كيا سيراتو بتعوم منا بمجرد الوصول لسرعه فوق 70 ك

**alsayad1977** · 27-06-2015 09:39 PM

انا معايه سيراتو 2015 الفئه الاولي مشكلتي تقريبا العربيه جديده وعامله 370 كيلو فقط وحاسس انها بتعوم منا لما بتوصل السرعه 80كيلو شي غريب والاهم بحس بالمطلبات بتهز العربيه باستمرار حته من اقل مطب مش عارف في ايه ياريت تنصحنا ممكن اعمل ايه

**دكتور خالد** · 27-06-2015 09:51 PM

روح مركز محترم و ظبط زوايا على الجهاز و شوف لو تمام خلاص لو فى مشكلة اطلع على التوكيل طبعا

**mazen56** · 27-06-2015 09:57 PM

روح على التوكيل على طوووووووول

**HAITHAM1985** · 27-06-2015 09:57 PM

أنت جايب عربية جديدة .......... روح على الوكيل على طووووول ....... وبص على العموم لو التعويمة دى من غير حدف فى الطارة هتكون ظبط زوايا ....... لكن لو بتحس إن العربية بتزلزل منك بالذات من ضهر العربية فهيا دى مشكلة السيراتو فتعمل إيه ....... خف العجل اللى ورا على 28 واللى قدام على 30 هتظبط الدنيا ....... ومتقلقش يا مااااااا هتشوف وتاخد خبرة
مبروووووووووك العربية

**Omar Sarray** · 28-06-2015 07:47 AM

يمكن زوايا ومتنساش عربيه لسه مش متعود انت عليها لأن وزنها خفيف ولو فيها مشاكل روح صيانه وشوف وتأكد منها

**wael30003** · 10-07-2015 01:00 PM

انا هاقولك السبب ايه .....انا شارى سيراتو.٢٠١٥ ..وكنت حاسس المطبات كأن العربية من غير عفشة .....رحت اضبط الكاوتش لاقيت ضغط الاطارات ٦٠ !!!!!!!
طبعا بعد ما ضبطت الضغط الحمد لله الدنيا اتظبطت معايا ......اى عرببة زيرو بيكون ضغط الهواء ٦٠ عشان ما تريحش فى المعرض...
وكان معايا لوجان ٢٠١٢ برده كان الضغط ٦٠....على فكرة انا عامل ١٢٦٠٠كم ..