وارد قوي يكون في بستم واحد بس هو اللي بيهرب زيت ..عموما شوف إحتمال غطا التاكيهات ده برضه ..بس حضرتك بتقول كربون مرطب ..يعني كده الزيت جاي من جوه مش جاي من بره
عرض للطباعة
لا غطاء التكهات عندى مفهوش مشاكل بس لو الموضوع من برة زى محضرتكو وضحتولى يبقى ممكن يكون جوان اللى تحت الموبينة لان البوجية اللى فى المشكلة هو اللى قريب من الموبينة هتابع الجوان دة بس بعد اذن حضرتك ممكن تعرفنى موضوع الشنبرة تفاصيلة اية لانى معرفش حاجة عنة اسعارة مصنعية فى خوف بعد كدة على العربية وشكرا جزيلا على الاهتمام
الاول ممكن اعرف العربة انجكشن ولا عادة
وبعدين زى ما قال الاخ الفاضل ايه نوع البهدلة لان شكل البوجيه بيدل على المشكلة
نوع البوجيهات بردة بيبقى ليها تاثير قوى يؤخذ فى الحسبان
لو فيه زيت على البوجيه لازم تلاقى دخنة ابيض مزرقة مع الشكمان وخصوصا فى بداية الدوران
بس متخفش ممكن تعمر العربية من غير ما توديها لميكانيكى
رد بس على وانا هاقولك نعمل اية
1- نوع الحقن للعربة
2- نوع البوجيهات المستخدمة
3- لون الدخنة الخلفى
4- لو فى صورة لشكل البوجية
والله الموفق
1- العربية لانوس 99 العربية رشاشات
2- نوع البوجهات النوع الموصى بية فى اللانوس اعتقد nkgبالكود بتاع الانوس
3-الدخنة اطبيعية مش ابيض مزرق وﻻ حاجة ممكن اقولك ان تقريبا مفيش دخنة اصلا
4-البوجية دة الوحيد بيطلع علية زيت ولونة مسود للاسف مصورتوش بس لما افكة عشان انظفة هحاول اصورة
وشكرا على الاهتمام
أخبار الميه عندك إيه هل بتنقص ولا لأ لأن ده هيترتب عليه حاجات كتير - كمان لما بتطلع مقاس الزيت بتاع الموتور هل الزيت عامل زى الطحينه ولا لأ ؟؟؟؟