ضبط CO potentiometer (رجاء اللى ضبطة لايبخل بالمعلومة)
السلام عليكم...
كل سنة وانتم طيبن... ورمضان كريم
بداية كانت المشكلة عدم انتظام السلانسية (العربية كانت بتعمل misfire) رجة عند بداية الحركة ورحت للتوكيل ضبط العربية على السكانر وضبط CO potentiometer مع العلم ان مفيش حد لعب فيه من الزيرو وغير بوجيهات وقالى الرشاشات عايزة تنظف بالالتراسونيك ...المهم طلعت اجرب لقيت تحسن بسيط فى السلانسية ةالرجة
رجعت قلتيه انت ظبطت البوتنشميتر على كام لقيتة خلف تقسيمة وقالى مضبوط على الشعرةز
رحت مركز برة كشف عليها بالسكانر قالى حساس الشكمان عايز يتغير ...وكنت عايز اقولة انت حمار بس لحقت نفسى وقلتله العربية مفيهاش حساس شكمان فشاورلى على البوتنشميتر ولقت من السكانر الارور
CO potentiometer adjust out of range
المهم اقتنعت انه مفيش حد يقدر يضبط البوتنشميتر على السكانرولو كان معايا ALDL Interface كنت ضبطة بنفسى.
المهم عملت بحث فى المنتديات عن طريقة ضبطة ماقتش معلومة اعتمد عليها الا لو كان فية سكانر و لقيت تضارب فى تحديد اطراف البوتنشميتر ورجعت للمانويل بتاع العربية وحددت الاطراف الصح كما بالصورة
http://im70.gulfup.com/yb6tY5.jpg
فى منتديات بتقول الضبط الصحيح من 2.9 الى 3.4 فولت بين الطرفين 2و 3
وجربت 2.9 لقيت صوت الموتور ناعم جدا والسحب طلقة بس الاستهلاك البنزين زيادة
وجربت 3.4 الشكمان بيطلع ميه من الشكمان بس صوت الموتور عالى شوية والرجة موجودة والسحب معقول لكن الاستهلاك مش عارف لسة.
وكمان مش لاقى طريقة اربط بيها بين الفوت المرسل من الكنترول والفراية السليمة على السكانر سواء كانت 128 Count او480 MV hاو خصوصا ان كل سكانر او سوفير له قيمة فى قراءة الكنترول.
فياريت اللى ضبط البوتنشميتر على السكانر على 128 يقيس بالافوميتر المقاومة بين الطرفين 2و 3 -1 و2 -1و3 ويضبط الافو على 200 Kاوم بعد فك الفيشة طبعا
او يقيس الجهد بين الطرفين 2 و3 طيب ازاى
تجيب ابرتين خياطة رفيعين وتغرزهم فى الطرف 2 (البنفسجى ) والطرف3 البربقالى اسود من الفيشة وتقيس الفولت ودةعشان متقشرش السلك وتحافظ على الضفيرة.
دة شكلة فى العربية بالفيشة
http://im47.gulfup.com/57XS9e.jpg
انا كنت قريت فى المنتدى ان العضو misho2008 ضبطة ياريت لو هتقل عليه يقيس المقاومات او الفولت الاسهل عليك
او لو حد يقدر يقيس الكلام دة اكون شاكر لىه
منتظر الردود
