40000 على اقصى تقدير
40000 على اقصى تقدير
اختنا الغاليه اهلا بيك ف المنتدي بصفه عامه و بقسم السيات بصفه خاصه
اولا حضرتك الابيزا عربيه محترمه جدا بس احب اقول لحضرتك بعض المعلومات اللي ممكن تكون غايبه عن حضرتك اول حاجه ابيزا تقريبا 97 و 98 و 99 موتور 1000 سي سي انجيكشن كامله مانيوال زجاج امامي كهرباء مرايات كهرباء مافيش باور ف الطاره او كما يقال نص باور نزل منها 2 موديل الموديل اللي نزل مصر نزل بدون تكييف ع الموتور 1000 سي سي ثانيا الموتور ال 1000 ضعف بعد شغل 17 سنه شغل و قليل جدا لو لاقيتي عربيه ابيزا فابريكه بموتور ال 1000 اغلبها هاتلاقيها متسقط لها موتور و دا مايعيبش العربيه خالص لان العربيه زي ما قولت لحضرتك ف السوق بقالها 17 سنه دا بالنسبه ل 3 موديلات اللي قولت لحضرتك عليهم 97 و 98 و 99 نيجي بقا لل 94 دي ممكن تلاقي فيها موتور 1400 و 1600 و طبعا فيه اللي بيسقط 1800 و 2000 كمان بس طبعا الاختلاف بين موديل 94 و 98 كبير ممكن الشكل يكون قريب جدا لبعض من بره و الاختلاف يبقا ف حاجات بسيطه بس حقن الوقود مختلف و انا شايف انه ميزه كبيره ف 98 لانه انجيكشن اما ف ال 94 فاهو كاربراتير و طبعا الانجيكشن اوفر ف البنزين و ربنا يوفقك ف حاجه كويسه و ياريت اكون قدرت اوصل لك معلومه كويسه
أنا فعلا شكرا على ترحيب حضرتك وشكرا على معلوماتك ... بس اكيد المتسقط ده حاجة تعييب العربية عشان أنا مش عايزة اجيب عربية اصرف عليها ولا عايزة اجيب عربية منهكة لأني مش هبيع تاني ... الابيزا بالذات لو اشتريها مستعملة اشتريها من واحد بيبعها عشان يجيب الأحدث مش عشان مش عارف يصرف عليها وقرفته ... فاهم قصدي ....
بس لو حد يحاول يغير معنى التقسيط بالنسبالي أنا ممكن اغير وجهة نظري .... بس انا لسه مصممة على موديل 99 تكييف 1400 سي سي انجكشن نص باور ...
وعايزة اقولكوا انى فعلا لما بشوف العربية في الشارع بحس اني شوفت خطيبي مثلا ... قلبي بيدق وبفرح جدا ولو راكنة بفضل الف حواليها زي الهبلة
العربية داخلة دماغى جدا بس متخوفة منها عشان كتير قالولي أنها متنفعش بنت
بصراحة هي من اجمد العربيات بالسعر ده بالامكانيات دي .. رأيك ايه في الناس اللي بتقول بيجو 405 وجوليت ??
Sue انا مش هقدر الومك لو اختارتى اى عربيه بس الى بقولهولك من واقع التجربه الشخصيه و انى ركبتها و للعلم بالشىء الفيرنا و الانوس برقبه الابيزا العربيات دى اتعملت فعلا عشان تشيل
انا سقت 128 نوفا, فيرنا , بيجو 405 ايرانى , جلورى
و بفلوسك اتكلى على الله و جيبى البيجو 405 الايرانى و متكونش عامله كيلوات كتير و حوضها وااااااااااااااسع و ممكن يركبلها مواتير كبيره فعلا
كنت بفكر في جيتز بردو .... بس هي عربية غالية اووووووي مش عارفة ليه
طيب دايو جوليت ???? ايه رأيكو فيها ??? وفي منها اتوماتيك ??
بص يا فندم التسيقط عمره مايعيب عربيه شغاله بقالها اكتر من 17 سنه انا معايا ابيزا 98 فابريكه جوا و برا و مش ملعوب فيها جابت معايا 4 مرات وش سلندر و اروح اصرف و متكملش معايا سنه و تجيب وش سلندر تاني المهم الموتور جاب اخر من كتر المسح و روحت سقطت موتور 1400 سي سي اشد و اقوي و ما شاء الله العربيه شكلها محترم و سرعتها ممتازه و سحبها كويس جدا و سعرها فوق الممتاز لكن نيجي للفيرنا عربيه ضيقه من جوا عربيه خفيفه صاجها هش و غير كدا سعرها مش هايقل عن 45000 ف موديل مثلا 2004 و الجولييت عربيه جميله تصميمها تحفه انا بحب شكلها جدا و بالاخص انسيبيتي الهاتش باك بتاعها تحفه بس سعره برضك مش هايقل عن 45000 ممكن حضرتك تجيبي البولو شكلها حريمي اكتر و هي و الابيزا واحد و هاتلاقيها بالفلوس اللي معاك و تاني مره ماتخفيش من عربيه متسقط لها و اكشفي عليها كويس و ربنا يكرمك بعربيه حلوه و كويسه و يارب اكون قدرت اوصلك معلومه تفيدك
معلش نسيت اقول لك البيجو ال 405 عربيه حديد و قويه و شديده بس للاسف ماتنفعش واحده ست دا من حيث شكل العربيه
و تفكيرك لانك بتدور ع عربيه صغيره و هاتشباك