عمود التاكيهات ليه علاقه بضغط الزيت ؟ فيات 128

اشتريت موتور استيراد وكان زى الفل باستثناء صوت رنه بسيطه من التاكيهات
اروحت ظبطت التاكيهات قالى انى محتاج اغير عمود التاكيهات جبتله عمود تاكيهات بتاع موتور 1100 سى سى قالى هيركب عادى لان الموتور الجديد 1300 سى سى .
بعد ما عمل القصه دى لقيت لمبه الزيت بتنور سلانسيه وبتطفى مع التزويد مع العلم ان قبل تغيير الوش وعمود التاكيهات مكنتش تنور ابدا مهما كان السلانسيه واطى . وتم تغيير الزيت والفلاتر وكل حاجه وعدا على الحكايه شهرين اهو ومازالت موجوده .
هل عمود التاكيهات ليه علاقه فعلا بضفط الزيت وهل يفرق عمود تاكيهات ال 1100 عن ال 1300 لانى اكدلى انه مفيش فرق .

وايه اللى اعمله علشان اللمبه ترجع مش تنور تانى وضفط الزيت يكون طبيعى .

معلش طولت عليكم بس ياريت المساعده من اصحاب العلم .
وكلم جزيل الشكر والتقدير :)

مبدأيا كده ..كان المفروض تجيب عمود تاكيهات بتاع مكنة 1300 مش بتاع مكنة 1100..

مش عارف ..كده هنقعد نقول طرمبة زيت ..طيب نوع الزيت ..وممكن تكون المشكلة أصلا في عمود التاكيهات ..طيب إسأل عند أي حد بتوع قطع غيار إستعمال ..قله هو فيه فرق بين عمود التاكيهات ال 1100 وال 1300..وياسلام بقى لو معرفه مثلا ولا حاجه ..اللي هو التاجر يعني اللي هتسأل عنده ..ياسلام بقى لو معرفه ..ويوريك الإتنين كده قدامك ويقولك الفرق أهو ..يبقى كده موضوع عمود التاكيهات ده إحتمال وخلصنا منه نهائي

طيب فك غطا التاكيهات وشوف فيه زيت واصل لغاية فوق ولا لأ

فيه زيت واصل وكله تمام هى المشكله فقط فى ان لمبه الزيت بتنور على السلانسيه تزود بنزين بتطفى عادى .

اقتباس:

---

المشاركة الأصلية كتبت بواسطة shdeed788

فيه زيت واصل وكله تمام هى المشكله فقط فى ان لمبه الزيت بتنور على السلانسيه تزود بنزين بتطفى عادى .

---

لو حساس الزيت عندك رخيص غيره

متابع وبكل اهتمام ...............

ممكن جلب العمود والتكيهات واسعه بتهدر الضغط

اقتباس:

---

المشاركة الأصلية كتبت بواسطة mecha

ممكن جلب العمود والتكيهات واسعه بتهدر الضغط

---

عمود إيه معلش اللي حضرتك تقصده ..ممكن توضيح أكتر

اقتباس:

---

المشاركة الأصلية كتبت بواسطة Abo_Mazen

عمود إيه معلش اللي حضرتك تقصده ..ممكن توضيح أكتر

---

أستاذ Mecha قصده إن عمود التاكيهات الجديد خلوصاته واسعة وبالتالي الزيت مبقاش محبوس والضغط وقع.

الموضوع عامل كده زي لما يبقى عندك خرطوم الجنينة لما بتدوس على بوزه من قدام بيجيب ميه لمسافات بعيدة علشان الضغط علي.. إنما لو سبته المية هتنزل تحت منه.

المشكلة في الضغط الواطي إن بقية الموتور مبقاش يتزيت كويس... لإن كل الزيت بيطلع من عند عمود التاكيهات.


...

اقتباس:

---

المشاركة الأصلية كتبت بواسطة borio1704

أستاذ mecha قصده إن عمود التاكيهات الجديد خلوصاته واسعة والتالي الزيت مبقاش محبوس والضغط وقع.

الموضوع عامل كده زيت لما يبقى عندك خرطوم الجنينة لما بتدوس على بوزه من قدام بيجيب ميه لمسافات بعيدة علشان الضغط علي.. إنما لو سبته المية هتنزل تحت منه.

المشكلة في الضغط الواطي إن بقية الموتور مبقاش يتزيت كويس... لإن كل الزيت بيطلع من عند عمود التاكيهات.


...

---

طيب ما على كده الوضع ده خطير ..لازم عمود التاكيهات ده يتغير وما يتمشاش بالعربيه كده

مازلت متابع ..............................

غالبا هتلاقى هو ده العيب فعلا
لكن هو غير العمود ليه اصلا ؟؟؟