أعرف مواصفات عربيتك من المصنع برقم الشاسية (مهم للي بيشتري مستعمل)

عندنا الناس في مصر بتحب تألّف وتفتي في أي كلام, فيه ألّي يقولك العربية الفلانية متصنعة في المكان الفلاني والموديل الفلاني مش متصنع في المصنع الأصلي وفيه ألّي يقولك العربية الفلانية تقفيل مش عارف أيه, وفيه مننا ألّي بيروح يشتري عربيّة مستعملة ويشك إذا كانت العربية دي مغيرة موتور أو لأ وإلخ, النهاردة جايب لكم موقعين تقدروا تبحثوا فيهم برقم شاسيه العربية ( رقم الشاسية الكامل مش الرقم المكتوب في رخصة العربية ), الموقعين دول تقدروا تعرفوا منهم العربية اتصنعت في أي مصنع بالظبط وفي أي بلد من المصانع التابعة للشركة وفي أي مدينة كمان وأيه المصنع والبلد ألّي العربية اتجمعت فيه ( عشان محدش يقولك دا الموديل الفلاني تقفيل مصري والموديل الفلاني تقفيل مريخي ), ورقم موتور العربية واليوم ألّي العربية اتصنعت فيه بالظبط وأيه السوق ألّي العربية اتصنعت عشان تتباع فيه وبمواصفات أي بلد بالظبط ومعلومات تانية كتير.

من الآخر أنت بتطلع للعربية شهادة ميلاد وبتعمل لها فيش وتشبيه

الموقعين

VinDecoderz

&

VinDecoder

كان نفسي أعمل الموضوع دا في كل قسم في المنتدى عشان يوصل لأكبر عدد بس لقيت الأحسن أني أكتبه هنا

جزاك الله خير.
وهل الاستعلام دا صالح لجميع الماركات؟

اقتباس:

---

المشاركة الأصلية كتبت بواسطة eng_amg

جزاك الله خير.
وهل الاستعلام دا صالح لجميع الماركات؟

---

لمعظم الشركات المعروفة والمنتشرة عالمياً

طب وانا اجيب رقم الشاسيه الكامل ده ازاى

اقتباس:

---

المشاركة الأصلية كتبت بواسطة micromoud

طب وانا اجيب رقم الشاسيه الكامل ده ازاى

---

كل عربية بيكون ليها مكان رقم الشاسية بيكون مكتوب فيها، مثلاً أنا معايا إلنترا ورقم الشاسية مكتوب تحت الكرسي بتاع الراكب ألّي جنب السواق، وهو الرقم ألّي لمّا بتروح ارخّص بيتكبولك في الرخصة آخر ٥ أو ٦ أرقام منّه.

اقتباس:

---

المشاركة الأصلية كتبت بواسطة reda samir

عندنا الناس في مصر بتحب تألّف وتفتي في أي كلام, فيه ألّي يقولك العربية الفلانية متصنعة في المكان الفلاني والموديل الفلاني مش متصنع في المصنع الأصلي وفيه ألّي يقولك العربية الفلانية تقفيل مش عارف أيه, وفيه مننا ألّي بيروح يشتري عربيّة مستعملة ويشك إذا كانت العربية دي مغيرة موتور أو لأ وإلخ, النهاردة جايب لكم موقعين تقدروا تبحثوا فيهم برقم شاسيه العربية ( رقم الشاسية الكامل مش الرقم المكتوب في رخصة العربية ), الموقعين دول تقدروا تعرفوا منهم العربية اتصنعت في أي مصنع بالظبط وفي أي بلد من المصانع التابعة للشركة وفي أي مدينة كمان وأيه المصنع والبلد ألّي العربية اتجمعت فيه ( عشان محدش يقولك دا الموديل الفلاني تقفيل مصري والموديل الفلاني تقفيل مريخي ), ورقم موتور العربية واليوم ألّي العربية اتصنعت فيه بالظبط وأيه السوق ألّي العربية اتصنعت عشان تتباع فيه وبمواصفات أي بلد بالظبط ومعلومات تانية كتير.

من الآخر أنت بتطلع للعربية شهادة ميلاد وبتعمل لها فيش وتشبيه

الموقعين

vindecoderz

&

vindecoder

كان نفسي أعمل الموضوع دا في كل قسم في المنتدى عشان يوصل لأكبر عدد بس لقيت الأحسن أني أكتبه هنا

---

شكرا يا باشا على الموضوع ده انا كنت بادور على موقع ذى ده انا جربت الموقع التانى على عربيتى وادانى التفاصيل بالظبط

طيب انا معايا نوبيرا 2002 ورقم الشاسيه 14 رقم.
والموقع بيطلب 17 رقم. يبقي ايه الحل؟

اقتباس:

---

المشاركة الأصلية كتبت بواسطة wael ghonamy

طيب انا معايا نوبيرا 2002 ورقم الشاسيه 14 رقم.
والموقع بيطلب 17 رقم. يبقي ايه الحل؟

---

مش عارف والله، أنت جربت على الموقعين ؟! أنت جربت أرقام شاسيه عربيّات قديمة تمانينات و تسعينات وكانت تمام معايا

جزاك الله خير

تمام

اقتباس:

---

المشاركة الأصلية كتبت بواسطة ketoo

جزاك الله خير

---

تسلم