يكشفوا عليها بنفسهم ..هما السمكرية بيبقى ليهم طرق كده بيعرفوا بيها الرقم ده ملحوم ولا لأ ..يعني تلاقيه ممكن يشيل الشبكة بتاعة المطر اللي عند المساحات ويمد إيده كده ويشوف ..يعني ليهم نظره .بس أهم حاجه يكون سمكري صايع ..وفي الآخر بقى تروح المرور بتاعك وتلاغي بتاع البصمة تقوله تعالى بص على العربيه دي بصة كده لإن أنا شاكك فيها ..طبعا ما تقفش في طابور بصمة ولا غيره ..ده تاخده على جنب كده وتلاغيه بقرشين وتقوله بص ..العربية دي معروضه عليا وأنا بصراحه شاكك فيها تكون مغيره ..تعالى بص بصه كده وقولي رايك ..لو النفسيه بتاعة الوله بتاع البصمة مرتاحه ..يبقى كده خلاص ..إطمن ..لو قالك والله مش عارف ..هي بصراحه من شكلها كده تشككك ..يبقى كده فيها إنا بقى من اللي أنا قلت عليها

انا طابقت بصمة والواد بتاع البصمة اخد البصمة تمام ومقالش حاجة وطابقت بصمة في مرورها الاصلي وتمام برضك وشفت الملف بعيني ورجعت المرور بتاعي وهو ده اللي المهندس غلس عليا وقال لي تروح فحص في الدراسة
اصلا هو مكانش هيوديها فحص هو قال لي تعال بكرة الصبح يكون كل المهندسين موجودين يبصوا عليها معايا فيها لانها مرور الاسماعيلية واحنا بنقلق من مدن القناه وشمال سيناء كل عربياتهم شمال
وانا طبعا اتشطرت وجبت واسطة بالتليفون اتضح ان الواسطة عقدت الامور بدل ما تحلها ..المهندس سمع اسم الواسطة وقفش وقال لي خلاص نمشيها ميري ...مانا قلتلك تعالي بكرة ونشوففها بدل ما حولهالك فحص! ناس كتير قالولي يبقا المهندس كان بيغلس وعاوز يقفش واما انت جبتله واسطة خاف وقال نمشيها ميري احسن وانت ونصيبك