شاكك في العربيه اللي اشتريتها

**Polar Star** · 26-06-2015 10:53 PM

رجاله المنتدي
السلام عليكم
انا اشتريت عربيه من 3 اسابيع ومن ساعتها وانا فيي مشاكل
اولا عرفت اني اتنصب عليا في ثمنها وانها متسواش الا 30 الف وانا دافع فيها 40 الف
تاني حاجه انا كشفت عليها في المرور الاصلي بتاعها وشفت ملفها بعيني وعملت اجراءات نقل ملكيه وطابقت بصمة موتور وشاسيه وكله تمام واستعلام امني واستعلام مباحث مرور وكله تمام والسيارة غير مبلغ بسرقتها وكل زي الفل
بس مهندس المرور عصلج في نقل الملكية بحجة انه لازم يفحص معرفش ليه مع انه نقل ملكيه بس مش تجديد رخصة
المهندس قال تروح لجنة فحص في الدراسة
ومرضيش يقول ايه السبب بالضبط
انا شكيت في العربيه
ولقيت حاجة مثيرة للقلق حوالين رقم الشاسيه بس مش متأكد اذا كان ده لحام ولا بارومة
دلوقتي عاوز اتأكد من وضع العربيه دي
فيه مكان عنده جهاز كشف اللحام ممكن اروحه اتأكد؟
ولو طلع شكي في محله؟ اعمل ايه؟
اروح ابلغ عن التاجر واسلمهم العربيه وتروح فلوسي والعربية؟
ولا ابيعها خردة وعوضي علي الله؟
ولا اعمل اييييييييه؟
ارجو المساعدة

**hugan** · 26-06-2015 11:38 PM

ربنا معاك
ﻻزم تكمل للنهايه علشان لو في مشكله تبلغ في البائع فوري

**M.Gomaa** · 27-06-2015 01:42 AM

من إجراءات نقل الملكية, فحص السيارة من جديد حتى لو كانت لسه مفحوصة مع المالك القديم, ده شىء طبيعى أنا لسه عامل كده مع إنى رخصة العربية كان تاريخ الفحص 2016 بس علشان أنا عايز إنقل ملكيتها إتفحصت مع نقل الملكية و أخدت تاريخ فحص جديد على الرخصة الجديدة. توكل على الله و سيب الأمور تمشى و إن شاء الله مما يكنش فى مشكلة و تعدى على خير, وربنا ييباركلك فى عربيتك و يكفيك شرها.

**ali ashraf** · 27-06-2015 04:37 AM

يا جماعة النصب زاد جدا فى بيع و شراء السيارات و مش كل الناس عندها الخبرة الكافية و كلنا لاحظنا فى الفترة الاخيرة الزيادة المطردة فى النصب على الناس فى المستعمل و ساعات كمان فى الجديد و طلبت اكثر من مرة تشكيل فريق من الشباب ذوى الخبرة فى فحص العربيات ميكانيكا و ايضا سلامة اوراق المرور و تسعير ثمن السيارة بعدل الله مقابل جزاء مادى معقول يحمينا من الغش و النصب و طلبى رفض اكثر من مرة رغم ازدياد شكاوى و خسائر الاخوة الاعضاء و الحقيقة مش هنقدر نعرف الموضوع ده ممكن يتعمل او لأ الا بالتجربة .....أحضرنا يا استاذ هوجان رأيك ايه فى الموضوع ده؟

**Abo_Mazen** · 27-06-2015 09:51 AM

أنا مش عارف ليه صاحب المشاركة إعتبر إصرار المهندس على فحص العربية مشكلة ؟؟؟؟!!!!!!....

ياباشا أي نقل ملكية لازم تفحص ..حتى لو المالك كان فاحص من 24 ساعة ولسه مجدد ...فحص العربية لازم ما دام فيه نقل ملكية ..أنا كنت شاري عربيتي وكان صاحبها فاحص من 20 يوم بس ..ولما رحت أنقل ملكية فحصت ..مع إن كان لسه باقي تلات سنين على الفحص ..بس ما دمت هتنقل ملكية يبقى لازم تفحص ..أنا أصلا مش شايف مشكلة في الموضوع ..العربية لو فيها إنا مكانش مهندس الفحص سابها تطلع أصلا من المرور ..

**aymanshebl** · 27-06-2015 12:20 PM

المشاركة الأصلية كتبت بواسطة abo_mazen

أنا مش عارف ليه صاحب المشاركة إعتبر إصرار المهندس على فحص العربية مشكلة ؟؟؟؟!!!!!!....

ياباشا أي نقل ملكية لازم تفحص ..حتى لو المالك كان فاحص من 24 ساعة ولسه مجدد ...فحص العربية لازم ما دام فيه نقل ملكية ..أنا كنت شاري عربيتي وكان صاحبها فاحص من 20 يوم بس ..ولما رحت أنقل ملكية فحصت ..مع إن كان لسه باقي تلات سنين على الفحص ..بس ما دمت هتنقل ملكية يبقى لازم تفحص ..أنا أصلا مش شايف مشكلة في الموضوع ..العربية لو فيها إنا مكانش مهندس الفحص سابها تطلع أصلا من المرور ..

عذرا لو العربية فيها انا هتعدى دا انا بشوف عربيات لا تصلح للسير و تاكسيات و ميكروباصات بتعدىىىى عادى جدا فى الفحص انت فى مصر

**Abo_Mazen** · 27-06-2015 02:20 PM

المشاركة الأصلية كتبت بواسطة aymanshebl

عذرا لو العربية فيها انا هتعدى دا انا بشوف عربيات لا تصلح للسير و تاكسيات و ميكروباصات بتعدىىىى عادى جدا فى الفحص انت فى مصر

لأ حضرتك ..أنا ..الإنا.. اللي أنا أقصدها اللي هي الإنا الوحشه ..اللي هي مغيره نص ..مسروقه وملفها مرفوع من المرور عشان متبلغ عنها ..مسقطة مكنه مش مثبوته أو مدقوق ليها رقم بلدي ..

هي دي الإنا اللي أنا أقصدها

**Ahmedo0o** · 27-06-2015 02:39 PM

فى الحالات اللى زى دى التاجر لو عاوز يخلى مسؤليته ممكن ياخدها منك بأقل ما إشترينها منه
ودا حل وسط وربنا يهدى الظالم

**Polar Star** · 27-06-2015 10:35 PM

المشاركة الأصلية كتبت بواسطة abo_mazen

أنا مش عارف ليه صاحب المشاركة إعتبر إصرار المهندس على فحص العربية مشكلة ؟؟؟؟!!!!!!....

ياباشا أي نقل ملكية لازم تفحص ..حتى لو المالك كان فاحص من 24 ساعة ولسه مجدد ...فحص العربية لازم ما دام فيه نقل ملكية ..أنا كنت شاري عربيتي وكان صاحبها فاحص من 20 يوم بس ..ولما رحت أنقل ملكية فحصت ..مع إن كان لسه باقي تلات سنين على الفحص ..بس ما دمت هتنقل ملكية يبقى لازم تفحص ..أنا أصلا مش شايف مشكلة في الموضوع ..العربية لو فيها إنا مكانش مهندس الفحص سابها تطلع أصلا من المرور ..

انا معنديش مشكله انه يفحص براحته
بالعكس الفحص ده لمصلحتي عشان اطمن علي فلوسي وعربيتي اللي اشتريتها
بس اللي قلقني اصراره انها تروح الدراسة لجنه فحص وكبير مهندسين وشغلانه
فيه ناس بتروح لجنة فحص ويتوافق لها علي تجديد الرخصه او نقل الملكيه في نص ساعه ويرجع عالمرور في نفس اليوم يرخص عادي
وفيه بقا لا قدر الله لو العربيه فيها حاجه ممكن العربيه تتحجز والشخص نفسه كمان يتحجز لغايه ما تبان حقيقه العربيةة الاول بدل ما اتبهدل

اللي انا بقول شاكك فيه من يومين بس حاجه مكنتش اعرفها وثرأتها عالمنتدي حكايه ان رقم الشاسيه ممكن يكون مقصوص وملحوم من عربيه في عربيه تانيه..الورق سليم اه بس العربيه مش هي العربيه
وهنا المشكله الكبيرة...قضيه وكلبشات وجناية
عشان كدة لازم اشك واقلق وافحص برة الاول بدل ما اتبهدل
ولو طلع فيها حاجه انا هقدم بلاغ في نفس اليوم مش هستني لما اروح المرور ويقولولي تعال هنا اقفش العربيه دي هي وصااحبها
ولا ايه يا أهل الخبرة؟ حد يريحني يا جماعة لو عندكم معلومات أكتر عن الموضوع دة لو سمحتم