الموضوع: شاكك في العربيه اللي اشتريتها

ياباشا ماتقلقش روح افحص وتوكل على الله وان شاء الله مافيش حاجه هي تلكيكه من المهندس علشان يقرفك وخلاص وابقى طمنا وقولنا عملت ايه

اخر التطورات
عرضت العربيه علي سمكري وقال انها مغيرة حوض وان رقم الشاسيه اللي فيها هو الأصلي بتاعها وان اللحام من تحت رقم الشاسيه فقط بس مش ملحومة من فوق ( من عند حته المساحات) وعشان كدة مهندس المرور لما بص عليها مقدرش يجزم بشي او يحجز العربية في المرور
النتيجة : قال لممكن تكون عاملة حادثه ومغيرة حوض والكلام ده مثبوت في ملفها في المرور
وبالتالي لازم نسأل عن ملفها في المرور ونشوف اذا كان الكلام ده مثبت ولالا
سؤالي انا دلوقتي: عربيه بالمنظر ده حتي لو مفيهاش مشكله قانونية انا امشي بيها ازاي وانا مطمئن علي عيالي؟
بلاش كدة
طيب لو مطلعش الكلام مثبت في الملف
انا موقفي ايه؟
لو رحت الفحص ناس حوفوني من حاجتين:
1- انا الفحص ممكن يستغرق ايام بل اسابيع عشان يتعمل لها فحص شامل وقالولي ممكن تروح بعدها تلاقي العربيه متشال منها المرايات والفوانيس ويمكن الكراسي كمان
2- لو فيها مشكله قانونيه ناس خوفوني ان انا اللي هتمسك واتحجز لغايه ما يجيبوا البايع ويعرفوا أصل القصة ايه؟
الهواجس والمخاوف دي كلها مفيش حد عنده خبرة او تجربة يريحني منها ويقول لي الصح ايه؟
بصراحه من ساعه ما سمعت الكلام ده مش عارف انام
يعني اقضي العشر الاواخر من رمضان والعيد في نكد وقلق وخوف من موضوع العربيه ولا اقضيهم في الحجز لما يبان للعربيه اصحاب ولا اعمل ايه يا جماعه افيدوني افادكم الله

حضرتك خد الخطوة وروح كمل إجراءات الفحص وما تقلقش نفسك بزيادة, وبعدين فى المرور اكيد هم متفهمين إن أى حد بيشترى عربية ممكن يقع فى نفس موقفك ده لو هما فعلا إكتشفوا اللى حضرتك بتقوله ده و ممكن يكون اللى قالهولك السمكرى أى فتى و خلاص وما أكثر فتى الصنايعية, فإنت توكل على الله و كمل إجراءاتك عادى و حسس نفسك و اللى حواليك إن إنت طبيعى و ما تعرفش حاجه عن العربية و إنت لسه شاريها و هى دى الحقيقة إنت ما بتكدبش. وصدقنى توكل على الله حق التوكل وربنا مش هيخزلك إنت مالكش يد فى أى حاجة و ده قدرك و ممكن يكون إمتحان أو إبتلاء من ربك فأصبر علشان تاخد الأجر و الثواب و متنساش تتوكل على الله من جواك حق التوكل. صدقنى أنا مش بقولك كلام و خلاص أنا حاسس باللى إنت فيه و مقدره كويس جدا و صدقنى أنا ربنا كرمنى بعربية فيها كل عبر الدنيا و كانت قدرى بس هعمل إيه الحمد لله أنا راضى بقضاء ربنا. والحمد لله إتفحصت و رخصت و نقلت ملكيه و الدنيا كانت ماشيه بتساهيل الخالق وكنت زيك كده خايف و قلقان بس عدة على خير و الحمد لله. إن شاء الله ربنا هيكرمك و تعدى الفترة دى على خير و يعوضك بعربية أحسن منها فى الدنيا و الأخرة.

ابعد عن الشر و غنيله