يعنى شهرين بدل اخطار لو التامينات اقل من 10 سنين و3 شور بدل اخطار لو تامينات اكتر من عشر سنين ....
عرض للطباعة
المفروض ان تعويض انهاء الخدمة يكون شهرين عن كل سنة عمل و تلات شهور بدل اخطار. الشهور دي تتحسب من اجمالي المرتب شامل جميع البدلات و المكافاءات و غير خاضع لأي ضرائب. هو يعتبر فصل تعسفي فعلا و هما بيعرضوا انك تستقيلي و تاخدي التعويض المنصوص عليه في القانون ودي بدل المحاكم، ملكيش حاجة اكتر من كدة عندهم. متقدريش تقولي لأ مش بمزاجك للأسف، يا رب بس يصدقوا و يدوكي حقوقك كاملة. و لو ليكي فلوس في صندوق او حاجة المفروض تاخديها طبعا بس غالبا ممكن يدوكي اللي دفعتيه بس.
اللى اعرفه ان المفروض لو هتطلعى معاش فبتخدى شهر عن كل سنه ولو اتفصلتى يبقى تخدى شهرين عن كل سنه فده شىء كويس انهم هيدوكى شهرين. وان شاء الله بخبرتك هتلاقى شغل فى مكان تانى وبالتوفيق
إوعى تمشى ورا المحاميين هايطمعوكى و للأسف مش هاتاخدى أكثر من إللى الشركة عرضته ده لو عرفتى ساعتها تاخديه أصلا و عن تجربه
وافقى و عوضك على الله
من 4 سينين حصل نفس الموقف معايا ، كنت شغال في شركة multinational لمده 13 سنة و بسبب أحوال البلد الغير مستقرة ، قررت الشركة انهاء نشاط المكتب الإقليمي في مصر ، قانون العمل رقم 12 لسنه 2003 واضح
أهم مادتين
( مادة 111 )
يجب أن يتم الأخطار قبل الإنهاء بشهرين إذا لم تتجاوز مدة الخدمة المتصلة للعامل لدي صاحب العمل عشر سنوات وقبل الإنهاء بثلاثة أشهر إذا زادت هذه المدة على عشر سنوات
( مادة 122 )
إذا أنهى أحد الطرفين العقد دون مبرر مشروع وكاف ، التزم بأن يعوض الطرف الأخر عن الضرر الذي يصيبه من جراء هذا الإنهاء .
فإذا كان الإنهاء بدون مبرر صادر من جانب صاحب العمل ، فلا يجوز أن يقل التعويض المستحق للعامل عن أجر شهرين من الأجر الشامل عن كل سنة من سنوات الخدمة .
أهم حاجة الحد الأدنى شهرين اجمالي على كل سنة عمل بالأضافة ألي notice period و ده 3 شهور
أنا ضيفت في حالتي الأجازات السنوية بالأضافة التأمين الصحي لمده سنه كاملة
بلاش موضوع المحاميين علشان فيه ناس جربوهم ، خسروا مصاريف محاماه و في النهاية نفس package
موقف التأمينات أيه يا جماعة ؟
يعني باخد مكافأة نهاية خدمة ولا معاش ، ولا الإثنين مع بعض ؟