مين احسن لشراء شقة و ليه
عرض للطباعة
مين احسن لشراء شقة و ليه
الرحاب
مدينتي = مزبلة كبيرة
اسف انا قصدى مدىنتى ولا ماونتن فيو
طب ليه زباله
مونتن فيو اكيد بس اغلي بكتير المتر وصل ١٠،٠٠٠ جنيه غير انهم متاخرين شويه بص علي مفيدا السعر اغلي سنه بسيطه بس بيسلمو بتشطيب
الرحاب حاليا تحولت لمدينه نصر جديده
لكنها افضل لقربها
لو هنتكلم عالورق ماونتن فيو احسن و ارقى و انضف . طب نتكلم فالواقع .. كل اللى اشترى فالكومباوند دى محدش اشترى عشان يسكن الا مدينى والرحاب كله اشترى استثمار وعنده شقة او شقق تانية عايش فيهم فمكان نضيف فتحولت للى بيسموه فامريكا ghost cities انا شفت كومباوندز متسلمة ومتشطبة فالتجمع فعلا زى مدن الاشباح و متلاقيش كام واحد ساكنين فيها رغم انها خالصة من سنة و اكتر
متابع
انا كنت ساكن فى الرحاب 8 سنين و لسه ناقل مدينتي قريب لانى زهقت من سلبيات الرحاب + انى كنت عايز اخد حاجة اكبر
- بشكل عام مدينتى تخطيط افضل من الرحاب فى المساحات الخضرة و توزيع العمارات
- التشطيب فى الاتنين زباله
- التليفونات ابتديت تخوش فى المنطقة الاولى و لما التكلفة يتتناسب مع عدد المشتركيين بيفتحو لمنطقة تانية
- فيه عمار فى المراحل الاولى المتسلمة بقلها فترة بس مفيش كربسة الرحاب و الشوارع بتقف و الخنقات الكانت بشكل يومى بشوفها فى الرحاب و طبعا عامل الوقت بيفرق انا حضرت الرحاب لما كانت زى مدينتى دلوقتى فى نسبة السكن
- الشهر الفات فى تغييرات واضحة فى مدينتي فى هايبر ماركت لاولاد رجب فتح جديد حاجة بحجم كرفور كده و الفود كورت فتح فيها 3-4 اماكن جديدة فى ال 3 اسابيع الفاتو
- اهمال الزراعة موجود فى الرحاب برده بس فى مدينتى الاماكن اللسه نسبة السكن فيها قليل مش مهتمين بالزراعة قوى
- انقطاع المياه ده لسه محصليش فى مدينتى علما انى فى الرحاب ركبت خزان للشقة بسبب انقطاع المياه و السنتين الفاتو فى الرحاب كان افضل بس كانت بتقطع بسبب اعطال او حوادث
- جهار الرحاب عاجز و فاشل خصوصا لو الشكوى من اماكن تجارية او سوء تخطيط , اخرهم يفضو خناقة بين اطفال, يغيروا اماكن دخول الزوار كده يعنى
- مدينتي افضل فى عدم وجود الاشكال الضالة البيجى الرحاب تزاحم و تتحرش و تتعاطى
- عموما مدينتى و الرحاب من وجهة نظرى افضل فى نسب السكن عن الكومبوندز بتاعت التجمع + موضوع وجود خدمات سوق - حرفيين - مركز طبي - نقل و نادى بيسهل الدنيا العيشة شوية و بيقلل الحاجة للخروج بره المدينة
الحاجات المش عجبانى هى
- طول المشوار فرق ربع ساعة ازيد من الرحاب
- المساحات جوه المدينة كبيرة حبتيين
- طبعا انا كنت متعود على التنوع فى الخدمات فى السوق الرحاب , مدينتي مفيش التنوع الكتير الكان فى الرحاب
- اتقل فى البيع و الشراء عن الرحاب
انا لحد دلوقتى برده مقدرش اقول انى ارتحت بنسبة 100% فى مدينتى لسه فى مرحلة التأقلم
معلش15 ساعه فرق بين مدينتي والرحاب ازاي
ارجو التوضيح