يا سيدي ما الراجل كان في موضوع عامله في المنتدى هنا..وكان حاكي فيه مشكلته كلها من أول ما إشترى العربية دي ..وعمل كل اللي إنت إقترحته ده وما وصلش لحاجه ..هو خلاص .,في مرحلة التعامل مع الأمر الواقع
عرض للطباعة
فعلا هو السؤال دلوقتي في كيفيه التعامل مع الامر الواقع ده لان ببساطة الضابط معرفتي قال لي ده نزاع مدني بينك وبين التاجر انت عاوز ترجع العربيه وهو مش عاوز يرجع في البيعه ممكن ياخد سنه واتنين في المحاكم وممكن متوصلش لشيء
لو العربيه ملعوب في رقم الشاسيه او مغيرة نص ومش مثبوت في الملف تبقي مشكله قانونيه حقيقية ولازم تبلغ في التاجر عشان تخلي مسئوليتك
وبرضك ده معناه ضمنيا كذا حاجة:
* ممكن جدا العربيه تتاخد لو فيها انا ....ويبقا كدة راحت عليا فلوسي بالكامل ولا طولت فلوس ولا عربية ودخلت في سكة قضيه وأقوال ونبابه ومحكمة وحوار يطول شرحه
* لو العربيه مثبوت في ملفها انها مغيرة اجزاء حيوية ( موتورها متسقط استيراد ومثبوت في الرخصه عادي علي فكرة) برضك دي كعربية هتقرفني في نقل الملكيه والترخيص في المرور ولو عدت هتعدي بشاي بالياسمين طبعا مش ببلاش وكل تجديد وفحص نفس القصة من جديد
* حتي لو مثبوته في ملفها انا اخاف امشي بعربيه 3 اجزاء حوض وشاسيه وشنطة ملهمش علاقه ببعض !
الفكرة دلوقتي ابيعها واخلص منها لتاجر تاني بالخسارة وهو يتصرف فيها ولا اروح الفحص وانا ونصيبي ولا اروح ابلغ المباحث والنيابة عن التاجر واسلم العربيه وعوضي علي الله في فلوسي !! دة هو السؤال
يا عم الله لا يسيئك روح افحص العربيه ورخص واخلص وبطل وسوسه... انت ساحل نفسل بقالك اكتر من شهر في مواويل لا هتقدم ولا هتأخر ومعكنن علي نفسك علي الفاضي.. وجايب لنفسك وجع القلب...
حبس ايه اللي خايف منه؟ انت واحد اشتري عربيه وبينقل ملكيتها لو ورق العربيه فيه تلاعب هيتحاسب عليه اللي باع لك العربيه وانت بالنسبالهم هتتعامل معاملة ضحية نصب واعتقد ان العربيه سليمه والا ما كنش التاجر اتكلم مع الظابط بتاعك بقلب جامد...
روح افحص وما تقلش لمهندس الفحص حاجه عن شكك في العربيه لاني عندي شك يصل لليقين انك قلت لمهندس الفحص بتاع المرور اللي تبعك انك شاكك في العربيه وعلشان كده قالك تعالي بكره علشان يفحصها كويس مع زمايله ولما جبتله واسطه علشان يفحص في نفس اليوم عند وبعتك علي الدراسه .. يعني انت اللي بتبهدل نفسك بالشكل ده...
العربيه لو اتحجزت منه هياخد فلوسه من البايع ولو بعد سنين لكن هياخدهم انما لو حاول يبيعها لحد والمشتري اكتشف ان العربيه مش سليمه ساعتها ممكن يبقي متهم لانه البايع...
اللي هو بيعمله ده ممكن يخلي ناس في المرور تشتغله وتصورله ان العربيه مش سليمه علشان تبتذه وتاخد منه فلوس ...
اسلم حل انه يروح يفحص عادي جدا وما يبينش اي خوف او قلق والعربيه هتتفحص وبنسبه كبيره ان شاء الله هتطلع الاوراق سليمه وهيرخص في نفس اليوم ويبدأ يظبط الشغل الموجود بالعربيه ويستخدمها او يرخص سنه ويبيعها ويتقبل الخساره اللي هيخسرها ايا كانت
الفحص بياخد ساعتين وهايخليك تفك فرش العربيه الداخلي خاصه الكراي الاماميه فلازم تروح المرور فاكك الكرسي اللي جنبك
وفيه اتنين مهندسين بيفحصوها
واهم حاجة بيشوفو العربيه نصين ولا لاء
لو العربيه نصين بتتحجز هناك ومش هاتخرج بيها تاني
ما هي المشكلة بقى في الحته بتاعة إنه ياخد فلوسه من البائع بعد سنين ..وعاوز أقولك على حاجه ..مش هياخد من البائع لا أبيض ولا إسود ..لإن البائع بمنتهى السهولة ممكن يقول مش أنا اللي عملت في العربية كده ..هي لبست منه وهو اللي غير وقطع ورقع ..أنا مش بخوفه لكن أنا بقولك إن مخاوفه برضه في محلها
فكرة عمل تيم من الشباب لمساعدة من يريد شراء سيارة مستعملة اصبح اكثر الحاحا مع زيادة النصب و التدليس اكيد لو فيه فردين مثلا مدربين جيدا على الكشف على العربية و مراجعه الاوراق بالمرور (نظير مقابل مادى معقول) هيمنع وقوع مشاكل كثيرة اصبح من المعتاد قراءتها على صفحات المنتدى و ما خفى كان اعظم استاذ منير اعتقد لازم تخوض هذه التجربة و لو فشلت يبقى على الاقل حاولت تساعد المساكين اللى بيقعوا فى شباك التجار معدومى الضمير و الشرف مع خالص تحياتى
وانا والله مستعد ادفع مبلغ مالي كأني هشتري مساعده لزملاءنا علشان مايتنصبش ع حد