عرض للطباعة
السلام عليكم و رحمة الله و بركاته,
انا محتاجة مشورتكم جدا,
انا لسه متعلمة السواقه جديد. و حيرانه جدا جدا, و بعد تفكير طويل, قررت اني اجيب عربية فيات اتعلم فيها السواقه, لمدة سنة و لا اتنين و بعدين اجيب حاجة حديثة.
هل رايكم لازالت 128 صالحة للغرض ده, و لو لا ايه العربية اللي تصلح لكدا
ليه فيات تحديدا؟
فيات كل الجيل بتاعي اتعلم عليه السواقة بس مكنش في اختيارات كتير في الثمانينيات.
الوقتي الاختيارات كتير.
فيات 128 ومتيلاتها حتقابلك فيها مشاكل ميكانيكية وكهربائية مستمرة. ومهما كانت حالة السيارة حتحتاج صيانة باستمرار.. هيا كدا. وانتي حتتعقدي من السواقة من كثرة الاعطال.
سواق 128 لازم يبقي ودنه مع اصوات العربية واي صوت يحلله ويعرف السبب ويحدد ممكن يمشي بيه ولا لازم يقف ويصين العربية الان.
عموما الميزانية كام الي معتمداها ؟
يا رب حد يرد عليا
منتظرة ردودكم
لا اله الا الله
الله اكبر
لا مش لازم فيات, انا كنت دايما اسمع ان اللي عايز يجرب يجرب علي فيات 128 لحد ميحترف \السواقه و بعدين يجيب حاجة جديدي,اقتباس:
المشاركة الأصلية كتبت بواسطة eng_amg
بالنسبه للميزانيه, انا كنت محددة 60000, بعدين ناس نصحوني احيب حاجة ب30000, لمدة سنة مثلا و اشوف اخباري ايه مع السواقه, و بعدين ازود و اجيب حاجة احدث.
اولا حضرتك رايك انهي تفكير احسن؟
ثانيا ايه العربيه اللي تنصحني بيها؟
لا هاتي عربيه فيها تكييف وباور
ال ١٢٨ هاتعلمك القعده عند الميكانيكيه
صوني نفسك وهاتي فيرنا او لانوس او عربيه جديده وقطع غيارهم مش غاليه
طيب كلام حضرتك ينطبق كمان علي 128 موديلات 2000؟اقتباس:
المشاركة الأصلية كتبت بواسطة karim_monir
و ايه راي حضرتك في ابيزا 94, 98؟
التو؟
ماروتي؟
أعنقد الرأي إلي قال فيرنا أو لانوس بيتكلم صح.
اللانوس في رأيي أفضل لأن 60000 يجيبو لانوس بحالة ممتازة وموديل قريب ممكن 2012 مثلا.
عمليا اللانوس هي النسخة المعدلة لل 128 ولكن الأحدث . بها تكييف وزجاج كهرباء وباور وشكلها أفضل طبعا وممكن لو أتزنقتي تسافري بيها. عموما أفضل 100 مرة من الثلاجة الأيديال موديل 1970 أو 1980 مثلا ((مع إحترامي طبعا )) لكن أنا بحب أسميها كدا.
اللانوس مش مريحة جدا في الصالون لو حتسوقي ساعتين أو أكثر. يعني فعلا ظهري وجعني لما سافرت بيها إسكندرية.
لكن بصفة عامة حتغنيكي عن العطلة في الطريق وبهدلة الميكانيكي والكهربائي والعفشجي لو عملتي الصيانة الدورية كل 10000 كم.
وأيضا قطع غيارها أصبحت فعليا أرخص من 128
الإيبيزا ممتازة لكن صعب جدا تلاقي عربية بحالتها لأن كل الشباب بيسقطوا مواتير وعفشة جولف وبيلعبوا في العربية.اقتباس:
المشاركة الأصلية كتبت بواسطة مامت دودو
الألتو والماروتي كويسين بس الألتو أفضل من حيث التكييف والأوبشنز أعلى حاجة بسيطة لكن طبعا مش بكفائة اللانوس.
طيب لو انا مخيرة بيناقتباس:
المشاركة الأصلية كتبت بواسطة eng_amg
-التو 2015 هاف باور داخل الضمان
-التو 2015 فول باور خارج الضمان
-لانوس مستعمل
حضرتك تنصحني بايه, و حضرتك ترشح لانوس موديل سنة كم؟
هو بصراحة انا مستحيل اسافر بيها, لكن كل مشاويري داخل القاهرة في الزحمة, طيب انا هتفرج دلوقتي علي اعلانات للانوس, لو عجبتني حاجة و حبيت اكشف عليها, اروح لمين؟ انا كنت بفكر اروح مراكز خدمة معتمدة رغم غلو سعرها, راي حضرتك ايه؟اقتباس:
المشاركة الأصلية كتبت بواسطة eng_amg
والله الألتو أنا معرفش عنها حاجة ومجربتش سواقتها قبل كده فلا أفتي فيها.. حاولي تتصفحي جروب سوزوكي وتشوفي رأي ملاكها.
بالنسبة للسفر. مش معقولة طالما أنه مستبعد يبقى يتلغي من الإحتمالات. خصوصا إن لو عملتي مشوار مثلا من مصر الجديدة لأكتوبر فدا يعتبر سفر خصوصا في الزحمة دي :)
بالنسبة للكشف علي العربية طبعا مركز معتمد حيكلفك كتير بس طبعا أضمن كتير. بس الموضوع مش محتاج. ممكن أي بنزينة سمعتها جيدة تفي بالغرض.
من أشهر البنزينات دي بنزينة في الهرم بجانب خزان الهرم في منتصف الشارع تقريبا.
أنا شحصيا كشفت علي عربية فيها طلع حاجات مطلعهاش سمكري شاطر جدا. وكانت مغيرة قوائم بشكل إحترافي محدش عرفها غيرهم.
تمام متشكره اوياقتباس:
المشاركة الأصلية كتبت بواسطة eng_amg
هو فيه التو باور أصلا ؟؟؟!!!!اقتباس:
المشاركة الأصلية كتبت بواسطة مامت دودو
معلش اللي قال لحضرتك إن فيه التو باور مش صادق في كلامه
ده معرض اوتو سمير الريان قالولي فيه التو خليجي فول باور خارج الضماناقتباس:
المشاركة الأصلية كتبت بواسطة abo_mazen
يعنى ايه فول باور او هاف باور
انا عندى التو خليجى بس مش فاهم الفرق
و كمان الخليجى هتبقى 1000 سي سي 16 صمام زجاج امامى كهربا خلفى يدوى تكييف و مسجل--اعتقد الموديل الجديد من غير مؤشر ار بى ام عداد بنزين ديجيتال بعكس عربيتى 2009
انا ارشح ليكى التو
بس مستعمله عشان تبقى رخيصه
و بوجه عام الالتو مستعمله (استعمال محترم) مش هتطلب صيانه كتير و هتقضى معاكى فى نص البلد خصوصا فى الزحمة
أولا مفش حاجه إسمها هاف باور برضه ..دي كلمة بيقولوها عشان يحسسوا الزبون إن العربية قال يعني فيها نص أوبشن ..العربية إما فيها باور أو بدون باور ..مفيش نص نص دي ..يا أبيض يا إسوداقتباس:
المشاركة الأصلية كتبت بواسطة مامت دودو
هي الألتو الخليجي فعلا بتبقى 1100 سي سي أربعة سلندر 16 صباب ..وبيبقى فيها باور وتكييف ...بس المشكلة إن أحمد مرعي هنا ما يعرفش حاجه عن الألتو 1100 دي ..لإنه مجبهاش مصر أصلا ..هو جابلنا الألتو ال 800 سي سي الفاضية اللي هي بتكييف بس ..وبالتالي لو في أي ملاحظات فيها مين هيصلحها ؟؟..يعني مثلا لو فيه مشكلة في طرمبة الباور أو في مشكلة في الباور ..مين هيمد إيده فيها ؟؟..التوكيل ..؟...العربية مفيهاش ضمان والوكيل أصلا مجبهاش مصر ..وبالتالي قطع غيارها أصلا مش هتلاقيها في التوكيل والتوكيل مش هيبقى ملزم إنه يوفرها ..يبقى هتضطري بقى تشوف لو الباور بتاع الألتو الأقدم منها يشتغل مع دي يبقى ماشي ...طيب لو عايزه تغيري على سبيل المثال أقرب حاجه ..طقم بوجيهات ..هتلاقيهم عند مين؟؟ ..يبقى هتضطري تشوفي الكتالوج بيقول إيه وتنزلي السوق تشتري ..ما هو التوكيل ما بيوفرش قطع غيارها لإنها مجاتش مصر أصلا ..طيب لو عايزه تغيري فلتر هوا ..هتجبيه منين ؟؟؟..أهو ده لا هتلاقيه توكيل ولا هتلاقيه سوق سودا ...
بلاش العربية دي من غير ضمان ...هاتيها بضمان أحسن
حيث كده الوضع فى مصر اضيف ان مش لازم قطع الشكل القديم تركب على الشكل الجديد زى ما حصل فى مشكلة الكبالن التى كتبت عنها فى قسم الألتواقتباس:
المشاركة الأصلية كتبت بواسطة Abo_Mazen
http://www.nilemotors.net/Nile/470267-2009.html
كمان حضرتك حتجيبي عربية تمشى بيها سنة خسارة تجبيها زيرو عشان تمشى بيها سنة
بوصى انا رايى سيبك من المستعمل دا خالص و بالذات انك لسه متعلمه السواقه جديد خليكى فى الزيرو احسن و كمان 60000 مبلغ كويس اوى قدامك كذا اختيار
1- سايبا برايد 1300 سى سى تكييف باور و ازاز كهربا و عاليه و قطع غيارها رخيصه.
2- سوزوكى التو الجدبده 800 سى سى بس فاضيه اخر حاجه بس تكيف.
3- لو بقا عندك الاوبشن انك تدفعى اقساط خفيفه بالمقدم دا اتكلى على الله اختارى فيرنا,لانوس,byd من ارخص قطع الغيار و موجوده فى كل مكان تقريبا.
العربيات دى متعديش بيها سنه ولا حاجه خليها عربيتك و لما تروحى التوكيل و الصيانه هتعرفى و تتعلمى لانك كل صيانه هيقولك الى اتعمل و انتى تسجلى او تعرفى كل الصيانات دايما
اوعى تجيبى ال 128 و 127 و الكلام الفاضى دا كل شهر لازم تعملى شغل فيها و كمان حتى ل مفيهاش مشاكل انتى مش عارفه هتغيرى الزيوت و السوائل امتا و الكلام دا غير التوكيل
متشكرة لرد حضرتك انا فعلا فكرت في السايبا بس قلقت لان قريت ان قطع غيارها مش متوافره, فعشان كدا بفكر دلوقتي في شنجان بينياقتباس:
المشاركة الأصلية كتبت بواسطة aymanef
سايبا برايد لاء ممكن السايبا طيبه فعلا ناقصه عند الوكيل بس برضو انا جايب عربيه من نفس الوكيل جلورى و كل الناس الى كانو هناك ساعه ما رحت بيشكرو فيها و الصراحه محدش اشتكالى منها بس برضو دا رايك قى الاول و الاخر
طيب انا مش لاقيه عنها معلومات و مش بيردوا بقالهم فتره علي صفحة الفيس, حضرتك عندك فكره اجيب معلومات عنها منين؟اقتباس:
المشاركة الأصلية كتبت بواسطة aymanef
سيبك من المعلومات على النت لان كل واحد بيفتى و بيتكلم من وجهه نظره السؤال لازم للى راكب العربيه و بيستعملها و الى بقولو بناء على سؤال الناس الملاك ذات نفسهم مع ان برضو ملاك السايبا طيبه و لا واحد اشتكى منها فى التوكيل و الكل 100% من الناس الى سالتهم كلهم ادو كلام كويس و قالو اعطالها العادى بتاع اى عربيه انما كشكوى محدش اشتكى الناس كلها مبسوطه و تمام
المشاكل الى بتشوفيها بتبقى غالبا فرديه و مشاكل ناس فرديه لان لما تكون فى 5 بيشتكو و الباقى عادى ( دول كلام اون لاين )
و الله عربيتى الجلورى لقيت ناس بتقول عليها كلام غرييييب و هما ذات نفيسهم مشتروهاش و لا ركبوها و سمعت كلام غريييييييب عن العربيه الى انا راكبها و مش انا فى ناس تانيه اعرفهم راكبينها و معندهمش اى حاجه من الهبل الى بيتقال
انتى فعلا محتاجه ناس راكبه العربيه تتسال و متساليش على النت لان 80% من الى بتكلم بيفتى و مركبش العربيه اصلا و بمكن مشافهاش
الخلاصه انا كنت فى التوكيل مرتين و سالت كل واحد داخل سواء طيبه او برايد و الله كلهك شكرو فى العربيه و محدش اشتكى