حد من اسكندريه يحكيلنا عن المهزله اللي حصلت

**Bassem Youssef** · 27-06-2015 02:00 AM

موضوع اطول مائده في العالم و مش عارف ايه

**unl0veable** · 27-06-2015 02:32 AM

ولا حاجة ياسيدى

اه دخلنا رسمى الموسوعه أخبارك.نت | الإعلان رسميًا عن دخول الإسكندرية موسوعة "جينيس" بأطول مائدة طعام في العالم

بس فى نفس الوقن الناس ضربت بعض اللي حاجزين واللي مش حاجزين

**مُصْطٓفٓى** · 27-06-2015 03:46 AM

الموسوعة ملهاش غير طول المائدة اللي هي الطربيزة
سواء عليها بشر ام لا
سواء كانت وقت الإفطار أم لا
زي بالظبط اطول سندوتش في موسوعة جينيس
سواء كان طعمه حلو او لا
سواء حد اكله او اترمي بعد كده

وممثلي الموسوعة راحوا قاسوا الطرابيزة وقت العصر
وبكده يبقى خلصت الليلة والهدف منها تم
وبعدها المنظمين للمائدة اخدوا بعضهم ومشيوا

شوية والمغرب اذن والناس ملقتش افطار
الناس اللي دفعوا الاشتراك واللي مدفعش
اصلها مائدة رحمن واي حد يتفضل
وحصل خناقات على الكراسي اصلها بالعدد والحجز
وشوية والاكل جه في ظل غياب المنظمين
الاكل بدأ يتحدف من العربيات وده طبعا بعد المغرب بحوالي عشر دقائق
وحصل خناقة وتكسير كراسي وطابيزات
بتوع الفراشة لموا الكراسي والطرابيزات بالعافية
الاكياس والكراتين والاطباق بهدلوا الكورنيش بطول المائدة

بس المهم دخلت الموسوعة واخدت لقب اطول طرابيزة فاضية

**mmolazem** · 27-06-2015 03:55 AM

مع الإخلاص و صلاح النيه تكون حاجه مُشرفه . .
لكن الشو و المنظره و المُكايده جعلها مُقرفه !!

**Trondo** · 27-06-2015 04:19 AM

استاذ مصطفي هوا حضرتك من اسكندرية ؟!!! مين قال لحضرتك انها فيه ناس دفعت اشتراكات ؟!

**SoFiMaN** · 27-06-2015 04:43 AM

اشتراك ايه حضرتك؟؟!!
كلها بدون فلوس وناس كتير محترمة راحت بأكلها اساسا لمجرد المشاركة.

الموضوع هو غياب الامن لان للاسف الشعب المصري يعشق الهمجية وميعرفش يبقى محترم غير لما يلاقي حواليه ظباط

**أبو آسر** · 27-06-2015 04:48 AM

شيء غير مستغرب من شعب همجي وفوضوي بطبيعته

**DreAmO** · 27-06-2015 05:43 AM

روحت النهارده انا واصدقائي اسكندريه
واتفرجنا عليها قبل المغرب بدقائق .. وعرفنا ان مستحيل هنفطر عليها لأسباب كتيره

وروحنا فطرنا في مطعم عادي

كان في امن شرطه وجيش وشرطة عسكريه واسعاف وتلفزيون وكل حاجه .

لكن مكنش في تنظيم نهائي .. والناس كانت بتتخانق على الميه اللي بتتوزع من العربيات

ما بالك لو اكل .

ومعرفتش ايه اللي حصل . الا لما رجعنا بعد العشا ولقينا المولد انفض والكراسي بتتلم والترابيزات
وعرفت بعد كده ان الناس كسرت الترابيزات

وااه كان بالحجز وفي امين شرطة سألناه قال بفلوس .

كان يوم فاشل وضايع بالنسبالنا .