يا جماعة انا نازل اجازة مصر لمدة شهر تقريبا اجازة سنوية فى 11 يوليو القادم يعنى اسبوعين من دلوقتى تقريبا و كنت ناوى اشترى سيارة زيرو و اتركها فى كراج العمارة و اسافر ..و كنت محتار بين كذا نوع للسيارات و بعد ما استقريت على سيارة طلع لى التزامات عقارية و الحقيقة وجدت انها اهم من وضع مبلغ كبير فى سيارة للاستخدام لمدة شهر ثم تركها دون الضرورة الملحة لذلك فى هذا الوقت - ده انا حتى مش هكمل 1000 كيلو صيانة اول 1000 بعد الشراء - لذلك وجدت انى استفيد بالمبلغ فى شئ تانى اهم و ضرورى حاليا و من الافضل تأجيل الشراء للسيارة فى وقت آخر بإذن الله - و نظرا لإحتياجى الضرورى للسيارة من اول يوم وصولى لمصر ولأن اسرتى مسافرة معى و عندى ثلاث اولاد واحد منهم طفل رضيع لذلك لا يمكن ابدا الاستغناء عن وجود سيارة تحت رجلى واقفة تحت البيت لأى سبب حتى لو مش خارج و متواجد فى البيت - لأن مش كل الايام سوف اخرج فيها طبعا لأنى محتاج اجلس وقت طويل مع والدتى ووالدى بعد البعد عنهم سنة كاملة ربنا يخلى لكم والديكم جميعا - و طبعا الاجازة حوالى 35 يوم فقط و سوف اتركهم تانى و اسافر و الحياه كده و الله المستعان ...عشان كده اتصلت بمعارض سيارات فى مدينة نصر و الحقيقة قالوا لى ان شهر 7 و 8 موسم و ايجارات السيارات مرتفعة و قالوا لى اسعار مبالغ فيها جدا لليوم الواحد - عشان كده قولت اعرض عليكم الموضوع لو حد عنده سيارة قديمة و مش محتاجها او زيادة عنده مش بيركبها يوميا لأن عنده سيارة غيرها مثلا او سيارة حد فى اسرته مسافر و راكن سيارته او حد حابب يستثمر سيارته لمدة شهر - ممكن استأجرها منه شهر او المدة كلها لى فى مصر و منها انا استأجر بسعر معقول مناسب غير مغالا فيه و منها اى حد يستفيد خلال هذا الشهر بالإيجار - و على فكرة انا كبير فى العمر و لست شاب صغير طايش من المتهورين فى القيادة و اقصى سرعة جبتها فى الشوارع الدولية خارج مصر بسيارتى الحالية كانت 130 كيلو على طرق السفر الدوليه اثناء السفر للعمرة و الحج - لا احب القيادة بسرعة و دائما داخل المدينة ملتزم بالسرعات المحددة و اتذكر انى منذ سنوات كثيرة لم ارتكب مخالفة مرورية واحدة خارج مصر فى البلد المقيم فيها و لا حتى داخل مصر بسيارتى القديمة قبل ان ابيعها قبل السفر للخارج - انا فقط محتاج سيارة ماشية و لا تتعطل خلال هذا الشهر ( فقط لا غير ) و لا يهم النوع او الموديل المهم سيارة شغالة و صاحية و لا تتعطل او تقف بى فى اى وقت لأن كما قلت لكم عندى اسرة و اطفال ولا مجال للوقوف فى الشوارع او اى مشاكل من هذا النوع اطلاقا - يعنى عايز سيارة صاحبها يكون متأكد منها انها بنت حلال و شغالة زى الفل معاه و مش مهم اى حاجة تانية - المهم اشغل مارش العربية تشتغل و امشى و اقضى بيها مشاويرى بسلام و اعود فى سلام و الحمد لله على كده - ده كل اللى طالبه