الموضوع: ممكن مساعدة منكم انا جديدة في المنتدي وعايزة اجوبة علي اسألتي

المشاركة الأصلية كتبت بواسطة zokazok

بص يا فندم التسيقط عمره مايعيب عربيه شغاله بقالها اكتر من 17 سنه انا معايا ابيزا 98 فابريكه جوا و برا و مش ملعوب فيها جابت معايا 4 مرات وش سلندر و اروح اصرف و متكملش معايا سنه و تجيب وش سلندر تاني المهم الموتور جاب اخر من كتر المسح و روحت سقطت موتور 1400 سي سي اشد و اقوي و ما شاء الله العربيه شكلها محترم و سرعتها ممتازه و سحبها كويس جدا و سعرها فوق الممتاز لكن نيجي للفيرنا عربيه ضيقه من جوا عربيه خفيفه صاجها هش و غير كدا سعرها مش هايقل عن 45000 ف موديل مثلا 2004 و الجولييت عربيه جميله تصميمها تحفه انا بحب شكلها جدا و بالاخص انسيبيتي الهاتش باك بتاعها تحفه بس سعره برضك مش هايقل عن 45000 ممكن حضرتك تجيبي البولو شكلها حريمي اكتر و هي و الابيزا واحد و هاتلاقيها بالفلوس اللي معاك و تاني مره ماتخفيش من عربيه متسقط لها و اكشفي عليها كويس و ربنا يكرمك بعربيه حلوه و كويسه و يارب اكون قدرت اوصلك معلومه تفيدك

######################################

شكرا جدا ليك ... رغم اني النهاردة سألت ناس وقال لي فكك من الأوروبي عشان هيتعبك جدا وتكييفه تعبان ... بس مقتنعتش ... بس قلقت لأني معنديش خبرة مش اكتر ... ولو كده خلاص اتوكل على الله في سيات ابيزا 99 ان شاء الله ... بس نصايحكو بقى اكشف عليها في بنزينة فين وآخرها كام ... ولو فيها موتور متسقط بقى اعرف منين ان مفيهوش مشاكل أو كل حاجة سليمة وفي مكانها مع العلم أنا مش هبيع تاني والعربية دي إن شاء الله هتفضل معايا لحد ما ربنا يكرمني بالاحسن منها ....
شكرا جدا ليك أنا هاخد بكلامك واتكل على الله ....
وشكرا جدا بقى للمنتدى الجامد ده بالذات الابزاوية ... انتو متعاونين جدا

المشاركة الأصلية كتبت بواسطة haitham1985

إنتى مش محتاجة نصيحة إنتى أستاذه وواضح من كلامك وإختيارك للإيبيزا موفق جدا ......... إشترى موديل 99 وتوكلى على الله

&&&&&&&&&&&&&&&&&&&&&&

ربنا يخليك أنا مش أستاذة ولا حاجة أنا قرأت كتير عنها والعربية سحرتني جدا وكل الناس بتقولي لا بلاش فمترددة مش اكتر ... فكان لازم اعرف منكو ... أي نعم انى اتلخبطت شوية بس من جوايا عاجبني الابيزا ....
شكرا ليك مرة ثانية
بس قدام الثقة اللي اديتهالي في اختياري ( تقولي اجيب موديل 99 بمواصفات ايه أقصد كماليات ايه والسعر كام آخره لو عربية متسقط فيها موتور ولا لا ??? وفي أستاذ هنا اسمعني ان تسقيط مفيهوش مشكلة مادام كل حاجة تمام ... لو موتور متسقط بقى 1400 سي سي وتكييف وانذار وباور كام من الاخر عشان ميضحكش عليا ???? وأنت شايف ابيزا 99 ولا بولو 99 ????

أنا عارفة اسألتي كتير ... بس زي ما انتو عارفين دي اول عربية ليا ... ومش هبيع أن شاء الله ... ودي آخر مرة هزعجكوا تاني بجد ... لأن اللي هيتقال هظبطه في دماغى وبعدين انفذه أن شاء الله

عموما الف مبروك على اى عربيه هتجيبيها بس نصيحه منى ليكى هاتى العربيه الى ترتاحى و انتى سايقاها مش الى شكلكها يعجبك و بالذات انتى بتدورى على عربيه من فئه سعريه قليله و ربنا يوفقك

بص يا فندم انا عن نفسي مبحبش اللعب الكتير ف العربيه ناس كتير بتعمي عينك باللعب اللي ف العربيه عشان يبعدك عن اساسيات العربيه و يخليك ماتدوريش فيها بمعني اصح يبهرك بمنظرها فالافضل لما تشتري يكون معاك ناس بتفهم ف العربيات و ف شراء العربيات عشان كمان ميضحكش عليك ف سعرها يعني ممكن ميكانيكي محترم عنده ضمير او سمكري يشوف اساسيات العربيه من برومه او لحامات او دهانات داخليه لانها بتعيب العربيه و نصيحتي تاني اوعي يبهرك الشكل او الكماليات و تبعدي عن اساسيات الشراء سيبي الميكانيكي و السمكري هما اللي يشوفوها كويس و لو فيه نصيب ممكن تاخدي العربيه و تكشفي عليها كمبيوتر عند اي مركز خدمه الماني و بالنسبه للسعر لو عربيه فايقه و رايقه و كل الكماليات و تكييف بتاع بلادها مش تكييف بلدي لموديل 98 او 99 ممكن تعمل من 35000 ل 40000 و ربنا يوفقك للصالح

أنا اكيد هروح معايا ميكانيكي معرفة وهكشف عليها كمبيوتر في بنزينة عشان اللعب الكثير اللي فيها ... أنا الحمد لله فاهمة ده ...
بس ثانية واحدة يعني ايه تكييف بلدها مش بلدي ??? ومش كتير عليها 35 أقصد أنها ممكن تنزل 33 او 32

تكييف بلدي بمعني ان العربيه مش نازله بتكييف و صاحبها ركبه ع ايده اشتري لكن تكييف بلادها اللي العربيه نازله به او بالمعني الاصح اللي الخواجه اللي مصنع العربيه عامله مع العربيه فاعامل حساب كل حاجه غير التقفيل الصح و السليم و هو دا معني التكييف البلدي و التكييف الاصلي اللي بيسقط موتور ف عربيته و عربيته اصلا مش مجهزه تكييف لان مثلا الموتور صغير و العربيه مش نازله به بيروح يجيب لو هو غاوي بقا و هايصرف ع العربيه بيجيب نص كامل من عربيه تانيه و يركبها ف عربيته الموتور بالفتيس بالتكييف و دا افضل حاجه و احسن حاجه و ف الاغلب لما هاتيجي تشتري و تسالي ع التكييف هايقولك محتاج يتشحن و الكلام دا كله مش مضبوط

تكييف بلدي بمعني ان العربيه مش نازله بتكييف و صاحبها ركبه ع ايده اشتري لكن تكييف بلادها اللي العربيه نازله به او بالمعني الاصح اللي الخواجه اللي مصنع العربيه عامله مع العربيه فاعامل حساب كل حاجه غير التقفيل الصح و السليم و هو دا معني التكييف البلدي و التكييف الاصلي اللي بيسقط موتور ف عربيته و عربيته اصلا مش مجهزه تكييف لان مثلا الموتور صغير و العربيه مش نازله به بيروح يجيب لو هو غاوي بقا و هايصرف ع العربيه بيجيب نص كامل من عربيه تانيه و يركبها ف عربيته الموتور بالفتيس بالتكييف و دا افضل حاجه و احسن حاجه و ف الاغلب لما هاتيجي تشتري و تسالي ع التكييف هايقولك محتاج يتشحن و الكلام دا كله مش مضبوط[/quote]

##################################
طبعا جزاك الله خيرا على معلوماتك ..... بس ثانية واحدة عشان أنا أتلخبطت دلوقتي .... بالراحة كده من أول وجديد .... هو ابيزا 99 نزلت 1000 سي سي ّوفيها تكييف اصلا ???? صح ???

ثانيا لو فيها تكييف والعربية اللي هشتريها متسقط فيها موتور .. ده هيأثر على التكييف .. أقصد اللي فهمته من الكلام اللي قريته في المنتدى ان لما بنسقط موتور بنغير كل حاجة في العربية ...
فا ممكن تبقى في عربية يتكييف مثلا أصلي ومتسقط فيها موتور ??? ده مش هيغير حاجة من التكييف ????
فاهم أنا عايزة أقول إيه ???

بالنسبة التكييف لو قالي عايز يتشحن امشي واسيبه ?? :d

أنا آسفة على اسألتي بس بحاول افهم وشكرا جدا جدا جدا كتييير على مساعدتكم اصلا

بوصى ممكن تجيبى كيا برايد العصفوره بالتكييف بالمبلغ الى معاكى برضو صغيره و هاتشباك