شاكك في العربيه اللي اشتريتها

**Polar Star** · 02-07-2015 11:39 PM

المشاركة الأصلية كتبت بواسطة abo_mazen

هو يعني مفيش سمكري قدر يجزم لك إن العربية دي مغيره ولا سليمة ..؟؟؟...

وبعدين لما رحت المرور فتحت الملف لقيت إيه ؟؟؟؟

ما هو بقيت البيانات دي مهمة برضه عشان نقدر ناخد قرار معاك

وريتها لميكانيكي قال لي مغيرة حوض وشنطة وعفشتها زي الزفت
ورقم الشاسيه اللي فيها بتاعها
بس الحوض مش بتاعها
ورفعتها في بنزينه ونزلت تحتها وسمكري البنزينه قال لي ده حوضها الاصلي ! بس مغيرة شنطة وانا شفت لحام الشنطه بعيني
والسمكري أكدلي ان رقم الشاسيه |أصلي ومش مطموش ومدقوق ولا اي حاجه

لما رحت المرور وشفت االملف كان في ايد الموظف انا مفتحتهوش ولا بصيت فيه بس اللي لاحظته ان الملف تخين ومليان ورق كتير والسواق اللي معايا منه لله اللي كان معايا في شراء العربيه دي قال لي ده معناه ان العربيه دي اتباعت كتير لناس كتير
مش عارف لو روحت المرور تاني وطلبت ابص في الملف ده هيبقا متاح ولا مش مسموح
مجبتش شهادة بيانات لان الرخصه ساريه لغايه شهر 5 - 2016 والفحص 2017
مش عارف ممكن اطلب شهادة بيانات للعربيه ورخصتها ساريه ولالا
وشهادة البيانات ممكن تفيدني في ايه؟ ارجو الافادة لاني معرفش

**Polar Star** · 02-07-2015 11:45 PM

المشاركة الأصلية كتبت بواسطة hany121

يا عم الله لا يسيئك روح افحص العربيه ورخص واخلص وبطل وسوسه... انت ساحل نفسل بقالك اكتر من شهر في مواويل لا هتقدم ولا هتأخر ومعكنن علي نفسك علي الفاضي.. وجايب لنفسك وجع القلب...

حبس ايه اللي خايف منه؟ انت واحد اشتري عربيه وبينقل ملكيتها لو ورق العربيه فيه تلاعب هيتحاسب عليه اللي باع لك العربيه وانت بالنسبالهم هتتعامل معاملة ضحية نصب واعتقد ان العربيه سليمه والا ما كنش التاجر اتكلم مع الظابط بتاعك بقلب جامد...

روح افحص وما تقلش لمهندس الفحص حاجه عن شكك في العربيه لاني عندي شك يصل لليقين انك قلت لمهندس الفحص بتاع المرور اللي تبعك انك شاكك في العربيه وعلشان كده قالك تعالي بكره علشان يفحصها كويس مع زمايله ولما جبتله واسطه علشان يفحص في نفس اليوم عند وبعتك علي الدراسه .. يعني انت اللي بتبهدل نفسك بالشكل ده...

انا مقلتش اي شيء للمهندس وكنت طبيعي جدا وكنت مبسوط كمان ان الاستعلام الامني قال مش مسروقة لان دي اكتر حاجه كانت قلقاني ساعتها
لكن اول ما المهندس شاف الرخصة ولاقاها اسماعيليه ابتدي يلف حواليها بطريقه غريبه ويبصلخا كأنها مخبيه شحنه مخدرات جواها مثلا !!
فعلا الواسطة خلته يعند خاصه انهم فعلا مهسهسين اليومين دول عشات الارهاب والحاجات دي
فلما سمع الرتبه والاسم قال لي يبقا نمشيها ميري انت لو صبرت كنت هفحصهالك هنا واجنبك مشوار الدراسة

**Polar Star** · 02-07-2015 11:49 PM

المشاركة الأصلية كتبت بواسطة karim_monir

الفحص بياخد ساعتين وهايخليك تفك فرش العربيه الداخلي خاصه الكراي الاماميه فلازم تروح المرور فاكك الكرسي اللي جنبك
وفيه اتنين مهندسين بيفحصوها
واهم حاجة بيشوفو العربيه نصين ولا لاء
لو العربيه نصين بتتحجز هناك ومش هاتخرج بيها تاني

طيب ساعتها لو كان كده فعلا يبقا انا موقفي ايه؟ هبقا ضحيه نصب ولا هيتهموني انا كمان؟
انا مش عارف اصلا مغيرة حوض يعني نصين ولالا؟
ولو مغيرة حوض المفروض اللحامات تبقا فين؟
اعذروني يا جماعه انا مكنتش اعرف اصلا اي شيء عن العربيات الا من خلال المنتدي من كم شهر
قبل كده مكنتش اعرف غير دروس السواقه اللي اخدتها في مكتب
وللنهاردة مطلعتش رخصه سواقه وكل ما اروح بالعربيه مشوار لازم اشوف حد يسوقهالي عشان كده حركتي بطيئه في الموضوع
علي فكرة لوقتي الموضوع اصعب لان بطاريتها نايمة - الله يحرقه التاجر حاطط فيها بطاريه 55 امبير- والكاوتش كل يومين ينام واانفخه تاني
طبعا وضع لا يطاق وكل ما ابص عليها من البلكونه اتخنق منها ومن اللي حصل لي فيها- وعلي فكرة برضك اجراءات نقل الملكية كلها مشيت زي الحلاوة وزي الفل وفي نفس اليوم اخدت بصمة وروحت الاسماعيليه طابقتها وجبت الاستعلام الامني وكله كان تمام لاخر لحظة اللي هي الفحص تاني يوم وكان المفروض بعد الفحص ده اروح عالشباك واخلص الورق واستلم الرخصة في نفس اليوم لكن الفحص عصلج الدنيا

**Polar Star** · 03-07-2015 12:09 AM

خلاصة اللي انا متأكد منه 100% عن حاله العربية:
الشاسيه من اول الاكصدام الامامي للشنطة حته واحدة..والعربيه مغيرة شنطة (موديل 84)
رقم الشاسيه اللي فيها أصلي بتاعها
احتمال 90% مغيرة حوض (وده انا معرفش تفاصيله ومعناه ولحاماته تبقا فين)
موتورها متسقط استيراد ومثبوت عالرخصة

**hugan** · 03-07-2015 12:11 AM

والله ياخي الكريم
انا مقدر موقفك تماما وعازرك
بس سامحني انت قلوق زياده عن اللازم
امشي في اجراءت الفحص والنقل عادي
اللي تخاف منه لو العربيه ملحومه نصفين هنا المشكله
لكن تغيير الحوض والشنطه مفيش منه مشاكل
ﻻءن اﻻرباع اﻻمامي والخلفي بتتباع عادي بافراجات جمركيه زي المواتير اﻻستيراد
مهند سين الفحص اجارك الله كلهم مرتشين وﻻزم اﻻكراميه وقت الفحص
انقل وظبط العربيه علي قدك واتعلم عليه وبيعها بعد سنه وﻻ حاجه
الموضوع مش مستاهل كل القلق والخوف ده
العربيات ال27كلها رقم الشاسيه بيندق في القايم ﻻءن الرقم اﻻصلي البارومه بتاكله
وبتترخص عادي
توكل علي الله وانجز وخلص ﻻئنك كده هاتتعب
وتتوتر وتنكد علي نفسك واللي في البيت
والمشكله بسيطه وكلها دروس بنتعلمها في الحياه

**lada2010** · 03-07-2015 12:29 AM

بص ياباشا علشان تريح نفسك من القصة دى هى ماركة العربية اية تانى شى انت شارى بتوكيل ولا عقد مسجل وانا اقول لك تعمل اية

**hugan** · 03-07-2015 01:47 AM

المشاركة الأصلية كتبت بواسطة polar star

الله يكرمك يا استاذ هوجان
ربنا العالم الموضوع ده بقاله شهر عامل زي الغيمة السوداء علي راسي وحياتي وحياه اسرتي
سيبك من الفلوس في داهيه كأنها اتسرقت مني في السوق او كأني خسرتها في البورصه
الموقف نفسه والنصبه اللي حصلت عليا والناس اللي وثقت فيهم خذلوني ..هو ده اللي بيتعب النفسية
لان الانسان عدو ما يجهل....انا كمبتديء معرفش حاجه وبعد اللي حصل معايا...بقيت بشك في كل حاجه
وده أمر طبيعي
انا عندي واسطه لمهندسين الفحص بس اتعقدت من الوسايط لقيتها بتعقد مش بتحل
انا عن نفسي وصل بيا القلق لدرجة لو حتي العربيه طلعت نصين وهيحجزوها مش مشكله بس انا محدش يتهمني بشيء ظلم لان انا ضحية نصب مش جاني
انا مش مستعد ابيعها لحد واخدعه فيها زي ما حصل معايا ولا مستعد ابيعها لواحد يروح ينقل ملكيتها يحصل معاه مشكله يتهمني انا كبائع
ولا مستعد امشي بيها بحالتها دي ..مش عارف حتي اصرف عليها بطاريه ولا خسارة فيها لو هتتاخد مني!
ممكن تديني رأيك في النقطه دي؟
اشكرك شكرا جزيلا علي تعاطفك وردرودك انت وكل الاخوة المحترمين في المنتدي اللي بينوروني بردودهم
والله العظيم زي ما بدعي علي اللي نصب عليا في العربيه كل يوم لازم ادعيلكم كلكم ياللي بتساعدوني وتخففوا عني

نقل الملكيه ليك او لغيرك مفيش منه قلق
والتاجر مش اهبل وﻻ عبيط علشان يودي نفسه في داهيه
العربيه مفيش منها مشكله في الفحص
كل الحكايه المهندس عايز فلوس
انقل وافحص واصرف واحده واحده اللي يمشيك بيها
وبعد كده بيع وربنا يكرمك بحاجه انضف

-

الموضوع: شاكك في العربيه اللي اشتريتها

LinkBack

أدوات الموضوع

عرض

-

-

-

المواضيع المتشابهه

ضمان العربيه لو اشتريتها من بره

أعمل ايه علشان اتأكد أن الكاميرا اللي اشتريتها سليمة ؟

اول مره اشوف المستوي الاحترافي ده ...... لون العربيه رجع زي اول يوم اشتريتها فيه ..

اسعار الحاجات اللي اشتريتها ل 128 من ساعة ما اشتريتها

اسعار قطع اشتريتها يوم 31 /5/2012 والاماكن اللي جبت منها

الكلمات الدلالية لهذا الموضوع

المفضلات

المفضلات

ضوابط المشاركة