السلام عليكم
هوه حضرتك تبع مرور ايه ..... عندك استعداد تخلص القصه دي بالفلوس (ممكن يكون مبلغ محترم 1000 او 2000 )
انا بسألك علشان انا اعرف معرض عربيات بيجيب بتوع الفحص يفحصوا العربيات عنده في المعرض (بتبقي عربيات مكسحه و فيها العبر ) و بيعملو البصمة و يمضي و يختم علي الفحص و كل شئ و العربية ما ببتحركش اصلا من المعرض
ممكن ده يكون فيه حل لمشكله الترخيص ،،، بس لا اعتقد انه هيحل مشكلة الوساوس بتاعتك الباقيه خاصة من حيث الامان علي الطريق و الاطمئنان للسيارة بصفة عامة .
و كمان مش هيحل مشكله انك لو عزت تبيعها لحد بعد كده ،، طبعا مفيش حد هيشتري عربية 3 حتت و لو ده حصل ممكن جدا يقولك 15000 و لا 17000 بالكثير لانه عارف انها فيها عيب جسيم و لازم يقابله وفر كبير جدا بالنسبه ليه ،، يعني كده يقول هركبها سنة و لا اثنين علي قد اللي ادفع فيها وابقي ارميها بعد كده بعقد بيع خردة من الاخر
اللي ممكن اقولهولك ربنا يعوض عليك حاول تعرضها علي التاجر تاني اكنك هتبيعاله و اخلص من ابوها احسن حتي لو اخدها منك بـ 25000 جنيه انت الكسبان
خلي بالك مرسيدس 78 شقيانه و كاوتش و عفشة و لاقدر الله بعد كده ماكينه هتكرهك عشتك و هتصرف معاك اكتر من بيتك نفسه و هتلاقيها واقفه عليك لحد ما تتظبط بخمسين او بستين الف و هيه ما تسواش بحالتها دي غير 20 الف مثلا ..... ابعد عن الشر و غنيله و اديك اتعلمت بما فيه الكفايه
و نصيحه من اخ .... فيه عربيات ما تتركبش الا لما تكون سليمه لان شدها مكلف و قطع غيارها غاليه و مصنعيات اللي بيشتغلوا فيها بتوجع زي المرسيدس و البي ام و الهوندا و السوبارو و الالفا روميو و اللاند روفر و الحاجات دي ،، لو ماكنتش نمرة واحد و بيتي انساها احسن
المفضلات