تغيير نوع زيت المحرك

**عمرو كاشف** · 27-06-2015 12:18 PM

انا كنت شاري العربية من تلات شهور وكان الزيت المستخدم شيل 20w50 وكان 3000 كيلو وكان الراجل بيغيره كل 2500 وطبعا انا لما اخدت العربية غيرت كل الزيوت اللي في العربية ودلوقتي انا وصلت ل 2400 كيلو من ساعة ما غيرت الزيت( اللي هو شيل 20w50 مسافة 3000 كيلو ) كنت بسئل اذا كان فى اي اضرار على العربية لو غيرت لموبيل بنفس اللزوجة لان مش بلاقي بنزينة shell على الطريق خالص دلوقتي ... شكرا ليكم مقدما

**Abo_Mazen** · 27-06-2015 02:58 PM

المشاركة الأصلية كتبت بواسطة عمرو كاشف

انا كنت شاري العربية من تلات شهور وكان الزيت المستخدم شيل 20w50 وكان 3000 كيلو وكان الراجل بيغيره كل 2500 وطبعا انا لما اخدت العربية غيرت كل الزيوت اللي في العربية ودلوقتي انا وصلت ل 2400 كيلو من ساعة ما غيرت الزيت( اللي هو شيل 20w50 مسافة 3000 كيلو ) كنت بسئل اذا كان فى اي اضرار على العربية لو غيرت لموبيل بنفس اللزوجة لان مش بلاقي بنزينة shell على الطريق خالص دلوقتي ... شكرا ليكم مقدما

ومش هتلاقي بنزينات شيل تاني خلاص ..ككككككل بنزينات شيل إتباعت لتوتال ..زيوت شيل بتجيبها من أي موزع معتمد ..ده رقم خدمة عملاء شركة شيل لو عاوز تتصل بيهم هيقولوك على أقرب موزع معتمد ليك

0227557555

وعموما تغيير نوع الزيت ليه فلاش بيتحط ..لكن أنا ما بحبش أستخدمه..وبغير نوع الزيت عادي ما بيحصلش حاجه

**borio1704** · 27-06-2015 03:46 PM

المشاركة الأصلية كتبت بواسطة abo_mazen

ومش هتلاقي بنزينات شيل تاني خلاص ..ككككككل بنزينات شيل إتباعت لتوتال ..زيوت شيل بتجيبها من أي موزع معتمد ..ده رقم خدمة عملاء شركة شيل لو عاوز تتصل بيهم هيقولوك على أقرب موزع معتمد ليك

0227557555

وعموما تغيير نوع الزيت ليه فلاش بيتحط ..لكن أنا ما بحبش أستخدمه..وبغير نوع الزيت عادي ما بيحصلش حاجه

الفلش ما يتحطش إلا إذا كان الموتور فيه ترسبات داخلية فقط...

وأحيانا بيتحط قبل وضع الزيت التخليقي (من مجموعة 4 أو 5 فقط) علشان تشيل الترسبات الداخلية بردو.. لإن الزيت هيدوبّها بعد كده وممكن تسد مجاري الزيت.. وده لو حصل يبقى الموتور الله يرحمه.

...

**borio1704** · 27-06-2015 09:27 PM

المشاركة الأصلية كتبت بواسطة عمرو كاشف

اعتقد ان الزيت اللي انا بستخدمه دا زيت معدني وماليش دعوة بقصة الفلش دي خالص ولا اية ؟
واعرف منين اذا كان فيه ترسبات داخلية خالص ؟
ومفهمتش برضه هل في مشكلة بالتغغير لزيت اخر على الموتور ولا مفيش مشكلة ؟

أيوه فعلا.. كل الزيوت اللي بيسموها 3000 و5000 معدنية.

بالنسبة للترسبات الداخلية.. فالموضوع سهل نسبيا..

كل المطلوب إنك تشيل غطاء التاكيهات (اللي راكب فيه غطا فتحة الزيت).. وتبص على الموتور..

لو لقيت منظر شبه ده..

أو ده

يبقى الموتور محتاج فلش

إنما لو لقيت الموتور نضيف.. زي كده:

أو كده

يبقى موتورك تمام ومش محتاج أي حاجة.

بالنسبة لتغيير أنواع الزيت... فالمفروض إنك تثبت على نوع وماركة الزيت لأطول فترة ممكنة.. لإن التغيير باستمرار له آثار سلبية..

ده غير إن مبدأ خلط الزيوت مرفوض تماما..

حتى لو جبت زيتين من ماركتين مختلفتين لهم نفس درجة اللزوجة ونفس المواصفات.. بردو مرفوض.

المشكلة كلها إن شركات الزيوت بتستخدم إضافات مختلفة عن بعض.. وخلط الزيوت من غير ما تعرف إيه هي الإضافات المحطوطة ممكن يدخلنا في مشاكل نتيجة التفاعلات اللي ممكن تحصل والله أعلم بيها.

لما بتيجي تغير الزيت.. بيفضل جزء بسيط من الزيت القديم.. وبيحصل له خلط مع الزيت الجديد... فلو عملت الكلام ده كتير.. فده مش كويس..
إنما مرة وبعدين استقريت على النوع الجديد.. إن شاء الله مفيش مشاكل.

...