نصيحه : إيه يخليكي تركبي عربية عدي عليها 17 سنه أو أكتر ؟!!!
الأكثر واقعية بالنسبالك : سبيرانزا a113
نصيحه : إيه يخليكي تركبي عربية عدي عليها 17 سنه أو أكتر ؟!!!
الأكثر واقعية بالنسبالك : سبيرانزا a113
بس انا ايه يخليني اركب صييني بمشاكله الكثير ....
طبعا شكرا على نصيحتك بس انا مستبعدة الصيني خالص من اختيارتي ....
كمان مالهاش علاقة عدى عليها كام سنة ليها علاقة بحالة العربية ...
أنت ممكن تركب عربية حديثة مشاكلها كثيرة وحالتها وحشة وعربية قديمة حالتها كويسة ... وانا من وجهة نظري من الخبرة اللي اكتسبتها من القراية بيتهيألي كل ما الموديل أقدم كل ما كان ابسط ومشاكله كلها معروفة ... ولو كلامي غلط قولولي عشان أنا يستفيد منكم بردو
المشكلة يا Sue مش مشكلة ان الاعطال معروفة
المشكلة هنا بتكون ان العمر الافتراضى لاغلب المكونات بيكون انتهى وبالتالى يجب استبداله او بيكون قابل للعطل
فبالتالى كل شوية بتلاقى مطلوب تغيير قطعة
ضيفى على كدة ان الموديلات القديمة مش هتلاقى قطع غيار اصلية بسهولة فجودة القطع المتاحة مش مضمونة
وبصفة خاصة الابيزا عربية لعب وجرى وامريكانى وخمسات وغيره
فده بيأثر بشدة على عمر قطع غيار العربية
لانه بيكون اجهاد للعفشة ونظام نقل الحركة من الفتيس والدبرياج والكبالن
انتى لسه جديده فى السواقه و لا دا سؤال مهم لانه على الاساس دا هتقدرى تحددى العربيه الى عايزاها
و بعدين هل هتقدرى تروحى تكشفى على عربيتك و لو عطلت لقدر الله هتعرفى تتعاملى و تخلى الميكانيكى يجى و تودى و تروحى و تجيبى ؟؟
السنتر و الازاز الكهربا مش مشكله اوى ممكن يتركبو من برا
و بتقولى مشاويرك كبيره و عايزه تكييف كمان قطع غيارها هتكون عامله ازاى
لو فى امكانيه انك تجيبى عربيه قسط انا برشحلك سوزوكى التو الجديده 800 سى سى و تكييف او سايبا برايد 1300 سى سى و تكييف و ازاز كهربا و الناس بتشكر فيها اوى
انما بقا لو عايزه عربيه كبيره و تكييف محترم و كويسه بالمبلغ دا حاولى تجيبى بيجو 405 الايرانى مش الفرنساوى هتلاقى موديلاتها 2006-2007 عربيه ناشفه و تقيله فى صاجها و محترمه الصراحه و تكييفها و عفشتها فوق الممتاز عن تجربه شخصيه
***************************************
كلام صح وسليم ..... ممممم بس انا مش معايا إلا 30000 او لو هزود 35000 مش معايا أكثر من كده .... ممكن الاقي ايه حاجة كويسة بالسعر ده ???? ممكن بولو أو جولف ??? ولا سبارك ?? بس انا يهمني التكييف وفي نفس الوقت مش يأثر على قوة الموتور ... ونفس الكلام كلها هتبقي موديلات 99 ماعدا سبارك هتبقي حديثة شوية ....
طيب انا بفكر بصوت عالي معاكوا عشان استفيد منكوا ...
عايزة اقولك معلومة وتقولي صح ولا لا... مش الشباب بيستعملوا أكثر 94 فا ممكن نشوف موديل 99 مثلا متكونش ماتت قبل قبل :E_braces[1]::E_braces[1]:
####################$$$$$
أولا شكرا على ردك ومساعدتك وارائك .....
ثانيا اه أنا بتعلم السواقة دلوقتي مانيوال
ثالثا لا مش هروح بيها على ميكانيكي كنت هعرف منكوا ميكانيكي كويس لابيزا قريب من منطقتي وحد من اخواتي يروح بقى.
رابعا فعلا انا عايزة عربية تستحمل تكييف ومتجيش على حساب الموتور عشان طريقي طويل شوية ...
هي بيجو 405 موديل 2005 نفس السعر ???
اه معلومة كمان مش عايزة قسط خالص للأسف ...
اسمحى لى اقول رأيي
مع احترامى لكل الزملاء الافاضل (مع العلم ان 90 % من رايهم صح)
مدام انتى مقتنعى بعربية معينة انسى انك تقتنعى بحاجة غيرها ومدام انتى حاباها استخيرى ربناواتوكلى على الله بس لازم يبقى عندك خلفية بمشاكلها وده من خلال القراءة فى المنتدى ومدام انتى لسه جديدة فى عالم السيارات لازم يبقى عندك طولة بال وخصوصا انتى مختارة عربية عجوزة شوية وقطع غيارها غالية شوية واللى بيفهموا فيها قليلين شويتين
ربنا يوفقك لواحدة تكون حالتا نضيفة ونصيحة ابعدى عن استعمال الطبيب واستعمال السيدة والمرفوعة 3 سنين
البيجو الفرنساوى اغلى من الايرانى لو قريب من السنه دى بس انا مش هقدر اتكلم على الفرنساوى لانى مركبتهاش الصراحه
بس الى البيجو الايرانى فعلا عربيه تكييفها جامد و انا موتورها 1600 خلفى و هتستحمل معاكى الهرى و الهبد بس قطع غيارها هتكون زى الفرنساوى و فى نفس الاسعار بالضبط و لو انتى من م.نصر او مصرالجديده اعرف ميكانيكى كويس بتعامل معاه على طول و بيعرف يجيب الحاجات دى استيراد و مش غاليه