رعشة جامده في موتور اونو في السرعة اابطيئة

**Ahmed_Gad** · 27-06-2015 06:52 PM

السلام عليكم ورحمة الله وبركاته
ورمضان كريم عليكم جميعا
انا اخوكم احمد من قسم أوبل واخويا معاه فيات اونو 1998 الموتور العادي مش انجكشن والعربية بقالها معاه 5 سنين وكانت زي الفل بس بقالها فترة كدا فيها رجة في الموتور جامدة وبيحسها اكتر لما يبقي طالع مطلع عالهادي او وهو بيتحرك من السكون بسرعة بطيئة انا قولتله دي اكيد قواعد موتور بس هو راح لميكانيكي افتي وقاله تن دا من الاسطوانة لانها وحشة وبالفعل تم تغيير اسطوانة وديسك وبلية وبعدها الرعشة زي ماهي روحنا لميكانيكي وانا قولتله اكشف على قواعد الموتور وفعلا لاقي اتنين منهم بايظين خالص روحنا غيرنا التلات قواعد بتوع الموتور وللاسف بعد كل دا مازالت الرعشة موجودة ومش عارفين نوصل لحل انا من اسكندرية
ياريت لو حد عنده حل يوافينا

**waleed alsudy** · 28-06-2015 05:01 AM

كنت شاكك في قواعد المكنه لكن بما انك غيرتها
فانا متابع علشان نستفيد

**Abo_Mazen** · 28-06-2015 09:19 AM

بما إنها أنو ..فخليه يبص كويس قوي على الشاسيه من تحت ..أنا مش بقول إن الأونو بتفتح شاسيه زي ال 128..لكن أنا بقول الأونو الشاسيه بتاعها ضعيف شوية من تحت ..دي حاجه ..حاجه تانيه القواعد جبتوها جديده ولا إستعمال .؟؟؟..حاجه تالته ..وارد قوي يكون الديسك والإسطوانه اللي إنتوا جبتوهم وحشين ..إلا لو كان حد تاني إستخدمهم وإنتوا جبتوهم من خلال تجارب الآخرين ..في إنتظار ردك

**Ahmed_Gad** · 29-06-2015 03:44 AM

الف شكر للرد
بس بالنسبة للشتسيه بصينا عليه ورفعنا العربية مافيهوش حاجة وبالنسبة لقواعد الموتور جبناها جديد لان روحت لكذا واحد بتاع استيراد قال ان القواعد بتيجي من برة مشققة وناشفة فمش هتبقي كويسة اما الديسك والاسطوانه جبنا نوع لمفروض ان كله بيشكر فيهم
بس انا دلوقتي شاكك في ترس الفولام مش عارف شكي دا في محله ولا غلط

**Abo_Mazen** · 29-06-2015 09:21 AM

المشاركة الأصلية كتبت بواسطة ahmed_gad

الف شكر للرد
بس بالنسبة للشتسيه بصينا عليه ورفعنا العربية مافيهوش حاجة وبالنسبة لقواعد الموتور جبناها جديد لان روحت لكذا واحد بتاع استيراد قال ان القواعد بتيجي من برة مشققة وناشفة فمش هتبقي كويسة اما الديسك والاسطوانه جبنا نوع لمفروض ان كله بيشكر فيهم
بس انا دلوقتي شاكك في ترس الفولام مش عارف شكي دا في محله ولا غلط

الميكانيكي لما شاف ترس الفولام مكانش ليه عليه تعليق ؟؟؟؟

**Ahmed_Gad** · 30-06-2015 07:34 PM

الميكانيكي دا تعبان اصلا وانا اتعاركت معاه لانه بيشتغل بدون فهم وواخدها بالبركة وتقفيل زي الزفت انا ناوي ان شاء الله اروح لواحد تاني بالعربية

**Abo_Mazen** · 30-06-2015 07:41 PM

المشاركة الأصلية كتبت بواسطة ahmed_gad

الميكانيكي دا تعبان اصلا وانا اتعاركت معاه لانه بيشتغل بدون فهم وواخدها بالبركة وتقفيل زي الزفت انا ناوي ان شاء الله اروح لواحد تاني بالعربية

خلي بالك عشان ممكن تكون الحدافه كانت محتاجه مسحه

الموضوع: رعشة جامده في موتور اونو في السرعة اابطيئة

LinkBack

أدوات الموضوع

عرض

-

-

-

-

المواضيع المتشابهه

رعشة جامده ميتسوبيشى لانسر بومة 2014

مشكله جديده رعشة جامده جدا مع التكييف وخنقه فى اداء العربية

رعشة فى الريجاتا مع السرعة الأولى و الثانية

رجة و رعشة جامده اوى فى الريجاتا بعد سرعة 90

رجه جامده فى موتور كورسا 2004

الكلمات الدلالية لهذا الموضوع

المفضلات

المفضلات

ضوابط المشاركة